મોડી રાતે ભૂકંપના ઝટકાથી ધણધણી દિલ્હીની ધરતી, જમીનથી ફક્ત 5 કિમી નીચે થઈ હલચલ

Earthquake in Delhi: રાષ્ટ્રીય રાજધાની દિલ્હીની ધરતી ફરી એકવાર ભૂકંપના આંચકાથી ધ્રુજી ઉઠી છે. દિલ્હીમાં મોડી રાત્રે ભૂકંપ આવ્યો છે. રિક્ટર સ્કેલ પર આ ભૂકંપની તીવ્રતા 2.3 માપવામાં આવી છે. નેશનલ સેન્ટર ફોર સિસ્મોલોજી (NCS) અનુસાર, દિલ્હીમાં રાત્રે 1:27:01 વાગ્યે ભૂકંપના આંચકા આવ્યા છે. આ ભૂકંપનું કેન્દ્ર અક્ષાંશ: 28.53 ઉત્તર, રેખાંશ: 77.32 પૂર્વ હતું.

ભૂકંપનું કેન્દ્ર દક્ષિણ પૂર્વ દિલ્હી હતું

ભૂકંપની ઊંડાઈ જમીનથી માત્ર 5 કિલોમીટર નીચે હતી. તેનું કેન્દ્ર દક્ષિણ પૂર્વ દિલ્હી હતું. શનિવારે મોડી રાત્રે દિલ્હીમાં આવેલા ભૂકંપની તીવ્રતા ખૂબ ઓછી હતી. આ કારણે, કોઈ પણ પ્રકારના નુકસાનના સમાચાર નથી. દિલ્હીમાં ભૂકંપ આવ્યો ત્યારે મોટાભાગના લોકો સૂઈ રહ્યા હતા.

ફેબ્રુઆરીમાં ભૂકંપ આવ્યો હતો

૨૦૨૫માં દિલ્હી અને NCRમાં ઘણી વખત ભૂકંપના આંચકા અનુભવાયા છે. આ વર્ષે ૧૭ ફેબ્રુઆરી મહિનામાં દિલ્હીમાં ભૂકંપના આંચકા અનુભવાયા હતા. તેનું કેન્દ્ર દિલ્હીના ધૌલા કુઆનના ઝીલ પાર્ક વિસ્તાર નજીક હતું. આ ભૂકંપ જમીનથી ૫ કિલોમીટર નીચે આવ્યો હતો.

૬-૭ સેકન્ડ માટે આંચકા અનુભવાયા હતા

આ ભૂકંપ સવારે ૫:૩૬ વાગ્યે આવ્યો હતો. ૬-૭ સેકન્ડ માટે આંચકા અનુભવાયા હતા. દિલ્હીની સાથે ગુરુગ્રામ, નોઈડા, ફરીદાબાદ અને ગાઝિયાબાદમાં પણ આંચકા અનુભવાયા હતા. આ ભૂકંપથી દિલ્હી-NCRમાં કોઈ નુકસાન થયું નથી.

આ પણ વાંચો: કોલંબિયા: રાષ્ટ્ર પ્રમખ પદના ઉમેદવારના માથામાં ગોળી મારી દીધી, ચૂંટણી રેલી દરમ્યાન અજાણ્યા શખ્સે કર્યો હુમલો