UP MLC Election Results : ઉત્તર પ્રદેશની રાજનીતિમાં સમાજવાદી પાર્ટી (સપા) ની સૌથી મજબૂત વોટબેન્ક ગણાતી મુસ્લિમ અને યાદવ (M-Y) ફેક્ટરને મોટો ફટકો પડ્યો છે. યુપી વિધાન પરિષદ (MLC) ચૂંટણીમાં સપાનું ‘યાદવ કાર્ડ’ સફળ રહ્યું પરંતુ ‘મુસ્લિમ કાર્ડ’ સંપૂર્ણપણે નિષ્ફળ સાબિત થયું છે. પશ્ચિમી ઉત્તર પ્રદેશની બરેલી-મોરાદાબાદ શિક્ષક મતક્ષેત્રની બેઠક પર ભાજપના ઉમેદવાર ડૉ. હરિ સિંહ ઢિલોંએ 17,676 મતોના મોટા માર્જિનથી જીત હાંસલ કરી છે.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

ભાજપના ડૉ. હરિ સિંહ ઢિલોંની ભવ્ય જીત

સમાજવાદી પાર્ટીએ બરેલી-મોરાદાબાદ ખંડની શિક્ષક બેઠક પરથી હાજી દાનિશ અખ્તરને મેદાનમાં ઉતાર્યા હતા. આ ચૂંટણીમાં ભાજપના ડૉ. હરિ સિંહ ઢિલોંને કુલ 21,672 મત મળ્યા હતા, જ્યારે સપાના દાનિશ અખ્તરને માત્ર 3,996 મત જ મળ્યા હતા. ભાજપ ઉમેદવારે સપા ઉમેદવારને ભારે મતોના તફાવતથી પરાજય આપ્યો છે.

મુસ્લિમ બહુલ વિસ્તારમાં સપાનું ગણિત કેમ ન ચાલ્યું?

બરેલી-મોરાદાબાદ MLC ક્ષેત્રમાં રૂહેલખંડથી લઈને પશ્ચિમી યુપીના 9 જિલ્લાઓ (બરેલી, બડાયું, પીલીભીત, શાહજહાંપુર, મોરાદાબાદ, રામપુર, બિજનોર, સંભલ અને અમરોહા) આવે છે, જે મુસ્લિમ વસ્તી ધરાવતો ગઢ માનવામાં આવે છે. લોકસભા અને વિધાનસભા ચૂંટણીઓમાં સપાનું વર્ચસ્વ રહેલું છે, પરંતુ MLC ચૂંટણીમાં આ ગણિત ઊંધું પડ્યું.

આ પણ વાંચોઃ અમદાવાદ : RTOમાં AI કેમેરાના કારણે લાયસન્સ ટેસ્યમાં 80% વાહનચાલકો ફેલ

હાર પાછળના મુખ્ય કારણો:

1. શિક્ષિત મતદાતાઓનો અભિગમ: MLC ચૂંટણીમાં શિક્ષક અને સ્નાતક મતદારો માત્ર જાતિ કે ધર્મના આધારે વોટ આપતા નથી, પરંતુ ઉમેદવારની છબી અને કામગીરીને પ્રાધાન્ય આપે છે.

2. મજબૂત ગ્રાઉન્ડ નેટવર્ક: RSS સમર્થિત શિક્ષક સંગઠનો, ABVP અને NDA માં સામેલ RLD ના ગ્રાઉન્ડ નેટવર્કે ભાજપના ઉમેદવાર માટે વાતાવરણ બનાવ્યું.

3. મતદારોને બહાર લાવવામાં નિષ્ફળતા: સપા પોતાના શિક્ષિત અને કોર વોટબેન્કને પોલિંગ બૂથ સુધી લાવવામાં નિષ્ફળ રહી.

આ ચૂંટણી પરિણામો સ્પષ્ટ સંકેત આપે છે કે વિધાન પરિષદની ચૂંટણીમાં માત્ર ‘મુસ્લિમ-યાદવ’ કાર્ડ કે જાતિગત ધ્રુવીકરણના ભરોસે જીત મેળવી શકાતી નથી.

આ પણ વાંચોઃ કોમનવેલ્થ ગેમ્સ 2030ની તૈયારી તેજ, કરાઈમાં ₹1,450 કરોડના ખર્ચે બનશે વિશાળ સ્પોર્ટ્સ સિટી