ભારત માટે ઐતિહાસિક તકઃ 81 IATA વાર્ષિક પરિષદની કરશે મેજબાની, વડાપ્રધાન મોદી રહેશે મુખ્ય વક્તા

નવી દિલ્હી, 6 જૂન, 2025: 81 IATA Annual Meeting, વડાપ્રધાન નરેન્દ્ર મોદી વૈશ્વિક મંચ પર ભારતની ઉડ્ડયન શક્તિ અને તેની મહત્વાકાંક્ષાઓને રેખાંકિત કરવા જઈ રહ્યા છે. વડાપ્રધાન મોદી નવી દિલ્હીમાં 1 થી 3 જૂન 2025 દરમિયાન યોજાનારી 81મી ઈન્ટરનેશનલ એર ટ્રાન્સપોર્ટ એસોસિએશન (IATA) વાર્ષિક પરિષદમાં મુખ્ય વક્તા તરીકે ભારતની વધતી ભૂમિકા અને ઉભરતી કુશળતાનું પ્રતિનિધિત્વ કરશે.

ભારત માટે ઐતિહાસિક તક

આ સંમેલન ભારત માટે એક ઐતિહાસિક તક છે, જે 1983 બાદ પહેલીવાર આયોજિત થઈ રહ્યું છે અને ઈન્ડિગો તેની મેજબાની કરી રહ્યું છે. આ સંમેલનમાં વિશ્વભરના 1700થી વધુ સહભાગી ભાગ લેશે, જેમાં પ્રમુખ એરલાઇન્સના પ્રતિનિધિ, નીતિ નિર્માતા અને મીડિયા પ્રતિનિધી ભાગ લેશે. આ આયોજન ન ફક્ત ભારતની ઉડ્ડયન ક્ષમતાનું પ્રદર્શન કરશે પરંતુ, વૈશ્વિક મંચ પર દેશની ઉપસ્થિતિ અને નેતૃત્વને મજબૂત બનાવશે.

ભારત દુનિયાનું ત્રીજું સૌથી મોટું ઉડ્ડયન બજાર

ભારત હવે દુનિયાનું ત્રીજુ સૌથી મોટું ઉડ્ડયન બજાર બની ચુક્યું છે અને તેનું યોગદાન અર્થવ્યવસ્થા તેમજ રોજગારમાં ઝડપથી આગળ વધી રહ્યું છે. વર્તમાનમાં આ શ્રેત્ર લગભગ 3.7 લાખ લોકોને સીધી રીતે રોજગારી આપે છે અને 5.6 બિલિયન ડૉલરની અર્થવ્યવસ્થામાં યોગદાન આપે છે. પ્રવાસન અને અને પરોક્ષ પ્રભાને મિલાવીને આ આંકડો 77 લાખ નોકરી અને 53.6 બિલિયન ડૉલર સુધી પહોંચી જાય છે, જે ભારતના GDPનો 1.5% છે.

આ સંમેલન સતત વિકાસ, નવીનતા અને વૈશ્વિક સંપર્ક જેવા મહત્ત્વના મુદ્દા પર કેન્દ્રિત રહેશે અને ભારતને ઉડ્ડયન વિસ્તારમાં નવી ઊંચાઈઓ સુધી પહોંચવા માટે એક સશક્ત પ્લેટફોર્મ પૂરૂ પાડશે.

આ પણ વાંચોઃ ભીડના કારણે ટ્રેન છૂટી તો મળશે રિફન્ડ? બે વડીલોની ફરિયાદ પર મહત્ત્વનો ચુકાદો

આ પણ વાંચોઃ આ સરકારી બેન્કે ગ્રાહકોને આપી મોટી ભેટઃ દૂર કરી મિનિમમ બેલેન્સ પેનલ્ટી