વિશ્વ બજારોના અહેવાલને પગલે ભારતીય ઇક્વિટીનો મજબૂત પ્રારંભ
મુંબઇ, 27 નવેમ્બર, 2025: અમેરિકન અને એશિયનમાં બજારોમાં આવેલા ઊછાળા અને કેન્દ્ર સરકારે લીધેલા પગલાંઓને પગલે આજે ભારતીય ઇક્વિટી બજારમાં પણ મજબૂતાઇ જોવા મળી છે. જેમાં બીએસઇ સેન્સેક્સ પાછલા બંધ 85,609 સામે પ્રારંભમાં 136 પોઇન્ટ ઉપર ખુલ્યો હતો અને હાલમાં 163 પોઇન્ટ પ્લસ ચાલી રહ્યો છ. જ્યારે નિફ્ટી 50 ઇન્ડેક્સ પણ પાછલા બંધ 26,205ના મથાળા સામે 57 પોઇન્ટ ઉપર ખુલી હતી અને હાલમાં 48 પોઇન્ટ ઉપર ચાલી રહી છે.
આજે સવારે 8.57 કલાકે ગિફ્ટ નિફ્ટી 38 પોઇન્ટ પ્લસ રહી હતી. નોંધનીય છે કે ગઇકાલે ભારતીય ઇક્વિટી બજાર પ્રારંભિક નબળાઇને પચાવીને સત્રના અંતે વધીને બંદ આવી હતી. જેમાં નિફ્ટી 50 ઇન્ડેક્સ 320 પોઇન્ટ અને બીએસઇ સેન્સેક્સ 1,022 પોઇન્ટ વધીને બંધ આવ્યા હતા.
અમેરિકન માર્કેટ
અમેરિકાના બજારો પણ ગઇકાલ રાત્રે સતત ચોથા સત્રમા ઊંચા મથાળે બંધ આવ્યા હતા. ડાઉજોન્સ ઇન્ડસ્ટ્રીયલ એવરેજ 0.67 ટકા અને S&P 500 ઇન્ડેક્સ 0.69 ટકા વધીને જ્યારે નાસડેક કંપોઝિટ પણ 0.82 ટકાના જંગી ઊછાળા સાથે બંધ આવ્યા હતા.
એશિયન માર્કેટ
ફેડ દ્વારા વ્યાજ કાપની ધારણાને પગલે વોલસ્ટ્રીટમાં આવેલા ઊછાળાને પગલે આજે એશિયન બજારો પણ વધ્યા મથાળે ખુલ્યા છે. જેમાં જાપાનનો બેન્ચમાર્ક નિક્કેઇ 225 ઇન્ડેક્સ 1.42 ટકા, ટોપીક્સ 0.64 ટકા વધ્યો હતો. જ્યારે દક્ષિણ કોરિયાનો કોસ્પી 1.05 ટકા એડવાન્સ બન્યો હતો. તેમજ સ્મોલ કેપ કોસડેર 0.39 ટકા વધ્યો છે. જોકે હોંગકોંગના હેંગેસ ફ્લેટ ખુલ્યો છે.
આ શેર્સ રહેશે ફોકસમાં
આજે બીજા ક્વાર્ટરના પરિણામો – ક્રીધન ઇન્ફ્રા, સેફક્યુર સર્વિસીસ અને ડેવિન સન્સ રિટેલ આજે તેમના ત્રિમાસિક પરિણામો જાહેર કરશે.
સ્ટડ્સ એસેસરીઝ – કંપનીનો નફો 17.9% વધીને રૂ. 20.6 કરોડ થયો છે, જે અગાઉ રૂ. 17.5 કરોડ હતો. આવક 6.5% વધીને રૂ. 154.4 કરોડ થઈ છે, જે અગાઉ રૂ. 145 કરોડ હતી.
વ્હર્લપૂલ ઓફ ઇન્ડિયા – પ્રમોટર બ્લોક ડીલ દ્વારા વ્હર્લપૂલમાં 9.5 મિલિયન શેર (7.5% હિસ્સો) વેચી શકે છે, જેની ઓફર સાઇઝ રૂ. 965 કરોડ અને ફ્લોર પ્રાઈસ રૂ. 1,030 પ્રતિ શેર હશે.
વન 97 કોમ્યુનિકેશન્સ (પેટીએમ) – રિઝર્વ બેંક ઓફ ઇન્ડિયાએ કંપનીની પેટાકંપની, પેટીએમ પેમેન્ટ્સ સર્વિસીસને પેમેન્ટ અને સેટલમેન્ટ સિસ્ટમ્સ એક્ટ હેઠળ પેમેન્ટ એગ્રીગેટર તરીકે કામ કરવા માટે અધિકૃતતા પ્રમાણપત્ર આપ્યું છે.
