જ્યોર્જિયા મેલોનીએ પીએમ મોદીને ઈટલી આવવા આમંત્રણ આપ્યું, હામાં મળ્યો જવાબ

નવી દિલ્હી, 11 ડિસેમ્બર 2025: ઇટાલીના નાયબ વડા પ્રધાન અને વિદેશ પ્રધાન એન્ટોનિયો તજાની હાલમાં ભારતની ત્રણ દિવસની મુલાકાતે છે. તેમણે બુધવારે સાંજે વડા પ્રધાન નરેન્દ્ર મોદી સાથે મુલાકાત કરી હતી, જેને તજાનીએ ખૂબ જ સકારાત્મક અને ઉપયોગી ગણાવી હતી.

આ બેઠક દરમિયાન, તજાનીએ ઇટાલીના વડા પ્રધાન જ્યોર્જિયા મેલોની તરફથી પીએમ મોદીને 2026 માં ઇટાલીની મુલાકાત લેવાનું આમંત્રણ પણ આપ્યું હતું. તજાનીએ જણાવ્યું હતું કે વડા પ્રધાન મોદીની ઇટાલીની મુલાકાત અંગે “હા” પ્રતિભાવ મળ્યો છે, પરંતુ સમય હજુ સુધી નક્કી કરવામાં આવ્યો નથી.

વિદેશ પ્રધાન તજાનીએ જણાવ્યું હતું કે ભારત-ઇટાલી સંબંધો એક નવા તબક્કામાં પ્રવેશી રહ્યા છે અને આગામી વર્ષોમાં બંને દેશો વચ્ચે સહયોગ વધુ ગાઢ બનશે. ભારત અને ઇટાલી ખૂબ જ મહત્વપૂર્ણ ભાગીદારો છે, અને ભવિષ્યમાં બંને દેશો માટે વધુ સારી સંભાવનાઓ રહેલી છે.

જ્યારે પત્રકારો દ્વારા ઇટાલીના વડા પ્રધાન જ્યોર્જિયા મેલોની ક્યારે ભારતની મુલાકાત લેશે તે પૂછવામાં આવ્યું ત્યારે વિદેશ પ્રધાન તાજાનીએ કહ્યું, “અમે હજુ સુધી નક્કી કર્યું નથી કે તેઓ 2026 માં ક્યારે ભારતની મુલાકાત લેશે.”

આ પણ વાંચો: દુલ્હને પોતાની સુહાગરાતનું સીક્રેટ બધાની સામે ખુલ્લું પાડી દીધું, વરરાજો નકામો હોવાની વાત કહી