ગાંધીનગર કલેક્ટર કચેરીના નાયબ મામલતદાર અને નિવૃત્ત પટાવાળા લાંચ લેતા ઝડપાયા

ACB trap: ગાંધીનગરની કલેક્ટર કચેરી (જમીન ફાળવણી શાખા)માં ફરજ બજાવતા નાયબ મામલતદાર બિપીનચંદ્ર ખેમચંદભાઈ પરમાર અને તેમના વતી વહીવટ કરતા નિવૃત્ત પટાવાળા દિનેશ બુધાલાલ વાળંદને એન્ટી કરપ્શન બ્યુરો (ACB)એ ગઈકાલે (17 એપ્રિલ 2026) લાંચ લેતા રંગે હાથ ઝડપી પાડ્યા છે.

શું હતું મામલો?

એક સામાન્ય નાગરિકે પોતાના ઘરના પ્રોપર્ટી કાર્ડ માટે અરજી કરી હતી. નાયબ મામલતદાર બિપીનચંદ્ર પરમારે ફાઈલ પર સાનુકૂળ અભિપ્રાય આપવા અને દસ્તાવેજોમાં રહેલી ખામીઓને અવગણવા માટે કુલ રૂ. 9.50 લાખની લાંચ માંગી હતી. તેમના કહેવા મુજબ દિનેશ વાળંદે ફરિયાદી પાસેથી પ્રથમ હપ્તા તરીકે રૂ. 4.50 લાખ માંગ્યા હતા.

ACBની ટ્રેપ ક્યાં અને કેવી રીતે?

ફરિયાદીએ લાંચ આપવાને બદલે ACBને જાણ કરી હતી. ત્યારબાદ ACBના PI અને તેમની ટીમે ગાંધીનગર કોર્ટ કોમ્પ્લેક્સના પાર્કિંગ પાસે રોડ પર ટ્રેપ ગોઠવી. ફરિયાદીની ગાડીમાં જ બંને આરોપીઓ લાંચની વાતચીત કરી રહ્યા હતા અને રૂ. 4.50 લાખની રકમ લઈ રહ્યા હતા ત્યારે ACBની ટીમે તેમને સ્થળ પરથી જ ઝડપી લીધા. આખી રકમ કબજે કરવામાં આવી છે.

આરોપીઓની વિગત

– બિપીનચંદ્ર ખેમચંદભાઈ પરમાર– વર્ગ-3, નાયબ મામલતદાર, જમીન ફાળવણી શાખા, કલેક્ટર કચેરી, ગાંધીનગર.
– દિનેશ બુધાલાલ વાળંદ – નિવૃત્ત પટાવાળા (વચેટિયા તરીકે કામ કરતા).

ACBના જણાવ્યા અનુસાર, બંનેએ પોતાના હોદ્દાનો દુરુપયોગ કરીને લાંચ માંગી હતી. આ કાર્યવાહીથી કલેક્ટર કચેરીના અન્ય કર્મચારીઓ અને અધિકારીઓમાં ચર્ચા અને અસર પડી છે. આ સમગ્ર ઘટના ગુજરાતમાં ભ્રષ્ટાચાર વિરુદ્ધ ACBની સતત કાર્યવાહીનું ઉદાહરણ છે. વધુ તપાસ ચાલુ છે અને આરોપીઓ સામે કાનૂની કાર્યવાહી હાથ ધરવામાં આવશે.

આ પણ વાંચો: ખીરું ખાવાથી બે બાળકીના શંકાસ્પદ મોતના કેસમાં FSL રિપોર્ટ આવ્યો, ખીરામાં કોઈ ઝેરી પદાર્થ ન મળ્યો