યુજવેન્દ્ર ચહલ અને RJ મહવશે ઈન્સ્ટાગ્રામ પર એકબીજાને શા માટે કર્યા અનફોલો?
- થોડા મહિના પહેલા સુધી ચહલ અને મહવશની ડેટિંગની અફવાઓ સતત સમાચારમાં રહેતી હતી. જોકે બંનેએ ઘણી વખત આ અહેવાલોને સ્પષ્ટપણે નકારી કાઢ્યા છે
HD ન્યુઝ ડેસ્કઃ ભારતીય ક્રિકેટર યુઝવેન્દ્ર ચહલ અને રેડિયો જોકી મહવશ ફરી એકવાર સોશિયલ મીડિયા પર ચર્ચામાં છે. આ વખતે કારણ તેમની નિકટતા નથી, પરંતુ ઇન્સ્ટાગ્રામ પર એકબીજાને અનફોલો કરવાનું છે. આ સમાચાર સામે આવતાની સાથે જ, બંને વચ્ચે શું ચાલી રહ્યું છે તે અંગે ઓનલાઈન અટકળો શરૂ થઈ ગઈ છે.
ઈન્સ્ટાગ્રામ પર દૂર થયા
થોડા મહિના પહેલા સુધી ચહલ અને મહવશની ડેટિંગની અફવાઓ સતત સમાચારમાં રહેતી હતી. જોકે બંનેએ ઘણી વખત આ અહેવાલોને સ્પષ્ટપણે નકારી કાઢ્યા છે. હવે સોશિયલ મીડિયા યુઝર્સે જોયું છે કે બંને ઈન્સ્ટાગ્રામ પર એકબીજાને ફોલો કરી રહ્યા નથી. આના સ્ક્રીનશોટ સામે આવ્યા છે, જેના કારણે આ મુદ્દો રેડિટ અને અન્ય પ્લેટફોર્મ પર ચર્ચાનો વિષય બન્યો છે.
સોશિયલ મીડિયા પર લોકો અલગ અલગ અનુમાન લગાવી રહ્યા છે. કેટલાક તેને એક સામાન્ય અનફોલો ગણાવી રહ્યા છે, જ્યારે કેટલાક તેને મિત્રતા કે સંબંધના અંત સાથે જોડી રહ્યા છે. કેટલાક યુઝર્સ વિચારી રહ્યા છે કે જો બંને ફક્ત મિત્રો હતા, તો તેમણે અચાનક એકબીજાને અનફોલો કરવાનું કારણ શું હતું? કેટલાક લોકો માને છે કે આ એક વ્યક્તિગત મામલો છે અને તેનું વધુ પડતું અર્થઘટન કરવું યોગ્ય નથી.
છૂટાછેડા પછી ચહલ સાથે જોડાયું મહવશનું નામ
યુઝવેન્દ્ર ચહલનું આરજે મહવશ સાથે નામ ત્યારે જોડાયું જ્યારે કોરિયોગ્રાફર અને રિયાલિટી શો સ્ટાર ધનશ્રી વર્મા સાથે તેના છૂટાછેડા થયા હતા. ત્યારબાદ મહવશ આઈપીએલ મેચમાં ચહલને ટેકો આપતી અને તેની સાથે સમય વિતાવતી જોવા મળી હતી. આ ક્ષણોએ અફવાઓને વેગ આપ્યો કે બંને વચ્ચે કંઈક છે. જોકે બંનેએ હંમેશા કહ્યું છે કે તેઓ ફક્ત મિત્રો છે.
ગયા વર્ષે એક પોડકાસ્ટ ઇન્ટરવ્યુમાં ચહલે આ અફવાઓ વિશે ખુલ્લેઆમ વાત કરી હતી. તેણે કહ્યું હતું કે તેની અને મહવશ વચ્ચે કંઈ રોમેન્ટિક નહોતું અને પાયાવિહોણી અફવાઓને કારણે મહવશને ઘણા ટ્રોલિંગનો સામનો કરવો પડ્યો હતો. ચહલે એ પણ સ્વીકાર્યું હતું કે આ અફવાઓએ તેમના અંગત જીવનને અસર કરી હતી અને તેઓ જાહેરમાં સાથે દેખાવાથી દૂર રહેવા લાગ્યા હતા.
