રડ્યા પછી ઠંડા પાણીથી કેમ ધોવામાં આવે છે મોં? મેન્ટલ હેલ્થ સાથે સીધું કનેક્શન

• ઠંડુ પાણી મગજમાં ઈલેક્ટ્રિક ઈમપલ્સ મોકલે છે, જે એન્ડોર્ફિન જેવા ફીલ-ગુડ હોર્મોન્સના સ્ત્રાવને ઉત્તેજિત કરે છે

HD ન્યુઝ ડેસ્કઃ જીવનમાં ક્યારેક ક્યારેક એવી પરિસ્થિતિઓ કે ઉતાર-ચઢાવ આવે છે કે વ્યક્તિ પોતાની લાગણીઓને કાબૂમાં રાખી શકતો નથી અને ખૂબ રડવા લાગે છે. મોટાભાગના લોકો સાથે ક્યારેક ને ક્યારેક તો આવું બન્યું જ છે. રડવાનું કારણ અલગ હોઈ શકે છે, પરંતુ રડ્યા પછી એક વાત સામાન્ય છે અને તે છે રડ્યા પછી ઠંડા પાણીથી ચહેરો ધોવો. તમે રડ્યા બાદ ઠંડા પાણીથી ચહેરો ધોવાની વાત સાંભળી હશે, પરંતુ શું તમે આ પાછળનું સાચું કારણ જાણો છો? જો તમને પણ લાગે છે કે આ ફક્ત આંખોનો સોજો ઓછો કરવા અથવા ચહેરો સાફ કરવા માટે કરવામાં આવે છે, તો ચાલો તમને જણાવીએ કે આવું બિલકુલ નથી. રડ્યા પછી ઠંડા પાણીથી ચહેરો ધોવો એ સારું માનસિક સ્વાસ્થ્ય જાળવવાનો એક સરળ, કુદરતી અને અસરકારક રસ્તો છે. ચાલો જાણીએ કેવી રીતે.

નર્વસ સિસ્ટમ શાંત થાય છે

જ્યારે કોઈ વ્યક્તિ રડે છે, ત્યારે તેના શરીરમાં કોર્ટિસોલ નામના સ્ટ્રેસ હોર્મોનનો સ્ત્રાવ થાય છે. જે થાકનું કારણ બને છે અને મનને ભારે બનાવે છે, પરંતુ જ્યારે ચહેરો ઠંડા પાણીથી ધોઈ નાખવામાં આવે છે, ત્યારે સ્ટ્રેસ હોર્મોન્સનું સ્તર ઘટે છે, શરીર તાજગી અનુભવે છે અને નર્વસ સિસ્ટમ શાંતિ અનુભવે છે. જેના કારણે શરીરને સારું અનુભવ કરાવતા ખુશીના હોર્મોન્સ પણ સ્ત્રાવ થવા લાગે છે.

ખુશીના હોર્મોન્સ પીડા ઘટાડે છે

રડ્યા પછી ઠંડા પાણીથી ચહેરો ધોવાથી શારીરિક અને ભાવનાત્મક પીડા ઓછી થાય છે. ઠંડુ પાણી મગજમાં ઈલેક્ટ્રિક ઈમપલ્સ મોકલે છે, જે એન્ડોર્ફિન જેવા ફીલ-ગુડ હોર્મોન્સના સ્ત્રાવને ઉત્તેજિત કરે છે, જે મૂડ સુધારીને તણાવ ઘટાડવામાં મદદ કરે છે.

ઠંડુ પાણી તમને સ્ટ્રેસ ફ્રી રાખે છે

જ્યારે તમે ઠંડા પાણીથી ચહેરો ધોવો છો ત્યારે તમારા શરીરનું તાપમાન નીચે જાય છે. આનાથી તમારા મગજને હળવો આંચકો લાગે છે અને વ્યક્તિ તણાવમુક્ત અને તાજગી અનુભવે છે.

આ પણ વાંચોઃ રાતે 9 વાગ્યા બાદ સુવાથી બાળકોના મગજ પર પડે છે અસર, નિષ્ણાતોએ જણાવ્યા નુકસાન