Breaking News : કોંગ્રેસના રોહન ગુપ્તાએ અમદાવાદ પૂર્વથી ચૂંટણી નહીં લડવાની કરી જાહેરાત
અમદાવાદ, 18 માર્ચ : લોકસભા ચૂંટણી પહેલા કોંગ્રેસને એક પછી એક ઝટકા લાગી રહ્યા છે. ઘણા મોટા નેતાઓએ પક્ષ સાથે છેડો ફાડ્યો છે. ત્યારે આજે સોમવારે વધુ એક મોટો ઝટકો પક્ષને લાગ્યો છે. જેમાં અમદાવાદ પૂર્વ બેઠક ઉપરથી ઉમેદવાર જાહેર થયેલા રોહન ગુપ્તાએ ચૂંટણી નહીં લડવાની જાહેરાત કરી છે. મહત્વનું છે કે રોહન ગુપ્તાના પિતા રાજકુમાર ગુપ્તા કોંગ્રેસના મોટા ગજાના નેતા છે જો કે તેઓએ પણ પક્ષમાંથી રાજીનામુ આપી દીધું છે તેવું જાણવા મળી રહ્યું છે. રાજકુમાર ગુપ્તા અગાઉ કોંગ્રેસમાં ઉપપ્રમુખ, ખજાનચી તેમજ મહામંત્રી તરીકેના પદ ઉપર રહી ચુક્યા છે.
Due to serious medical condition , my father is admitted in hospital and I am withdrawing my candidature for Ahmedabad east parliament seat as Congress Candidate. I will extend complete support to the new candidate nominated by party. pic.twitter.com/oPVNBd7DqV
— Rohan Gupta (@rohanrgupta) March 18, 2024
સોશિયલ મીડિયા ઉપર કરી જાહેરાત
ઉલ્લેખનીય છે કે, રોહન ગુપ્તાએ પોતે ચૂંટણી નહીં લડે તેવી જાહેરાત X ઉપર રાત્રે 10.17 કલાકે કરી છે. તેણે ચૂંટણી નહીં લડવા પાછળ પોતાના પિતાની નાદુરસ્ત તબિયતનું કારણ આપ્યું છે. પિતાની તબિયત સારી ન હોવાથી હાલ તેઓ આ જવાબદારી સાંભળી શકે તેમ ન હોવાથી પોતે આ ચૂંટણીમાં જાહેર થયેલું પોતાનું નામ પરત ખેંચે છે અને અન્ય કોઈ કાર્યકર્તાને તક આપવા જણાવ્યું છે.
