મુંબઈ, 12 મે, 2025: IPL 2025 ની બાકી રહેલી ટુર્નામેન્ટ 17મી મેથી શરૂ થશે. આ અંગે સત્તાવાર જાહેરાત કરી દેવામાં આવી છે. બીસીસીઆઈ દ્વારા આજે 12મી મેને સોમવારે મોડીરાત્રે આ અંગે નવો કાર્યક્રમ તથા વેન્યુની જાહેરાત કરવામાં આવી છે.
BCCIની સત્તાવાર યાદીમાં જણાવ્યા મુજબ, ભારતીય ક્રિકેટ નિયંત્રણ બોર્ડ (BCCI) ટાટા આઈપીએલ 2025ની પુનઃ શરૂઆતની ઘોષણા કરતાં આનંદ અનુભવે છે. સરકારી અને સુરક્ષા એજન્સીઓ તેમજ તમામ મુખ્ય હિતધારકો સાથે વ્યાપક ચર્ચા-વિચારણા બાદ, બોર્ડે સીઝનના બાકીના ભાગને આગળ વધારવાનો નિર્ણય લીધો છે. 17 મે, 2025થી શરૂ થતી અને 3 જૂન, 2025ના રોજ ફાઇનલમાં સમાપ્ત થતી કુલ 17 મેચો 6 સ્થળોએ રમાશે. સુધારેલું શેડ્યૂલ બે ડબલ-હેડરનો સમાવેશ કરે છે, જે બે રવિવારે રમાશે.
પ્લે-ઓફનું શેડ્યૂલ નીચે મુજબ છે:
ક્વોલિફાયર 1 – 29 મે
એલિમિનેટર – 30 મે
ક્વોલિફાયર 2 – 1 જૂન
ફાઇનલ – 3 જૂન
પ્લે-ઓફ મેચો માટેના સ્થળની વિગતો પાછળથી જાહેર કરવામાં આવશે. BCCI આ તકે ભારતના સશસ્ત્ર દળોની બહાદુરી અને હિંમતને ફરીથી વંદન કરે છે, જેમના પ્રયાસોએ ક્રિકેટની સુરક્ષિત વાપસી શક્ય બનાવી છે. બોર્ડ રાષ્ટ્રીય હિત પ્રત્યેની પોતાની પ્રતિબદ્ધતાને પુનઃ પુષ્ટિ આપે છે અને સાથે લીગની સફળ પૂર્ણાહુતિની ખાતરી આપે છે.
🗓️ #TATAIPL 2025 action is all set to resume on 17th May 🙌
The remaining League-Stage matches will be played across 6⃣ venues 🏟️
The highly anticipated Final will take place on 3rd June 🏆
Details 🔽https://t.co/MEaJlP40Um pic.twitter.com/c1Fb1ZSGr2
— IndianPremierLeague (@IPL) May 12, 2025
આ પણ વાંચોઃ PM Modi Addresses Nation LIVE: હું આપણા બહાદુર સૈનિકોને સલામ કરું છું: રાષ્ટ્રને સંબોધનમાં PM Modi
ઝડપી, સચોટ અને પ્રમાણિત સમાચાર મેળવવા નીચે જણાવેલા અમારા કોઈપણ વૉટ્સએપ ગ્રુપમાં જોડાઈ શકો છો >>>
https://chat.whatsapp.com/LuLIACK4WTYDPGdlAsSGrD
