Holi 2026 Date Confusion: હોળી 3 માર્ચ કે 4 માર્ચે? જાણો હોલિકા દહનનું સાચું મુહૂર્ત અને ચંદ્રગ્રહણની અસર

નવી દિલ્હીઃ 1 માર્ચ, 2026: Holi 2026: વર્ષ 2026 માં હોળીની તારીખને લઈને લોકોમાં ભારે દ્વિધા જોવા મળી રહી છે. કોઈ 3 માર્ચ તો કોઈ 4 માર્ચને રંગવાળી હોળી ગણાવી રહ્યું છે. આ મૂંઝવણનું મુખ્ય કારણ હોળીના સમયે લાગતું ચંદ્રગ્રહણ અને ભદ્રા કાળ છે. જ્યોતિષીઓના જણાવ્યા અનુસાર, આ વર્ષે હોળી પર ગ્રહણનો પડછાયો હોવાથી તારીખોમાં ફેરફાર થયો છે.

હોલિકા દહનનો સાચો સમય (2 માર્ચની મધ્યરાત્રિ)

જ્યોતિષાચાર્ય પંડિત દૈવજ્ઞ કૃષ્ણ શાસ્ત્રી અને પંડિત વેદ પ્રકાશ મિશ્રાના જણાવ્યા મુજબ, ફાગણ સુદ ચૌદસ 2 માર્ચે છે. આ દિવસે ભદ્રા કાળ પણ છે, જે રાત્રે સમાપ્ત થશે.

હોલિકા દહન મુહૂર્ત: 2 માર્ચ અને 3 માર્ચની મધ્યરાત્રિએ 12:50 થી 02:02 વાગ્યા વચ્ચે.

આ સમય ભદ્રા સમાપ્ત થયા પછીનો હોવાથી શાસ્ત્ર સંમત અને શ્રેષ્ઠ છે.

3 માર્ચે ચંદ્રગ્રહણની અસર

3 માર્ચે પૂર્ણિમા તિથિ સાંજે 4:33 વાગ્યે સમાપ્ત થાય છે, પરંતુ તે પહેલા બપોરથી જ ચંદ્રગ્રહણ શરૂ થઈ જશે.

ગ્રહણનો સમય: બપોરે 3:20 થી સાંજે 6:47 સુધી.

ભારતમાં દેખાવ: ભારતમાં સાંજે 5:59 વાગ્યાથી ગ્રહણ દેખાવાનું શરૂ થશે (માત્ર મોક્ષ કાળ દેખાશે).

સૂતક કાળ: ગ્રહણના 9 કલાક પહેલા એટલે કે 3 માર્ચે સવારે 6:20 વાગ્યાથી સૂતક લાગી જશે.

રંગવાળી હોળી ક્યારે રમવી? (4 માર્ચ)

પરંપરા મુજબ હોલિકા દહનના બીજા દિવસે ધુળેટી મનાવાય છે, પરંતુ 3 માર્ચે ગ્રહણ અને સુતક હોવાથી તે દિવસે રંગોત્સવ ઉજવવો ઉચિત નથી.

ગ્રહણની અસર અને ધાર્મિક માન્યતાઓ મુજબ, 4 માર્ચ, બુધવારના રોજ ધુળેટી (રંગવાળી હોળી) રમવી જોઈએ.