મનોરંજન

GTA 6 નો ઐતિહાસિક ધમાકો: માત્ર 24 કલાકમાં $3.79 બિલિયનની કમાણી કરી ‘Avengers: Endgame’ નો રેકોર્ડ તોડ્યો!

GTA VI Beat Avengers Endgame: Rockstar Gamesની લોકપ્રિય Grand Theft Auto ફ્રેન્ચાઇઝીની નવી ગેમ GTA VI 19 નવેમ્બર, 2026ના રોજ લોન્ચ થઈ હોવાનો દાવો કરવામાં આવ્યો છે. GTA Vના લોન્ચિંગના લગભગ 13 વર્ષ બાદ આ નવી ગેમ બજારમાં આવી છે. ગેમ PlayStation 5 અને Xbox Series X|S માટે ઉપલબ્ધ હોવાનું જણાવાયું છે. ગેમિંગની દુનિયામાં GTA ફ્રેન્ચાઇઝીનું મોટું નામ છે. GTA Vએ વર્ષો સુધી ગેમિંગ માર્કેટમાં પોતાની પકડ જાળવી રાખી હતી. હવે GTA 6ના લોન્ચિંગ સાથે Rockstar Gamesએ ફરી એકવાર વૈશ્વિક સ્તરે ચર્ચા જગાવી છે.

Avengers: Endgameના બોક્સ ઓફિસ કલેક્શનને પણ પાછળ છોડ્યું!

GTA 6ની કમાણીની સરખામણી 2019માં રિલીઝ થયેલી Marvelની બ્લોકબસ્ટર ફિલ્મ ‘Avengers: Endgame’ સાથે કરવામાં આવી રહી છે. Endgameએ તેના સમગ્ર થિયેટર રન દરમિયાન રિ-રિલીઝ સહિત વિશ્વભરમાં અંદાજે $2.79થી $2.94 બિલિયનનું બોક્સ ઓફિસ કલેક્શન કર્યું હતું. બીજી તરફ, અહેવાલોમાં GTA 6ની પ્રથમ 24 કલાકની કમાણી $3.79 બિલિયન દર્શાવવામાં આવી છે. જો આ આંકડા સાચા હોય તો ગેમે Endgameના સમગ્ર બોક્સ ઓફિસ કલેક્શન કરતાં પણ વધુ કમાણી કરી છે. એટલે કે હવે મનોરંજનની દુનિયામાં માત્ર ફિલ્મો જ નહીં, પરંતુ વીડિયો ગેમ્સ પણ કમાણીના નવા માપદંડ સ્થાપિત કરી રહી છે.

GTA Vનો રેકોર્ડ પણ તૂટ્યો, પાંચ ગણાથી વધુ કમાણીનો દાવો

GTA ફ્રેન્ચાઇઝીની અગાઉની ગેમ GTA V વર્ષ 2013માં લોન્ચ થઈ હતી. તે સમયે ગેમે પ્રથમ દિવસે લગભગ $800 મિલિયનની કમાણી કરી હતી. હવે GTA 6ની પ્રથમ 24 કલાકની $3.79 બિલિયનની કમાણીના દાવા સાથે તેની સરખામણી કરવામાં આવે તો આ આંકડો GTA V કરતાં લગભગ 4.7 ગણો વધારે છે. આ સરખામણી દર્શાવે છે કે 13 વર્ષ બાદ GTAની નવી ગેમને લઈને ગેમર્સમાં કેટલો મોટો ક્રેઝ જોવા મળી રહ્યો છે.

GTA 6ની સ્ટોરીમાં જેસન અને લુસિયાની ક્રાઇમની દુનિયાની સફર

GTA 6ની વાર્તા કાલ્પનિક રાજ્ય Leonida પર આધારિત છે, જેમાં Jason અને Lucia નામનાં બે મુખ્ય પાત્રોની આસપાસ કહાની આગળ વધે છે. બંને પાત્રો ગુનાખોરીની દુનિયામાં પ્રવેશ કરે છે અને અનેક પડકારોનો સામનો કરે છે. ગેમમાં એક્શન, ક્રાઇમ, ઓપન-વર્લ્ડ એક્સપ્લોરેશન અને સ્ટોરીલાઇનનું મિશ્રણ જોવા મળે છે. અહેવાલોમાં મુખ્ય સ્ટોરી પૂર્ણ કરવામાં આશરે 80 કલાકનો સમય લાગતો હોવાનો દાવો પણ કરવામાં આવ્યો છે.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

GTA 6ની કિંમત કેટલી? 32.5 મિલિયન નકલો વેચાવાનો દાવો

ગેમની કિંમત અંગે પણ ભારે ચર્ચા થઈ રહી છે. આપેલી માહિતી અનુસાર, GTA 6ની સ્ટાન્ડર્ડ એડિશનની કિંમત $80 અને અલ્ટીમેટ એડિશનની કિંમત $100 રાખવામાં આવી હતી. આ ઉપરાંત, પ્રી-રિલીઝ અને લોન્ચ દરમિયાન ગેમની 32.5 મિલિયન નકલો વેચાઈ હોવાનો દાવો કરવામાં આવ્યો છે. જો આ આંકડાઓની સત્તાવાર પુષ્ટિ થાય તો GTA 6 વીડિયો ગેમિંગ ઉદ્યોગના સૌથી મોટા લોન્ચમાં સ્થાન મેળવી શકે છે.

આ પણ વાંચો: રામાયણ પર ભડકી VHP, મહર્ષિ વાલ્મીકિની વાર્તા સાથે છેડછાડનો આરોપ

Back to top button