પેરિસ ઓલિમ્પિકમાં ભારતને મોટો ફટકો: વિનેશ ફોગાટ ફાઇનલમાં ડિસ્ક્વોલિફાઈ
પેરિસ, 7 ઓગસ્ટ: પેરિસ ઓલિમ્પિક 2024માં ભારતને મોટો આંચકો લાગ્યો છે જેમાં 50 કિગ્રા ફ્રી સ્ટાઇલ રેસલિંગ ઈવેન્ટની ગોલ્ડ મેડલ મેચમાં સ્થાન મેળવનાર મહિલા રેસલર એથ્લેટ વિનેશ ફોગાટને વધુ વજન હોવાના કારણે ફાઈનલ મેચમાંથી ડિસ્ક્વોલિફાઈ કરવામાં આવી છે. વિનેશ ફોગાટ આજે બપોરે 12:45 વાગ્યે USએ રેસલર સામે તેની ગોલ્ડ મેડલ મેચ રમવાની હતી પરંતુ હવે તે આ આખી મેચમાંથી બહાર થઈ ગઈ છે જેમાં તેને સિલ્વર મેડલ પણ નહીં મળે.
વડાપ્રધાન મોદીએ ટ્વિટ કરી આ ઘટનાક્રમને પીડાદાયક ગણાવ્યો
Vinesh, you are a champion among champions! You are India’s pride and an inspiration for each and every Indian.
Today’s setback hurts. I wish words could express the sense of despair that I am experiencing.
At the same time, I know that you epitomise resilience. It has always…
— Narendra Modi (@narendramodi) August 7, 2024
ભારતીય ઓલિમ્પિક એસોસિએશન દ્વારા જારી કરાયું નિવેદન
વિનેશ ફોગાટના બહાર નીકળ્યા બાદ ભારતીય ઓલિમ્પિક એસોસિએશન દ્વારા એક નિવેદન બહાર પાડવામાં આવ્યું છે જેમાં તેઓએ કહ્યું છે કે, આ ખૂબ જ નિરાશાજનક છે કે ભારતીય મહિલા કુસ્તીબાજ વિનેશ ફોગાટ, જે 50 કિલો ફ્રી સ્ટાઈલ કેટેગરીમાં ગોલ્ડ મેડલ મેચ રમવાની હતી તેને વજન વધારે હોવાને કારણે મેચ પહેલા અયોગ્ય ઠેરવવામાં આવી છે. ટીમે આખી રાત તેનું વજન ઘટાડવાનો પ્રયાસ કર્યો પરંતુ આજે સવારે તેનું વજન 50 કિલોથી થોડું વધારે થયું. ભારતીય ટીમ તરફથી અત્યારે કોઈ ટિપ્પણી કરવામાં આવશે નહીં. અમે બધા તમને વિનેશની ગોપનીયતાનો આદર કરવા વિનંતી કરીએ છીએ જેથી અમે આગામી ઇવેન્ટ પર ધ્યાન કેન્દ્રિત કરી શકીએ.
🚨 It is with regret that the Indian contingent shares news of the disqualification of Vinesh Phogat from the Women’s Wrestling 50kg class. Despite the best efforts by the team through the night, she weighed in a few grams over 50kg this morning. No further comments will be made…
— Team India (@WeAreTeamIndia) August 7, 2024
વિનેશ ફોગાટનું વજન લગભગ 100 ગ્રામ વધારે હતું
ગોલ્ડ મેડલ મેચમાંથી ગેરલાયક ઠરેલી વિનેશ ફોગાટ હવે ન તો ગોલ્ડ મેડલ જીતી શકશે કે ન તો સિલ્વર, 50 કિગ્રા કેટેગરીમાં તેનું વજન લગભગ 100 ગ્રામ વધુ હોવાનું જાણવા મળ્યું છે. હવે આ કેટેગરીમાં માત્ર બે કુસ્તીબાજોને મેડલ આપવામાં આવશે, જેમાંથી એક USAના કુસ્તીબાજ હશે જેણે ગોલ્ડ મેડલ જીત્યો અને બીજો બ્રોન્ઝ મેડલ જીતનાર કુસ્તીબાજ હશે. જ્યારે વિનેશ ફોગાટને કોઈ મેડલ નહીં મળે. આ પહેલીવાર નથી જ્યારે વિનેશ ફોગાટે 50 કિગ્રા કેટેગરીમાં ક્વોલિફાય થવા માટે વધુ વજનની સમસ્યાનો સામનો કરવો પડ્યો હોય કારણ કે અગાઉ તે 53 કિગ્રા કેટેગરીમાં ભાગ લેતી હતી. અગાઉ, તેણીને ઓલિમ્પિક ક્વોલિફાયર્સમાં સમાન સમસ્યાનો સામનો કરવો પડ્યો હતો જ્યાં તેણી ખૂબ જ સાંકડા માર્જિનથી સ્થાન મેળવવામાં સફળ રહી હતી.
આ પણ જૂઓ: ઓલિમ્પિક મેડલ વિજેતા મનુ ભાકરનું વિમાન મથકે ભવ્ય સ્વાગતઃ જૂઓ વીડિયો
