Women’s World Cup 2025: સાઉથ આફ્રિકા સામે ટીમ ઈંડિયાની હાર બાદ પોઈન્ટ ટેબલમાં થયો મોટો ફેરફાર, આ ટીમ પર ટોપ પર પહોંચી

વિશાખાપટ્ટનમ, 10 ઓક્ટોબર 2025: ભારત અને શ્રીલંકામાં રમાઈ રહેલા મહિલા વનડે વર્લ્ડ કપ 2025માં અત્યાર સુધીમાં દસ મેચ રમાઈ છે. 9 ઓક્ટોબરના રોજ રમાયેલી મેચમાં ટીમ ઈન્ડિયાનો દક્ષિણ આફ્રિકા સામે ત્રણ વિકેટથી પરાજય થયો હતો. આ હારથી ભારતનો વિજય ક્રમ તોડ્યો જ નહીં પરંતુ પોઈન્ટ ટેબલમાં પણ ટીમને મોટો ફટકો પડ્યો. અત્યાર સુધી ટુર્નામેન્ટમાં અપરાજિત રહેલી ભારતીય ટીમ આ હાર બાદ ત્રીજા સ્થાને સરકી ગઈ છે, જ્યારે ઓસ્ટ્રેલિયાએ જોરદાર વાપસી કરીને નંબર વન પર પહોંચી ગઈ છે.

દક્ષિણ આફ્રિકા સામે પ્રથમ બેટિંગ કરતા ભારતે 49.5 ઓવરમાં 251 રન બનાવ્યા હતા. રિચા ઘોષે 94 રનની શાનદાર ઇનિંગ રમી, જ્યારે સ્મૃતિ મંધાનાએ 43 રનનું યોગદાન આપ્યું હતું. જોકે, બાકીના બેટ્સમેન મોટી ભાગીદારી બનાવવામાં અસમર્થ રહ્યા, અને ટીમ નિર્ધારિત ઓવર પૂર્ણ કરવામાં નિષ્ફળ રહી, જેના કારણે ટીમ 251 રન બનાવી શકી હતી.

૨૫૧ રનના લક્ષ્યાંકનો પીછો કરવા ઉતરેલી દક્ષિણ આફ્રિકાની ટીમ ૬ વિકેટે ૧૪૨ રન પર સંઘર્ષ કરી રહી હતી, પરંતુ નાદીન ડી ક્લાર્ક અને ક્લો ટ્રાયોને સાતમી વિકેટ માટે ૬૯ રનની ભાગીદારી કરીને મેચનું પાસું ફેરવી દીધું. જીત માટે ૪૧ રનની જરૂર હતી ત્યારે, નાદીન ડી ક્લાર્કે ૫૪ બોલમાં ૮૪ રન (૮ ચોગ્ગા, ૫ છગ્ગા) ફટકારીને ટીમને ૪૮.૫ ઓવરમાં વિજય અપાવ્યો. આ સાથે, દક્ષિણ આફ્રિકાએ ટુર્નામેન્ટમાં પોતાની બીજી જીત નોંધાવી અને પોઈન્ટ ટેબલમાં ચોથા સ્થાને પહોંચી ગયું.

પોઈન્ટ ટેબલમાં ટોચની 5 ટીમો

ઓસ્ટ્રેલિયા 5 પોઈન્ટ સાથે ટોચ પર છે. તેઓએ તેમની ત્રણ મેચમાંથી બે જીતી હતી અને એક પરિણામ ન આવ્યું, તેથી તેમના 5 પોઈન્ટ છે.

ઇંગ્લેન્ડ 4 પોઈન્ટ સાથે બીજા સ્થાને છે. તેમની પહેલી બે મેચ જીત્યા પછી તેમના 4 પોઈન્ટ છે.

ભારત ત્રીજા નંબર પર છે, જેણે તેમની ત્રણ મેચમાંથી બે જીતી અને એક હારનો સામનો કર્યો છે. ભારતના 4 પોઈન્ટ અને નેટ રન રેટ (+0.953) છે.

દક્ષિણ આફ્રિકા ચોથા નંબર પર પહોંચી ગયું છે. તેઓએ તેમની ત્રણ મેચમાંથી બે જીતી અને એક હારનો સામનો કર્યો છે. ભારતને હરાવ્યા પછી, તેમના હવે 4 પોઈન્ટ છે.

બાંગ્લાદેશ પાંચમા નંબર પર છે, જેણે તેમની બે મેચમાંથી એક જીતી અને એક હારનો સામનો કર્યો છે. પાકિસ્તાન 2 પોઈન્ટ સાથે ન્યુઝીલેન્ડ અને શ્રીલંકાથી આગળ છે.

લેટેસ્ટ પોઈન્ટ ટેબલ (10, ઓક્ટોબર 2025, ભારત વિ. સાઉથ આફ્રિકાની મેચ પછીની સ્થિતિ)

આ પણ વાંચો: મેં 7 યુદ્ધ અટકાવ્યા, મને 7 નોબેલ પ્રાઈઝ મળવા જોઈએ: ડોનાલ્ડ ટ્રમ્પ માથે નોબેલ પુરસ્કારનું ભૂત સવાર થયું