WhatsApp Messenger
ટોપ ન્યૂઝટ્રેન્ડિંગનેશનલ

Video: “ભારત-અમેરિકા ટ્રેડ ડીલ ખેડૂતો અને વેપારીઓ માટે અનુચિત”, જયરામ રમેશે PM મોદીને પૂછ્યા ત્રણ સીધા સવાલ

Mihirkumar Parmar Send an email Last Updated: ફેબ્રુવારી 23, 2026
1 minute read
Copy

નવી દિલ્હી, 23 ફેબ્રુઆરી 2026: કોંગ્રેસ પાર્ટીના મહાસચિવ (સંચાર) જયરામ રમેશે વડાપ્રધાન નરેન્દ્ર મોદીને ભારત-અમેરિકા વેપાર સમજૂતી અંગે ત્રણ સીધા સવાલ પૂછ્યા છે. એક વીડિયો ઈન્ટરવ્યૂમાં તેમણે આ સમજૂતીને ભારતીય ખેડૂતો અને વેપારીઓ માટે અનુચિત ગણાવી છે. આ વીડિયો કોંગ્રેસના અધિકૃત X (ટ્વિટર) અકાઉન્ટ પર પોસ્ટ કરવામાં આવ્યો છે.

જયરામ રમેશે કહ્યું, હું મોદીને ત્રણ સવાલ પુછવા માંગુ છું

પહેલો સવાલ છે કે અમેરિકી રાષ્ટ્રપતિ ડોનાલ્ડ ટ્રમ્પે 2 ફેબ્રુઆરીએ ટ્વીટ કરીને કહ્યું કે વડાપ્રધાન મોદીની મિત્રતા અને અનુરોધને કારણે તેઓ વેપાર સમજૂતીને તાત્કાલિક અમલમાં મૂકવા સંમત થયા છે. તો મોદીજીએ આ સમજૂતી માટે આટલી ઉતાવળ કેમ કરી?

બીજો સવાલ છે કે અમેરિકી સુપ્રીમ કોર્ટે ટેરિફ નીતિને અમાન્ય જાહેર કરી છે અને ટ્રમ્પે ટેરિફને 18%થી ઘટાડીને 10% કરી દીધો છે. સંયુક્ત નિવેદનમાં એવી જોગવાઈ છે કે જો એક દેશ ટેરિફ બદલે તો બીજા દેશને પણ તેમ કરવાનો અધિકાર છે. તો ખેતીવાડી ક્ષેત્ર પરના ટેરિફને દૂર કરવા અથવા ઘટાડવા માટે વડાપ્રધાન સાહસ બતાવશે?

ત્રીજો સવાલ છે કે ટ્રમ્પ વારંવાર કહે છે કે ભારતે વચન આપ્યું છે કે તેઓ રશિયા પાસેથી તેલ નહીં ખરીદે, પરંતુ અહીં સરકાર કહે છે કે અમે ખરીદીશું. નરેન્દ્ર મોદીને હકીકત જણાવવી જોઈએ, તેઓ સત્ય કેમ છુપાવી રહ્યા છે? કોંગ્રેસનું માનવું છે કે આ વેપાર સમજૂતીને એક બાજુએ મૂકીને ભારતના ખેડૂતો અને વેપારીઓના હિતને ધ્યાનમાં રાખીને સંતુલિત સમજૂતી કરવી જોઈએ.

જયરામ રમેશના સવાલોથી વિરોધ પક્ષની ચિંતા સ્પષ્ટ થાય છે. આ પોસ્ટને અત્યાર સુધીમાં હજારો લાઈક્સ અને રીપોસ્ટ્સ મળી છે અને તેના પર વિવિધ પ્રતિક્રિયાઓ આવી રહી છે. કેટલાક યુઝર્સે કોંગ્રેસને ટેકો આપ્યો છે, જ્યારે અન્યોએ તેને રાજકીય ચાલ ગણાવી છે. આ વિવાદ વેપાર સમજૂતીને લઈને વધુ ગરમાવો લાવી શકે છે.

આ પણ વાંચો: ટોલ પ્લાઝાથી કેટલા અંતર પર હશે ઘર તો ટેક્સ નહિ ચૂકવવો પડે? શું તમે જાણો છો આ નિયમ?

Tags
Copy
Back to top button