ઐશ્વર્યા રાયે PM મોદીના ચરણ સ્પર્શ કરી લીધા આશિર્વાદ, ધર્મ જાતિ પર કહ્યું એક જ…’
નવી દિલ્લી:19 નવેમ્બર 2025:બોલિવૂડની બ્યુટી ક્વીન ઐશ્વર્યા રાય બચ્ચન તાજેતરમાં આંધ્ર પ્રદેશના પુટ્ટપર્થી સ્થિત શ્રી સત્ય સાંઈ બાબાના જન્મ શતાબ્દી સમારોહનો હિસ્સો બની હતી. આ ઐતિહાસિક અવસરે વડાપ્રધાન નરેન્દ્ર મોદીએ મુખ્ય અતિથિ તરીકે હાજરી આપી હતી. આ દરમિયાન ઐશ્વર્યા રાયે પીએમ મોદી સાથે ખાસ મુલાકાત કરી હતી અને તેમના ચરણ સ્પર્શ કરીને આશિર્વાદ પણ લીધા હતા. વડાપ્રધાન મોદી સાથે ઐશ્વર્યા રાયની આ મુલાકાત દરેક માટે યાદગાર બની ગઈ છે.
એશ્વર્યાના સંસ્કારોએ જીત્યું ફેન્સનું દિલ
ઐતિહાસિક સમારોહમાં ઐશ્વર્યા રાયે ધર્મ અને જાતિ પર એક ખાસ પ્રેરક વક્તવ્ય આપ્યું હતું. તેમણે ધર્મ અને જાતિ અંગેનો પોતાનો મત વિશ્વ સમક્ષ રજૂ કર્યો. પરંતુ સ્પીચ આપતા પહેલા, અભિનેત્રીએ સ્ટેજ પર હાજર વડાપ્રધાન નરેન્દ્ર મોદીના પગ સ્પર્શીને તેમના આશીર્વાદ લીધા. ઐશ્વર્યાના આ સંસ્કારોએ તેમના ફેન્સનું દિલ જીતી લીધું છે. સોશિયલ મીડિયા પર ફેન્સ તેમની ખૂબ પ્રશંસા કરી રહ્યા છે.
સ્પીચમાં ઐશ્વર્યા રાયે શું કહ્યું?
ઐશ્વર્યા રાયે માનવતા, ધર્મ અને જાતિ પર દમદાર સ્પીચ પણ આપી. અભિનેત્રીની સ્પીચનો વીડિયો સોશિયલ મીડિયા પર વાયરલ થઈ રહ્યો છે. પોતાની સ્પીચમાં ઐશ્વર્યાએ કહ્યું: “ફક્ત એક જ જાતિ છે અને તે છે માનવતાની જાતિ. ફક્ત એક જ ધર્મ છે અને તે છે પ્રેમનો ધર્મ. ફક્ત એક જ ભાષા છે, અને તે છે દિલની ભાષા, અને ફક્ત એક જ ઈશ્વર છે, જે દરેક જગ્યાએ હાજર છે.”
પીએમ મોદી માટે વ્યક્ત કર્યો આભાર
ઐશ્વર્યા રાયે વડાપ્રધાન નરેન્દ્ર મોદીનો આભાર માન્યો. અભિનેત્રીએ કહ્યું: “હું પીએમ નરેન્દ્ર મોદીજીનો દિલથી આભાર વ્યક્ત કરું છું, કારણ કે તેઓ આજે અમારી સાથે આ સમારોહમાં સામેલ થયા છે. તેમણે આ ખાસ અવસરની શોભા વધારી છે. હું તમારા બુદ્ધિશાળી અને પ્રેરણાદાયક શબ્દો સાંભળવા માટે આતુરતાથી રાહ જોઈ રહી છું. તમારું અહીં હોવું આ જન્મ શતાબ્દી સમારોહને વધુ પવિત્ર અને ખાસ બનાવી રહ્યું છે. આ આપણને સ્વામીના એ સંદેશની યાદ અપાવે છે કે અસલી નેતૃત્વ સેવા કરવાનું છે અને ઇન્સાનની સેવા જ ભગવાનની સૌથી મોટી સેવા છે.”
શ્રી સત્ય સાંઈ બાબાની વિરાસત
આ સમારોહમાં શ્રી સત્ય સાંઈ બાબાની વિરાસતને પણ યાદ કરવામાં આવી. તેમનો જન્મ 23 નવેમ્બર, 1926ના રોજ પુટ્ટપર્થીમાં સત્યનારાયણ રાજુ તરીકે થયો હતો. દયા, એકતા અને નિઃસ્વાર્થ સેવા જેવા તેમના ઉપદેશોને કારણે તેઓ સમગ્ર વિશ્વમાં પ્રખ્યાત થયા હતા. શ્રી સત્ય સાંઈ બાબાનું 24 એપ્રિલ, 2011ના રોજ 84 વર્ષની ઉંમરે નિધન થયું હતું. તેઓ તેમના લાખો ભક્તો માટે એક અમૂલ્ય વિરાસત છોડી ગયા, અને દુનિયાના કરોડો લોકો તેમને એક મહાન આધ્યાત્મિક ગુરુ તરીકે યાદ કરે છે.
આ પણ વાંચો :ગુજરાત: આંતરરાષ્ટ્રીય સાયબર-ગુલામી રેકેટનો પર્દાફાશ, આરોપીએ કર્યા ચોંકાવનારા ખુલાસા
આ પણ વાંચો :શું તમારા ખાતામાં કિસાન નિધિના પૈસા નથી આવ્યા? તો તમે આ કરી શકો છો
