89 વર્ષીય એક્ટર ધર્મેન્દ્રની તબિયત લથડી? હોસ્પિટલમાં કરાયા દાખલ, પરિવારે જણાવ્યું કારણ
નવી દિલ્હીઃ 31 ઓક્ટોબર, 2025: Bollywood Actor Dharmendra Hospitalized: બોલિવૂડના દિગ્ગજ અભિનેતા ધર્મેન્દ્રને મુંબઈની બ્રીચ કેન્ડી હોસ્પિટલમાં દાખલ કરવામાં આવ્યા છે. 89 વર્ષીય અભિનેતાના હોસ્પિટલમાં દાખલ થવાના સમાચાર સામે આવતા જ તેમના ફેન્સમાં ચિંતાનો માહોલ ફેલાઈ ગયો હતો. જોકે, તેમના નજીકના પારિવારિક સૂત્રોએ સ્પષ્ટતા કરી છે કે આ કોઈ ગંભીર બાબત નથી અને આ માત્ર ઉંમર સંબંધિત સ્વાસ્થ્યની રૂટિન તપાસ છે.
અભિનેતા સંપૂર્ણપણે સ્વસ્થ છે: પારિવારિક સૂત્રો
અહેવાલો અનુસાર, પરિવારના નજીકના સૂત્રોએ જણાવ્યું કે, ચિંતા કરવાની કોઈ વાત નથી. તેમની ઉંમરને ધ્યાનમાં રાખીને, સમયાંતરે તેમની ઘણી તપાસ થતી રહે છે અને તે જ કારણોસર તેઓ હોસ્પિટલમાં છે.
સૂત્રો પાસેથી મળતી માહિતી મુજબ, “તેઓ બિલકુલ ઠીક છે અને ચિંતા કરવાની કોઈ વાત નથી. તેઓ ખૂબ ખુશ છે અને હમણાં જ તેઓ નિયમિત તપાસ માટે ગયા છે. અભિનેતા સંપૂર્ણપણે સ્વસ્થ છે.”
90 વર્ષની ઉંમરે પણ ધર્મેન્દ્ર સક્રિય
ટૂંક સમયમાં 90 વર્ષના થવા જઈ રહેલા ધર્મેન્દ્ર આ ઉંમરે પણ સક્રિય છે. તેઓ ટૂંક સમયમાં આગામી ફિલ્મ ‘ઇક્કીસ’ માં જોવા મળશે. શ્રીરામ રાઘવન દ્વારા નિર્દેશિત આ ફિલ્મ સેકન્ડ લેફ્ટનન્ટ અરુણ ખેત્રપાલના જીવન પર આધારિત છે, જેમાં અમિતાભ બચ્ચનના પૌત્ર અગસ્ત્ય નંદા મુખ્ય ભૂમિકામાં છે.
આ પહેલાં ધર્મેન્દ્ર રણવીર સિંહ અને આલિયા ભટ્ટની ફિલ્મ ‘રોકી ઔર રાની કી પ્રેમ કહાની’ તેમજ શાહિદ કપૂર-કૃતિ સેનનની ફિલ્મ ‘તેરી બાતોં મેં ઐસા ઉલઝા જિયા’માં પણ જોવા મળ્યા હતા.
આ પણ વાંચોઃ માવઠાને લીધે ગિરનારની લીલી પરિક્રમા રદ્દ, પરંપરા જાળવવા સાધુ સંતો પ્રતિકાત્મક સ્વરૂપે પરિક્રમા કરશે
આ પણ વાંચોઃ લગ્નમાં QR કોડ શર્ટમાં ચોંટાડીને ફરતા દેખાયા અંકલ, લોકોએ કહ્યું- ઓનલાઇન ‘ચાંદલો’ લેવાની પ્રક્રિયા
