ભુજ, 23 જૂન 2025: Industries, Religion, Reliance Group, Jainism વ્યક્તિ બધી ભૌતિક વસ્તુઓનો ત્યાગ કરીને મુક્તિના માર્ગ પર આગળ વધે એ આકરું છે પણ જ્યારે ધર્મનો જય જયકાર હો ત્યારે સંપત્તિ કે સંસારનો મોહ પણ મૂકી દેવાતો હોય છે. એશિયાના નંબર 1 અને દુનિયામાં અગ્ર સ્થાન ધરાવતા રિલાયન્સ ગ્રૂપના વડા મુકેશ અંબાણીના વરિષ્ઠ અધિકારીએ ત્યાગ, સમર્પણ, સેવા અને અહિંસાના માર્ગે પોતાનો માર્ગ કંડાર્યો છે અને જૈન સાધુ બન્યા છે. જાણો કોણ છે આ મહાનુભાવ કે જેમના વિશે સોશિયલ મીડિયા અને માધ્યમોમાં તેમની પ્રેરણાત્મક બાબતો સામે આવી રહી છે.
સાંસારિક આસક્તિઓનો ત્યાગ
રિલાયન્સ ઇન્ડસ્ટ્રીઝના ચેરમેન મુકેશ અંબાણીના નજીકના અને વરિષ્ઠ અધિકારી પ્રકાશ શાહે સાંસારિક આસક્તિઓનો ત્યાગ કરીને સાધુનું જીવન અપનાવ્યું છે. શાહે એવી નોકરી છોડી દીધી છે જેનો વાર્ષિક પગાર લગભગ ₹75 કરોડ હતો. તેઓ રિલાયન્સમાં ઉપપ્રમુખ તરીકે કામ કરતા હતા અને તેમને અંબાણીનો જમણો હાથ કહેવામાં આવતા હતા.
ક્યારે લીધી દિક્ષા?
63 વર્ષની ઉંમરે નિવૃત્તિ લીધા પછી તરત જ પ્રકાશ શાહ અને તેમની પત્ની નૈના શાહે મહાવીર જયંતી નિમિત્તે દીક્ષા લીધી. શાહ ઘણા સમયથી સંન્યાસ લેવાની ઇચ્છા રાખતા હતા, પરંતુ કોવિડ રોગચાળાને કારણે તેમણે તેને મુલતવી રાખી હતી. દીક્ષા એક આધ્યાત્મિક પ્રક્રિયા છે, જેના હેઠળ વ્યક્તિ બધી ભૌતિક વસ્તુઓનો ત્યાગ કરીને મુક્તિના માર્ગ પર આગળ વધતા હોય છે.
પરિવારમાં અન્ય પણ કોણે દિક્ષા લીધી છે?
પ્રકાશ શાહે કેમિકલ એન્જિનિયરિંગમાં ગ્રેજ્યુએશન કર્યું છે અને IIT બોમ્બેમાંથી પોસ્ટ ગ્રેજ્યુએશન પણ કર્યું છે. તેમની પત્ની નૈના વાણિજ્ય સ્નાતક છે. આ દંપતીને બે પુત્રો છે, જેમાંથી એક પહેલાથી જ દીક્ષા લઈ ચૂક્યો છે, જ્યારે બીજો પુત્ર પરિણીત છે અને તેને એક બાળક છે.
કાર્યશૈલી અને નેતૃત્વ ક્ષમતા સાથે મહત્ત્વની ભૂમિકા ભજવી
શાહે રિલાયન્સમાં કામ કરતી વખતે ઘણા મોટા પ્રોજેક્ટ્સનું નેતૃત્વ કર્યું હતું, જેમાં જામનગર પેટકોક ગેસિફિકેશન પ્રોજેક્ટ અને પેટકોક માર્કેટિંગનો સમાવેશ થાય છે. તેમની કાર્યશૈલી અને નેતૃત્વ ક્ષમતા માટે અંબાણી પરિવારમાં તેમનું વિશેષ સન્માન હતું.
ક્યાં યોજાયો હતો દિક્ષા સમારોહ?
પ્રકાશ શાહ હવે જૈન સાધુ તરીકે જીવે છે. તેઓ ખુલ્લા પગે ચાલે છે, સાદા સફેદ કપડાં પહેરે છે અને ભિક્ષા પર જીવે છે. તેમનો દીક્ષા સમારોહ મુંબઈના બોરીવલી વિસ્તારમાં યોજવામાં આવ્યો હતો, જે સંપૂર્ણપણે ધાર્મિક પરંપરાઓ અનુસાર યોજાયો હતો. આ પ્રેરણાદાયી બાબત દર્શાવે છે કે ભૌતિક સફળતાની ઊંચાઈએ પહોંચ્યા પછી પણ, વ્યક્તિ આધ્યાત્મિક શાંતિની શોધમાં જીવનની દિશા સંપૂર્ણપણે બદલી શકે છે.
આ પણ વાંચો : આજનું હવામાન: ગુજરાતમાં એક સાથે બે સિસ્ટમ એક્ટિવ થઈ, ભારેથી અતિ ભારે વરસાદનું એલર્ટ
આ પણ વાંચો : ચાર દિવસમાં દિલ્હી સહિતના ભાગોમાં જામશે ચોમાસુ, જાણો હિલ સ્ટેશન વિસ્તારમાં શું સ્થિતિ સર્જાશે
