તિરુપતિ મંદિરમાં દાન ગણતા પહેલા થાય છે અનેક વખત ચેકિંગ, જાણો શું છે ખાસ નિયમો

Donations In Tirupati Temple:  દક્ષિણ ભારતનું પ્રખ્યાત તિરુપતિ બાલાજી મંદિર દેશના સૌથી ધનિક મંદિરોમાં ગણાય છે. અહીં દરરોજ ભક્તો દ્વારા કરોડો રૂપિયાનું દાન કરવામાં આવે છે. મીડિયા રિપોર્ટ્સ મુજબ મંદિરમાં રોજ સરેરાશ 2.5 કરોડથી લઈને 6 કરોડ રૂપિયા સુધીનું દાન આવે છે. આ વિશાળ દાનની ગણતરી અને સુરક્ષા માટે ખાસ વ્યવસ્થા કરવામાં આવી છે.

તિરુમલા તિરુપતિ દેવસ્થાનમ (TTD) મંદિરનું સંચાલન કરે છે. ચઢાવાની ગણતરી માટે અલગ સ્ટાફની નિમણૂક કરવામાં આવી છે, જ્યારે સિક્કાઓ અલગ કરવા અને ગણવા માટે વોલન્ટિયર્સની મદદ લેવામાં આવે છે.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

‘હુંડી’માં ભેગું થાય છે દાન

મંદિરમાં ભક્તો દાન ‘હુંડી’ એટલે કે દાનપેટીમાં નાખે છે. દરરોજ સરેરાશ 6થી 12 હુંડી ચઢાવાથી ભરાઈ જાય છે. ત્યારબાદ તેને ‘પરાકમણી’ બિલ્ડિંગમાં લઈ જવાય છે, જ્યાં કડક સુરક્ષા વચ્ચે દાનની ગણતરી થાય છે.

ધોતી સિવાય બીજું કશું પહેરી શકતા નથી કર્મચારીઓ

દાનની ગણતરી દરમિયાન પારદર્શિતા જળવાઈ રહે અને ચોરી અટકાવી શકાય તે માટે ખાસ નિયમો બનાવવામાં આવ્યા છે. ગણતરી કરનાર કર્મચારીઓ માત્ર ધોતી પહેરી શકે છે. તેમને અન્ય કોઈ કપડાં અથવા વસ્તુઓ સાથે અંદર જવાની મંજૂરી આપવામાં આવતી નથી.

અહીં કામ કરતા વોલન્ટિયર્સની પણ ત્રણથી ચાર વખત ચેકિંગ અને ફ્રિસ્કિંગ કરવામાં આવે છે. ગણતરી રૂમમાં માત્ર અધિકૃત સ્ટાફને જ પ્રવેશ આપવામાં આવે છે.

AI અને CCTVથી થાય છે દેખરેખ

પરાકમણી બિલ્ડિંગમાં હાઈ રિઝોલ્યુશન CCTV કેમેરા લગાવવામાં આવ્યા છે, જે AI સિસ્ટમ સાથે જોડાયેલા છે. આ ટેક્નોલોજીની મદદથી દરેક કર્મચારીની હરકત પર નજર રાખવામાં આવે છે.

TTDની વિજિલન્સ અને સિક્યોરિટી વિંગ સમગ્ર કામગીરી સંભાળે છે. આ વિભાગ આંધ્ર પ્રદેશ પોલીસ હેઠળ કાર્ય કરે છે અને તેનું નેતૃત્વ IPS લેવલના અધિકારી કરે છે.

મશીનો દ્વારા થાય છે સિક્કાઓની ગણતરી

TTDના કર્મચારીઓ અને શ્રીવારી સેવકો સિક્કા, નોટો અને સોનાચાંદીના દાગીનાઓને અલગ કરે છે. સિક્કાઓને ખાસ મશીનો દ્વારા ગણવામાં અને પેક કરવામાં આવે છે. નોટોના બંડલ બનાવી તેમની ચકાસણી કરવામાં આવે છે.

સોનાં અને ચાંદીની વસ્તુઓનું દર મહિને મૂલ્યાંકન કરવામાં આવે છે અને પછી તેને TTD ટ્રેઝરીમાં સુરક્ષિત રાખવામાં આવે છે.

તિરુપતિ બાલાજી મંદિરની આ વ્યવસ્થા દેશના સૌથી સુવ્યવસ્થિત અને સુરક્ષિત દાન પ્રબંધન મોડેલ તરીકે માનવામાં આવે છે.

આ પણ વાંચો : Horoscope 16th June: આ લોકોની જવાબદારીઓ વધશે, જુઓ આજનું રાશિ ભવિષ્ય