વિપ્રો – એક AI-સંચાલિત ટેકનોલોજી સેવાઓ અને કન્સલ્ટિંગ કંપની, એ ઇન્ડિયન ઇન્સ્ટિટ્યૂટ ઓફ સાયન્સ (IISc) અને ફાઉન્ડેશન ફોર સાયન્સ ઇનોવેશન એન્ડ ડેવલપમેન્ટ (FSID) સાથે ફ્રન્ટીયર ટેકનોલોજીમાં અત્યાધુનિક સંશોધન અને નવીનતા પર સહયોગ કરવા માટે વ્યૂહાત્મક જોડાણની જાહેરાત કરી છે.
ઓબેરોય રિયલ્ટી – કંપનીએ મુંબઈમાં નેપિયન સી રોડ પર 4,706 ચોરસ મીટર જમીનના રિડેવલપમેન્ટ માટે વિકાસ કરાર કર્યો છે. પ્રોજેક્ટના ફ્રી-સેલ ઘટક માટે કંપનીનો હક હાલમાં આશરે 1.18 લાખ ચોરસ ફૂટ (RERA કાર્પેટ એરિયા) હોવાનો અંદાજ છે.
જમ્મુ અને કાશ્મીર બેંક – બોર્ડે ક્વોલિફાઇડ ઇન્સ્ટિટ્યૂશનલ પ્લેસમેન્ટ (QIP) દ્વારા એક અથવા વધુ તબક્કામાં રૂ. 750 કરોડ સુધીની ઇક્વિટી શેર મૂડી અને ખાનગી પ્લેસમેન્ટ ધોરણે નોન-કન્વર્ટિબલ ડિબેન્ચર દ્વારા રૂ. 500 કરોડ સુધીની ઇક્વિટી શેર મૂડી એકત્ર કરવાની મંજૂરી આપી છે.
ઇન્ટરનેશનલ કન્વેયર્સ – કંપનીએ ગણેશ ઇકોસ્ફિયરના રૂ. 11.28 કરોડમાં 1.21 લાખ ઇક્વિટી શેર હસ્તગત કર્યા છે.
એશિયન પેઇન્ટ્સ – કંપનીની પેટાકંપની, બર્જર પેઇન્ટ્સ એમિરેટ્સ, યુએઈએ, 140 મિલિયન AED (આશરે ₹340 કરોડ)ના રોકાણ સાથે UAEમાં તેની બીજી પેઇન્ટ ઉત્પાદન સુવિધા સ્થાપવાનો પ્રસ્તાવ મૂક્યો છે, જેની પ્રારંભિક ક્ષમતા વાર્ષિક 55,800 KL હશે.
હેવેલ્સ ઇન્ડિયા – ઇલેક્ટ્રિકલ સાધનો ઉત્પાદકને કુંદન સોલાર (પાલી)માં 26% હિસ્સો ખરીદવા માટે બોર્ડની મંજૂરી મળી છે.
એક્સિસ બેંક – આનંદ વિશ્વનાથનને 1 જાન્યુઆરી, 2026થી અમલમાં આવનારા ત્રણ વર્ષના સમયગાળા માટે બેંકના ચીફ રિસ્ક ઓફિસર તરીકે નિયુક્ત કરવામાં આવ્યા છે. તેઓ અમિત તલગેરીનું સ્થાન લેશે. આનંદ વિશ્વનાથન સિનિયર મેનેજમેન્ટનો ભાગ બનશે.
અશોક લેલેન્ડ – બોર્ડે કંપનીની પેટાકંપની હિન્દુજા લેલેન્ડ ફાઇનાન્સના NDL વેન્ચર્સ સાથે મર્જરને મંજૂરી આપી છે.
પેનેસીઆ બાયોટેક – દેવેન્દ્ર ગુપ્તાએ વ્યક્તિગત કારણોસર 15 ડિસેમ્બરથી કંપનીના ચીફ ફાઇનાન્શિયલ ઓફિસર અને ઇન્ફર્મેશન ટેકનોલોજીના વડા પદ પરથી રાજીનામું આપી દીધું છે.
ઇન્ડો ટેક ટ્રાન્સફોર્મર્સ – કંપનીને 11 ટ્રાન્સફોર્મર્સના પુરવઠા માટે ખરીદીનો ઓર્ડર મળ્યો છે. ઓર્ડરની કુલ કિંમત રૂ. 91.26 કરોડ છે.
મહિન્દ્રા અને મહિન્દ્રા – કંપનીએ ઇલેક્ટ્રિક SUV મહિન્દ્રા BE 6 ફોર્મ્યુલા E એડિશન લોન્ચ કરી છે, જેની કિંમત રૂ. 23.69 લાખ છે, જ્યારે વધારાના ફીચર્સ સાથે FE3 એડિશનની કિંમત રૂ. 24.49 લાખ છે.
આ પણ વાંચોઃ રિન્યુએબલ ઉર્જાઃ જુલાઈ-સપ્ટેમ્બરમાં વીજ ઉત્પાદન 4% વધ્યું, કુલ ક્ષમતા હવે 500 GW ને વટાવી ગઈ
