આ ડિવાઈસનું નામ ‘TEMPLE’ છે, જે સોનાના (ગોલ્ડન) રંગમાં જોવા મળે છે. ખાસ વાત એ છે કે તેને ઝોમાટો (Zomato) ના કો-ફાઉન્ડર દીપિન્દર ગોયલના નવા સ્ટાર્ટઅપે તૈયાર કર્યું છે. તેની કિંમત 84,999 રૂપિયા છે અને તેનું પ્રી-ઓર્ડર 1 નવેમ્બરથી શરૂ થવા જઈ રહ્યું છે.

🚨Shubman Gill, KL Rahul, Gurnoor Brar have joined the Indian squad but Gill was seen wearing fitness tracking device temple.
@CricSubhayan with the full report from Auckland

#NZvIND https://t.co/nOh3cHhHYk

— RevSportz Global (@RevSportzGlobal) October 29, 2026

શું છે TEMPLE ડિવાઈસનું કામ?

પ્રાક્ટિસ મેચ દરમિયાન ગિલ સંપૂર્ણપણે ફિટ નજરે પડ્યો અને તેણે બેટિંગની તૈયારી પણ કરી હતી. આ દરમિયાન તેના માથા પર લાગેલો TEMPLE ગેજેટ એક ફિટનેસ સેન્ટ્રિક ડિવાઈસ છે, જેની કામ કરવાની રીત સ્માર્ટવોચ કે સ્માર્ટબેન્ડ કરતા તદ્દન અલગ છે.

• બ્રેઈન બ્લડ ફ્લો ટેસ્ટ કરે છે: આ ડિવાઈસ મગજમાં લોહીના પ્રવાહ (Blood Flow) ને ટ્રેક કરે છે. તેને માત્ર માથા પર ચોંટાડવું પડે છે, ત્યારબાદ તે પોતાની ખાસ ટેક્નોલોજીની મદદથી હેલ્થ અને એનર્જી લેવલ ચેક કરે છે.

આ પણ વાંચોઃ ‘જઈને કોહલી પાસે અપીલ કરાવો…’ દિલ્હીમાં ફટાકડા પર SCની ફટકાર

TEMPLE ના ખાસ ફિચર્સ:

1. બ્રેઈન ફ્લો (Brain Flow): આ ફીચર મગજમાં બ્લડ ફ્લો અને તેનાથી આવતા સિગ્નલને ટ્રેક કરે છે.

2. એન્ટ્રોપી સ્કોર (Entropy Score): આ ફીચર શરીરની અંદર થતા બદલાવના આધારે ૧ થી ૨૫૦ ની વચ્ચેનો સ્કોર આપે છે.

કેવી રીતે કામ કરે છે આ ગેજેટ?

TEMPLE ડિવાઈસની અંદર PPG (Photoplethysmography) ટેક્નોલોજીનો ઉપયોગ કરવામાં આવ્યો છે. આ ટેક્નોલોજી ફિટનેસ બેન્ડ અને સ્માર્ટવોચમાં પણ હોય છે. PPG ટેક્નોલોજી હેઠળ સ્કિનની અંદર લાઈટ એન્ટર થાય છે, જે બ્લડમાં થતા બદલાવોને ટ્રેક કરે છે.

ત્યારબાદ આ ડિવાઈસ બ્લડના ડેટાને એનાલાઈઝ કરીને મોબાઈલ એપના માધ્યમથી યુઝર્સને તમામ માહિતી પૂરી પાડે છે.