Arshdeep Singh Confirms Relationship With Samreen Kaur: ભારતીય ટીમના ફાસ્ટ બોલર અર્શદીપ સિંહે પંજાબી મોડલ અને અભિનેત્રી સમરીન કૌર સાથેના પોતાના સંબંધો પર સત્તાવાર મહોર લગાવી દીધી છે. સોશિયલ મીડિયા પ્લેટફોર્મ ઇન્સ્ટાગ્રામ પર 2 ખાસ તસવીરો શેર કરતા અર્શદીપ સિંહે કેપ્શનમાં ‘My Person’ લખ્યું હતું. આ એક જ પોસ્ટ સાથે છેલ્લા 3 મહિનાથી બંનેના ડેટિંગને લઈને ચાલી રહેલી તમામ અટકળોનો અંત આવ્યો છે. ફેન્સ અને અનેક જાણીતી હસ્તીઓએ આ જોડીને અભિનંદન પાઠવ્યા છે.

સ્નેપચેટના ટેટૂ અને નેલ આર્ટથી શરુ થઈ ડેટિંગની ચર્ચા

અર્શદીપ અને સમરીનના સંબંધોની ચર્ચા અગાઉ ચોથા મહિનામાં સ્નેપચેટ પર શેર કરવામાં આવેલી એક તસવીરથી શરૂ થઈ હતી. ફોટામાં અર્શદીપે એક છોકરીનો હાથ પકડ્યો હતો, જેમાં ચહેરો દેખાતો ન હતો. જોકે, ફેન્સે છોકરીના હાથ પર બનેલા ટેટૂ અને નેલ આર્ટની સરખામણી સમરીન કૌરની તસવીરો સાથે કરતા જ આ બાબત સોશિયલ મીડિયા પર વાયરલ થઈ ગઈ હતી.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

IPL 2026 માં પંજાબ કિંગ્સની મેચો દરમિયાન સમરીનની હાજરી

IPL 2026 દરમિયાન સમરીન કૌર ઘણી વખત પંજાબ કિંગ્સ (PBKS) ની મેચોમાં વાનખેડે સ્ટેડિયમ અને મહારાજા યાદવેન્દ્ર સિંહ ક્રિકેટ સ્ટેડિયમના VIP સ્ટેન્ડમાં બેસીને અર્શદીપને ચીયર કરતી જોવા મળી હતી. ત્યારબાદ મે મહિનામાં બંને ધર્મશાલાના સ્થાનિક બજારમાં અને ચંદીગઢ એરપોર્ટ પર હાથમાં હાથ નાખીને ફરતા કેમેરામાં કેદ થયા હતા, જેણે બંને વચ્ચેના અફેરની ચર્ચાઓને વધુ બળ આપ્યું હતું.

બ્રેકઅપની અફવાઓ પર પૂર્ણવિરામ

છઠ્ઠા મહિનામાં બંને પંજાબના એક પ્રખ્યાત ગુરુદ્વારામાં સાથે માથું ટેકવવા પહોંચ્યા હતા. તેના થોડા દિવસો બાદ સોશિયલ મીડિયા પર એકબીજાને અનફોલો કર્યાની અને બ્રેકઅપ થયાની અફવાઓ ઉડી હતી. પરંતુ હવે ઇન્સ્ટાગ્રામ પર અર્શદીપની નવી પોસ્ટે તમામ અફવાઓ ફગાવીને તેમના પ્રેમ સંબંધ પર આખરી મહોર લગાવી દીધી છે.

આ પણ વાંચો: ભારતે ત્રીજી T20 માં ઝિમ્બાબ્વેને 35 રનથી હરાવી શ્રેણી કરી પોતાના નામે, વૈભવ સૂર્યવંશી અને મયંક યાદવ રહ્યા જીતના હીરો