ડિજિટલ પ્રાઈવસીનો અંત? Instagram એ હટાવ્યું સુરક્ષાનું ‘ગોલ્ડ સ્ટાન્ડર્ડ’
Instagram E2E Encryption Update: સોશિયલ મીડિયા દિગ્ગજ ઈન્સ્ટાગ્રામ (Instagram) આગામી 8 મેથી તેના ડાયરેક્ટ મેસેજ (DM)માંથી એન્ડ-ટુ-એન્ડ એન્ક્રિપ્શન (E2E) હટાવવા જઈ રહ્યું છે. જોકે, કંપની તેને એક સામાન્ય અપડેટ ગણાવી રહી છે, પરંતુ ટેક નિષ્ણાતો તેને ઈન્ટરનેટ પ્રાઈવસીના અંતની શરૂઆત માની રહ્યા છે.
શું છે આ એન્ડ-ટુ-એન્ડ એન્ક્રિપ્શન?
એન્ક્રિપ્શન એ ડિજિટલ સુરક્ષાનું ‘ગોલ્ડ સ્ટાન્ડર્ડ’ છે. તેનો અર્થ એ છે કે બે વ્યક્તિ વચ્ચેની વાતચીત ફક્ત મોકલનાર અને મેળવનાર જ વાંચી શકે છે. ખુદ કંપની, પ્લેટફોર્મ કે સર્વર પણ આ મેસેજ વાંચી શકતા નથી. WhatsApp અને Signal જેવા પ્લેટફોર્મ પર આ ફીચર ડિફોલ્ટ હોય છે.
શા માટે લેવાયો આ નિર્ણય?
Meta (ઇન્સ્ટાગ્રામની પેરન્ટ કંપની) નું તર્ક છે કે ખૂબ ઓછા લોકો આ ફીચરનો ઉપયોગ કરી રહ્યા હતા. પરંતુ શું સુરક્ષાના સાધનોનો ઉપયોગ ઓછો થાય તો તેને હટાવી દેવા જોઈએ?
ઉદાહરણ: જો કારમાં સીટ બેલ્ટનો ઉપયોગ ઓછા લોકો કરતા હોય, તો શું કંપનીઓ સીટ બેલ્ટ હટાવી દેશે? એન્ક્રિપ્શન પણ ડિજિટલ સુરક્ષા માટે સીટ બેલ્ટ જેવું જ કામ કરે છે.
AI ની ભૂખ અને ડેટાનો ખેલ
નિષ્ણાતો માને છે કે આ નિર્ણય પાછળ અસલી કારણ આર્ટિફિશિયલ ઇન્ટેલિજન્સ (AI) છે.
ડેટા ટ્રેનિંગ: AI સિસ્ટમને વધુ સારી બનાવવા માટે અબજો લોકોના ડેટા અને વાતચીતની જરૂર પડે છે.
એન્ક્રિપ્શનમાં અવરોધ: જો મેસેજ એન્ક્રિપ્ટેડ હોય, તો કંપની તે વાંચી શકતી નથી અને AI ને ટ્રેન કરી શકતી નથી.
ડેટા માઈનિંગ: એન્ક્રિપ્શન હટતા જ તમારી ખાનગી વાતચીત ડેટાના ખજાનામાં ફેરવાઈ જશે, જેનો ઉપયોગ જાહેરાતો અને બિહેવિયર ટ્રેકિંગ માટે થઈ શકે છે.
જોખમ શું છે?
જ્યારે એન્ક્રિપ્શન હટાવવામાં આવે છે, ત્યારે માત્ર કંપની જ નહીં પરંતુ હેકર્સ માટે પણ લૂપહોલ્સ (છટકબારી) ઉભા થાય છે. કેમ્બ્રિજ એનાલિટિકા જેવા કૌભાંડો ઇતિહાસમાં સાબિત કરી ચૂક્યા છે કે સોશિયલ મીડિયા ડેટાનો દુરુપયોગ ચૂંટણીઓ અને રાજકીય પ્રભાવ પાડવા માટે પણ થઈ શકે છે.
ઈન્સ્ટાગ્રામનો આ નિર્ણય એ સંકેત છે કે ભવિષ્યમાં સોશિયલ મીડિયા પ્લેટફોર્મ્સ માટે યુઝરની પ્રાઈવસી કરતા ડેટાની કિંમત વધી જશે.
આ પણ વાંચોઃ 39 વર્ષની ઉંમરે દુલ્હન બનશે શ્રદ્ધા કપૂર? Rahul Mody સાથે લગ્ન અંગે ચર્ચા તેજ
આ પણ વાંચોઃ મૃત્યુની અફવાઓ વચ્ચે ઇઝરાયલના પ્રધાનમંત્રી બેન્યામિન નેતન્યાહૂએ વિડિયો જાહેર કરી કહ્યું – “હું જીવિત છું”
અમારી WhatsApp ચેનલમાં જોડાવા આ લિંક પર ક્લીક કરો
