ભારત અનેક વૈશ્વિક સંકટોમાંથી ઉગર્યુ સહીસલામત, દોઢ દશકામાં હાંસલ કરશે 7.8 ટકાનો વૃદ્ધિ દર
નવી દિલ્હી, 23 જુલાઇ, 2025: તાજેતરના વર્ષોમાં અનેક વૈશ્વિક સંકટોને સફળતાપૂર્વક પાર કરીને ઊભરી આવેલા ભારત આગામી દોઢ દશકામાં 7થી 8 ટકાનો આર્થિક વૃદ્ધિ દર હાંસલ કરી શકે છે. ડેલોઇટન દક્ષિણ એશિયાઇ એકમના સીઇઓ રોમલ શેટ્ટીએ કહ્યુ છે કે ચાલુ નાણાંકીય વર્ષમાં ભારતમાં અર્થવ્યવસ્થા 6.7 ટકાના દરે વધી શકે છે. તેનું મુખ્ય કારણ સેવામાં મજબૂત પ્રદર્શન, વધી રહેલું બજાર રોકાણ તેમજ કૃષિમાં થઇ રહેલો સુધારો છે.
રોમલે કહ્યું કે, કોવિડ મહામારી, ઘણા દેશોમાં તણાવ અને અન્ય ઉથલપાથલ જેવા મોટા આંચકા છતાં, ભારતીય અર્થતંત્ર સ્થિતિસ્થાપક રહે છે અને મજબૂત વિકાસ માટે તૈયાર છે. ભારતનું મુખ્યત્વે સેવા આધારિત અર્થતંત્ર વૈશ્વિક વેપાર પડકારોથી મોટાભાગે અપ્રભાવિત રહે છે. તેથી, તે આગામી 10-15 વર્ષોમાં સરળતાથી સાત થી આઠ ટકાના દરે વિકાસ કરી શકે છે. તેમણે કહ્યું કે, ભારતમાં વિશ્વના 50 ટકાથી વધુ વૈશ્વિક ક્ષમતા કેન્દ્રો (GCC) છે, જ્યારે ફોર્ચ્યુન-2000 કંપનીઓમાંથી લગભગ 67 ટકા હજુ સુધી દેશમાં હાજરી ધરાવતી નથી.
ભારતમાં હાલમાં 1,800 વૈશ્વિક ક્ષમતા કેન્દ્રો છે, જેની સંખ્યા આગામી થોડા વર્ષોમાં યોગ્ય નીતિ વાતાવરણ, સમર્થન અને સંકલિત કાર્યવાહી સાથે 3,400-5,000 સુધી વધી શકે છે. ભારત અને યુએસ વચ્ચેની વેપાર વાટાઘાટો પર, ડેલોઇટના CEOએ કહ્યું કે, બંને દેશો પોતપોતાના હિતોનું રક્ષણ કરતી વખતે મધ્યમ માર્ગ શોધવાનો પ્રયાસ કરી રહ્યા છે.
આ પણવાંચોઃ વડાપ્રધાન નરેન્દ્ર મોદી આજે જશે લંડનઃ વેપાર, અર્થવ્યવસ્થા, ટેકનોલોજી પર કરશે ચર્ચા
