એક કમાન્ડ અને કામ પૂરું! Googleએ ભારતમાં લોન્ચ કર્યું Gemini Spark

Gemini Spark : ગૂગલે ભારતમાં પોતાનો નવો પર્સનલ એઆઈ એજન્ટ ‘જેમિની સ્પાર્ક’ (Gemini Spark) લૉન્ચ કરવાની જાહેરાત કરી છે. આ એઆઈ એજન્ટ યુઝર વતી ઘણા કામ બેકગ્રાઉન્ડમાં પોતાની જાતે કરી શકશે. કંપનીના જણાવ્યા અનુસાર, જેમિની સ્પાર્કને ગૂગલ વર્કસ્પેસના જીમેલ, ડોક્સ અને શીટ્સ જેવા પ્લેટફોર્મ સાથે ઉપયોગ કરી શકાશે. આગામી કેટલાક અઠવાડિયામાં આ ગૂગલ એઆઈ પ્રો અને ગૂગલ એઆઈ અલ્ટ્રા સબ્સ્ક્રાઇબર્સ માટે ઉપલબ્ધ કરાવવામાં આવશે.

Gemini Spark બેકગ્રાઉન્ડમાં કરશે કામ

ગૂગલે જણાવ્યું કે જેમિની સ્પાર્ક ‘જેમિની 3.6 ફ્લેશ’ મોડેલ પર આધારિત છે. કંપનીના જણાવ્યા અનુસાર, આ પર્સનલ એઆઈ એજન્ટ કોઈ પણ અલગ સેટઅપ વગર ગૂગલ વર્કસ્પેસ પ્લેટફોર્મ સાથે જોડાઈ શકે છે. યુઝર જે કામની પરવાનગી આપશે, તેને આ બેકગ્રાઉન્ડમાં પૂરું કરશે. ગૂગલનું કહેવું છે કે આ ત્યારે પણ કામ કરતું રહેશે જ્યારે યુઝર ઊંઘી રહ્યો હોય, ફોન લૉક હોય કે લેપટોપ બંધ હોય. જોકે યુઝર ઈચ્છે તો તેને બંધ પણ કરી શકે છે અને એ પણ નક્કી કરી શકે છે કે એઆઈ એજન્ટ કઈ એપ્સ સાથે જોડાશે.

અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X

Gmail અને Docsના કરશે ઘણા કામ

કંપનીના જણાવ્યા અનુસાર, જેમિની સ્પાર્ક યુઝર વતી ઘણા ડિજિટલ કામ સરળ બનાવી શકે છે. ઉદાહરણ તરીકે, ફ્લાઇટ અને હોટેલ બુક થયા પછી આ મુસાફરીની માહિતી આપમેળે ટ્રાવેલ પ્લાનમાં ઉમેરી શકે છે. આ યુઝરની રુચિ અનુસાર સ્થાનિક કાર્યક્રમોની માહિતી શોધીને ગૂગલ ડૉક્સ (Google Docs) માં સેવ કરી શકે છે. આ ઉપરાંત, તે થર્ડ-પાર્ટી એપ્સમાંથી માહિતી લઈને જરૂરી એલર્ટ મોકલી શકે છે અને મીટિંગ નોટ્સ તથા મહત્વપૂર્ણ ઇમેઇલ્સનો સારાંશ પણ તૈયાર કરી શકે છે.

મહત્વપૂર્ણ કામ પહેલાં લેશે યુઝરની પરવાનગી

ગૂગલનું કહેવું છે કે જેમિની સ્પાર્ક કોઈપણ મહત્વપૂર્ણ કામ કરતા પહેલા યુઝરની પરવાનગી ચોક્કસ લેશે. જેમાં કોઈના વતી ઇમેઇલ મોકલવો કે પૈસા ખર્ચવા જેવા કામો શામેલ છે. કંપનીના જણાવ્યા અનુસાર, આનો હેતુ યુઝરનો સમય લેતા ડિજિટલ કામોને ઓછો કરવાનો છે. ગૂગલે પહેલીવાર આ એઆઈ એજન્ટને 19 મેના રોજ યોજાયેલ ‘ગૂગલ I/O 2026’ ની કીનોટમાં દર્શાવ્યો હતો. તે સમયે આ જેમિની 3.5 મોડેલ પર આધારિત હતો, જ્યારે હવે તેને જેમિની 3.6 ફ્લેશ મોડેલ સાથે રજૂ કરવામાં આવ્યો છે.

આ પણ વાંચો:યુવાનોને PM મોદીનો મોટો સંદેશ- ‘ભારતનું ભવિષ્ય તમારા હાથમાં છે’

આ પણ વાંચો:ઓસ્ટ્રેલિયા ટેસ્ટ ટીમમાં ફેરફારથી ચોંક્યા ફેન્સ, 31 વર્ષીય ખેલાડીની એન્ટ્રી