‘જઈને કોહલી પાસે અપીલ કરાવો…’ દિલ્હીમાં ફટાકડા પર SCની ફટકાર
Supreme Court Firecracker Ban: સુપ્રીમ કોર્ટે તહેવારો દરમિયાન ફટાકડા પરના નિયમોનું યોગ્ય રીતે પાલન ન કરાવવા બદલ દિલ્હી સરકાર અને વાયુ ગુણવત્તા વ્યવસ્થાપન આયોગ (CAQM) ને ભારે ફટકાર લગાવી છે. જસ્ટિસ એમ.એમ. સુંદરેશ અને જસ્ટિસ પી.બી. વરાલેની બેન્ચે સખત વલણ અપનાવતા કહ્યું કે આદેશોનું પાલન ન થવાને કારણે તે માત્ર “કાગળ પર” રહી ગયા છે અને વારંવાર થતું ઉલ્લંઘન હવે એક ‘મજાક’ બની ગયું છે. એમિકસ ક્યુરીના અહેવાલ મુજબ CAQM ની 29 યુનિટોમાંથી માત્ર 9 યુનિટ જ સક્રિય રીતે કામ કરી રહી છે.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
કોર્ટે અધિકારીઓની કામગીરી પર ઉઠાવ્યા સવાલો
સુપ્રીમ કોર્ટે સવાલ કર્યો હતો કે, “તમે વાસ્તવમાં જમીની સ્તર પર શું કામ કર્યું છે? જો આદેશોનું પાલન જ ન કરાવવું હોય તો તેનો અર્થ શું છે?” બેન્ચે પૂછ્યું કે ગત વર્ષના આદેશો બાદ બનાવવામાં આવેલી ટીમ નિર્ધારિત વિસ્તારોમાં ગઈ હતી કે નહીં અને AQI (એર ક્વોલિટી ઈન્ડેક્સ) નું મૂલ્યાંકન કરવામાં આવ્યું છે કે નહીં. કોર્ટે સ્પષ્ટ કહ્યું કે આ બાબત કોઈ અધિકારી માટે પ્રતિષ્ઠાનો મુદ્દો નથી, પરંતુ દરેક જીવંત પ્રાણીના સ્વાસ્થ્ય સાથે જોડાયેલી ગંભીર બાબત છે.
“અમે તહેવારના વિરોધમાં નથી, પરંતુ સંતુલન જરૂરી છે”
કોર્ટે સ્પષ્ટતા કરી હતી કે, તે તહેવારો અંગેની જનભાવનાઓને સારી રીતે સમજે છે અને કોઈ ધાર્મિક પાસા પર વાત નથી કરી રહી. મૂળ મુદ્દો એ છે કે કોઈને નુકસાન પહોંચાડ્યા વિના તહેવાર કેવી રીતે ઉજવવો. કોર્ટે કહ્યું, “અમે ફટાકડા પર સંપૂર્ણ પ્રતિબંધના પક્ષમાં નથી, પરંતુ અમે સંતુલન બનાવવાનો પ્રયાસ કરી રહ્યા છીએ.” કોર્ટે સૂચન કર્યું હતું કે માત્ર વેચાણ પર નિયંત્રણ પૂરતું નથી અને લોકોમાં જાગૃતિ લાવવા માટે વિરાટ કોહલી જેવી જાણીતી હસ્તીઓની મદદ લેવી જોઈએ.
આ પણ વાંચોઃ ગુજરાતની ગ્રાન્ટેડ શાળાઓમાં 2,000થી વધુ શિક્ષકોની ભરતી માટે સરકારની તૈયારી
દિલ્હી સરકારે રજૂ કર્યો એક્શન પ્લાન
સરકાર તરફથી એડિશનલ સોલિસિટર જનરલ ઐશ્વર્યા ભાટીએ કોર્ટને જણાવ્યું હતું કે દિલ્હી સરકારે પ્રદૂષણ સામે લડવા માટે એક્શન પ્લાન તૈયાર કર્યો છે. જેમાં 608 એન્ટી-સ્મોગ ગન, ઈવી ચાર્જિંગ ઈન્ફ્રાસ્ટ્રક્ચર અને મોનિટરિંગ સિસ્ટમ ગોઠવવામાં આવી છે. જોકે, કોર્ટે આ પગલાંના વાસ્તવિક અમલીકરણ અને તેના પરિણામોનો અહેવાલ માગ્યો છે.
આ પણ વાંચોઃ ન્યૂઝીલેન્ડ સામે 5-0થી સિરીઝ જીતવાનું લક્ષ્ય, તિલક વર્માએ કર્યો મોટો ખુલાસો
