VIDEO: ઉત્તરાખંડમાં આભ ફાટ્યું, હોટલમાં કામ કરી રહેલા 17 મજૂરો તણાયા, પોલીસ અને SDRF ટીમો શોધવામાં લાગી

ઉત્તરકાશી, 29 જૂન 2025: ઉત્તરાખંડમાં વરસાદનો ભારે કહેર જોવા મળી રહ્યો છે. શનિવારે, બરકોટ-યમુનોત્રી રોડ પર સિલાઈ બંધમાં વાદળ ફાટવાની ઘટના બની હતી, જેમાં એક નિર્માણાધીન હોટલને ભારે નુકસાન થયું હતું. આ પછી, ત્યાં રહેતા લગભગ 17 જેટલા મજૂરો ગુમ થઈ ગયા હતા. માહિતી આપતાં, ઉત્તરકાશીના ડીએમ પ્રશાંત આર્યએ જણાવ્યું હતું કે ‘યમુનોત્રી રોડ પણ આ દુર્ઘટનાથી પ્રભાવિત થયો છે.’ વિસ્તારમાં બચાવ કામગીરી ચાલી રહી છે અને મજૂરોને શોધવા માટે ઝુંબેશ પણ ચલાવવામાં આવી રહી છે.

શનિવારે ઘટના બની હતી

ઉત્તરાખંડના બરકોટ-યમુનોત્રી રોડ પર સિલાઈ બંધમાં વાદળ ફાટવાની ઘટના બની હતી. વાદળ ફાટવાના કારણે ત્યાં નિર્માણાધીન હોટલ નાશ પામી હતી. અહીં કામ કરતા લગભગ 17 જેટલા મજૂરો પાણીમાં તણાઈ ગયા હતા. ગુમ થયેલા મજૂરોને શોધવા માટે બચાવ કામગીરી હાથ ધરવામાં આવી રહી છે. મીડિયા રિપોર્ટ્સ અનુસાર, બારકોટ પોલીસ સ્ટેશનના ઇન્ચાર્જ દીપક કઠેટે માહિતી આપી હતી કે ‘યમુનોત્રી હાઇવે પર વાદળ ફાટવાના સમાચાર મળતા જ ટીમને ઘટનાસ્થળે મોકલવામાં આવી હતી, જ્યાં જાણવા મળ્યું કે કેટલાક મજૂરો અહીં તંબુ લગાવીને રહેતા હતા, જે પાણીના જોરદાર પ્રવાહમાં તણાઈ ગયા હતા.’

#WATCH | Uttarkashi, Uttarakhand | 8-9 workers staying at an under-construction hotel site went missing after the construction site was damaged due to a cloud burst in Silai Band on Barkot-Yamunotri Marg. Yamunotri Marg has also been affected: Uttarkashi DM Prashant Arya

Rescue… pic.twitter.com/k6FiyZCdCa

— ANI (@ANI) June 29, 2025

વાદળ ફાટવાથી મોટું નુકસાન

માહિતી મુજબ, નદીઓ અને નાળાઓનું પાણીનું સ્તર વધ્યું છે. ઘણી જગ્યાએ ભારે નુકસાનની આશંકા છે. કેટલીક જગ્યાએ યમુનોત્રી હાઇવે બ્લોક કરવામાં આવ્યો છે. પોલીસ, NDRF અને SDRFની ટીમો સ્થળ પર હાજર છે. સ્યાનચટ્ટી નજીક નાળામાં કાટમાળ પડવાથી યમુના નદીનો પ્રવાહ બંધ થઈ ગયો છે, જેના કારણે સ્યાનચટ્ટીના નીચલા વિસ્તારમાં બનેલી હોટલો માટે ખતરો ઉભો થયો છે.

જિલ્લા આપત્તિ વ્યવસ્થાપન કેન્દ્રના જણાવ્યા અનુસાર, તહેસીલ બડકોટના સિલાઈ વાંડ પાસે ભારે વરસાદ/વાદળ ફાટવાની માહિતી મળતાની સાથે જ SDRF, પોલીસ અને મહેસૂલ વિભાગની એક ટીમને ઉપરોક્ત સ્થળે મોકલવામાં આવી છે. પૂરને કારણે બાંધકામ કાર્યમાં રોકાયેલા તમામ કામદારો ગુમ થયા હોવાનું જાણવા મળ્યું છે. શોધખોળ કામગીરી ચાલુ છે. યમુનોત્રી રાષ્ટ્રીય ધોરીમાર્ગ સિલાઈ બંધ નજીકના રસ્તાઓ પણ બે-ત્રણ સ્થળોએ બ્લોક કરવામાં આવ્યા છે, જેના સંદર્ભમાં NH બડકોટને જાણ કરવામાં આવી છે.

આ પણ વાંચો: Kolkata gangrape case: મહુઆ મોઇત્રા પોતાના જ પક્ષના નેતાઓના ‘જ્ઞાન’  પર અકળાઇ ઉઠ્યા