Kantara Chapter 1: રુંવાડા ઊભા કરી દેશે ઋષભ શેટ્ટીની ફિલ્મનું ટ્રેલર, આ વખતે અલગ છે સ્ટોરી

• ટ્રેલરમાં અદભુત દ્રશ્યો, શક્તિશાળી બેકગ્રાઉન્ડ મ્યુઝિક અને એક રહસ્યમય વાર્તા છે, જે તમારા રુવાંડા ઊભા કરી દેશે

HD ન્યુઝ ડેસ્કઃ 2022માં આવેલી બ્લોકબસ્ટર ફિલ્મ કાંતારાની પ્રિકવલ Kantara Chapter 1 નું ટ્રેલર રિલીઝ થઈ ગયું છે. ઋષભ શેટ્ટી ફરી એકવાર શક્તિશાળી રીતે સ્ક્રીન પર પ્રભુત્વ મેળવવા માટે તૈયાર છે. ટ્રેલરમાં અદભુત દ્રશ્યો, શક્તિશાળી બેકગ્રાઉન્ડ મ્યુઝિક અને એક રહસ્યમય વાર્તા છે, જે તમારા રુવાંડા ઊભા કરી દેશે.

ટ્રેલરમાં શું ખાસ છે?

ટ્રેલરની શરૂઆત એક નાના બાળક શિવથી થાય છે, જે તેના પિતાના રહસ્યમય રીતે ગાયબ થવા પર પ્રશ્નો કરે છે. આ ઘટનાઓ દૈવ કોલા પરંપરા દરમિયાન જંગલમાં બનેલી ઘટનાની આસપાસ ફરે છે. ત્યારબાદ કહાની શિવા અને તેના પૂર્વજોના વારસાને જોડે છે, જેમણે દૈવી શક્તિની મદદથી અન્યાય અને જુલમ સામે બળવો કર્યો હતો.

આ ફિલ્મમાં ગુલશન દેવૈયા એક ક્રૂર અને ઘમંડી રાજકુમારની ભૂમિકામાં છે, જ્યારે અભિનેત્રી રુક્મિણી વસંત એક રાજકુમારીની ભૂમિકા ભજવે છે, જેને શિવનો પૂર્વજ પ્રેમ કરી બેસે છે. ટ્રેલરનો અંત ઋષભ શેટ્ટીના પાત્રને દૈવ કોલા પરંપરાના પ્રભાવ હેઠળ આવતા દર્શાવે છે. આ દ્રશ્ય ચોક્કસપણે હૃદયદ્રાવક બનશે.

સોશિયલ મીડિયા છલકાઈ ગયું

ફિલ્મના ટ્રેલરે સોશિયલ મીડિયા પર ધૂમ મચાવી દીધી છે. ચાહકો ફિલ્મને લઈને ખૂબ જ ઉત્સાહિત છે. એક યુઝરે લખ્યું છે કે શાનદાર ટ્રેલર! જ્યારે બીજા યુઝરે આશા વ્યક્ત કરી કે ફિલ્મ ₹1000 કરોડનો આંકડો પાર કરશે.

કાંતારા ક્યારે રિલીઝ થશે?

Kantara Chapter 1 જેને કાંતારા 2 તરીકે પણ ઓળખવામાં આવે છે, તે અભિનેતા ઋષભ શેટ્ટી દ્વારા લખાયેલી અને દિગ્દર્શિત છે, જેઓ મુખ્ય ભૂમિકામાં પણ છે. શેટ્ટીને તેની 2022ની ફિલ્મ કાંતારા માટે નેશનલ એવોર્ડ મળ્યો હતો.

આ ફિલ્મ 2 ઓક્ટોબરના રોજ વૈશ્વિક સ્તરે રિલીઝ થશે. આ ફિલ્મ 7 ભાષાઓમાં રિલીઝ થશે. કન્નડ, હિન્દી, તમિલ, તેલુગુ, મલયાલમ, બંગાળી અને અંગ્રેજી

આ પણ વાંચોઃ શિવાંગી જોશીના ગ્લેમરસ ફોટા સોશિયલ મીડિયામાં થયા વાયરલ, જુઓ તસવીરો