ટ્રેન્ડિંગનેશનલ
સંસદ પર થયેલા આતંકવાદી હુમલાની 24મી વર્ષગાંઠ, નેતાઓએ આપી શ્રદ્ધાંજલિ
સંસદ પર થયેલા આતંકવાદી હુમલાને 24 વર્ષ થઈ ગયા છે. 2001માં આ દિવસે આતંકવાદીઓએ દેશની સંસદને નિશાન બનાવી હતી, જેમાં ઘણા બહાદુર સૈનિકોએ પોતાના જીવનું બલિદાન આપ્યું હતું. પીએમ મોદી અને વિપક્ષના નેતા રાહુલ ગાંધી સહિત અનેક નેતાઓએ શહીદ સૈનિકોને શ્રદ્ધાંજલિ આપી હતી.
ઉપરાષ્ટ્રપતિ સીપી રાધાકૃષ્ણન સૌપ્રથમ શ્રદ્ધાંજલિ અર્પણ કરનારા હતા ત્યારબાદ પીએમ મોદી, રાહુલ ગાંધી અને સોનિયા ગાંધીએ પણ સૈનિકોના ફોટા પાસે ફૂલો ચઢાવ્યા હતા.
13 ડિસેમ્બર, 2001ના રોજ સંસદ પર થયેલા હુમલાની યાદમાં આજે બંધારણ ગૃહ (જૂના સંસદ ભવન) માં શ્રદ્ધાંજલિ સમારોહનું આયોજન કરવામાં આવ્યું હતું. CISF જવાનોએ “ગાર્ડ ઓફ ઓનર” આપ્યું હતું, ત્યારબાદ એક મિનિટનું મૌન પાળ્યું હતું. અગાઉ, 2023 સુધી, CRPF જવાનો “શસ્ત્ર સલામી” આપતા હતા. હવે, CISF જવાનો શહીદોને સલામી આપે છે.
