જયપુર: પત્રકાર કોલોનીમાં ફુડ સ્પીડે આવેલી ઓડી કારે કેટલાયને કચડી નાખ્યા, 2 લોકોના મોત
જયપુર, 10 જાન્યુઆરી 2026: જયપુરની પત્રકાર કોલોની નજીક ખારબાસ ચાર રસ્તા પર એક ઝડપી ગતિએ આવતી ઓડી કારે અનેક લોકોને કચડી નાખ્યા છે. આ અકસ્માત એટલો ગંભીર હતો કે બે લોકોના મોત થયા અને 12 લોકો ઘાયલ થયા છે. તમામ ઘાયલોને એસએમએસ અને જયપુરિયા હોસ્પિટલમાં દાખલ કરવામાં આવ્યા હતા, જ્યાં તેમની સારવાર ચાલી રહી છે. અકસ્માતની જાણ થતાં જ પરિવારના સભ્યો હોસ્પિટલ દોડી ગયા હતા, અને તેઓ રડવા લાગ્યા હતા. મુખ્યમંત્રી ભજન લાલ શર્માએ તાત્કાલિક અકસ્માતની નોંધ લીધી હતી અને હોસ્પિટલના અધિકારીઓને તાત્કાલિક સૂચનાઓ આપી હતી. શર્મા હાલમાં જોધપુરમાં છે.
અકસ્માત બાદ કાર જપ્ત કરવામાં આવી
એવું જાણવા મળ્યું છે કે ઝડપી ગતિએ આવતી કારે કાબુ ગુમાવ્યો હતો, પહેલા ડિવાઇડર સાથે અથડાઈ હતી અને પછી રસ્તાની બાજુમાં આવેલી ગાડીઓ પર ચડી ગઈ હતી. અકસ્માત સર્જનારી ઓડી કારનો નંબર દમણ અને દીવનો છે અને તેમાં ત્રણ લોકો સવાર હતા. અકસ્માત બાદ, આરોગ્ય મંત્રી ગજેન્દ્ર સિંહ ખિંવસાર અને સીએમઓ અધિકારીઓને ઘાયલોને સંભાળ અને સહાય પૂરી પાડવા માટે તાત્કાલિક એસએમએસ હોસ્પિટલમાં મોકલવામાં આવ્યા હતા.
મુખ્યમંત્રીએ ટ્વીટ દ્વારા શોક વ્યક્ત કર્યો હતો.
એફએસએલ ટીમ ઘટનાસ્થળે પહોંચી ગઈ છે. કાર જપ્ત કરવામાં આવી છે. મામલાની તપાસ કરવામાં આવી રહી છે અને મૃતકોની ઓળખ કરવામાં આવી રહી છે. અહેવાલો અનુસાર, આ અકસ્માત શુક્રવારે રાત્રે 9:30 વાગ્યાની આસપાસ પત્રકાર કોલોની પોલીસ સ્ટેશન વિસ્તારમાં ખારાબાસ સર્કલ પાસે થયો હતો. પ્રત્યક્ષદર્શીઓએ જણાવ્યું હતું કે ડ્રાઇવર નશામાં ગાડી ચલાવી રહ્યો હોય તેવું લાગી રહ્યું છે. જો લોકો ભાગી ન ગયા હોત તો ઘણા લોકોના જીવ ગયા હોત. અકસ્માત પછી તરત જ ડેપ્યુટી સીએમ પ્રેમચંદ બરવા ઘટનાસ્થળે પહોંચ્યા અને કહ્યું કે ઓડીમાં ચાર લોકો હતા, જેમાંથી એકની અટકાયત કરવામાં આવી છે.
આ પણ વાંચો: ઈરાનમાં સરકારે પ્રદર્શનકારીઓ પર ગોળીઓ ચલાવી, તેહરાનમાંથી 200થી વધારે લોકોના મોત
