સ્પોર્ટસ

કાનપુરના આ ખેલાડીને IPL 2023માં રમવાની સુવર્ણ તક મળી

Text To Speech

IPLની આગામી સિઝન એટલે કે IPL 2023માં કાનપુરનો એક ખેલાડી રમતા જોવા મળશે. મિની ઓક્શન (IPL ઓક્શન 2023)માં 26 વર્ષીય ઉપેન્દ્ર સિંહ યાદવની ફ્રેન્ચાઈઝીઓએ બોલી લગાવી અને અંતે સનરાઈઝર્સ હૈદરાબાદે તેને 25 લાખ રૂપિયામાં ખરીદ્યો. જોકે તેની મૂળ કિંમત 20 લાખ રૂપિયા હતી. જણાવી દઈએ કે ઉપેન્દ્ર લાંબા સમયથી યુપીની ટીમનો ભાગ છે અને હાલમાં જ તે રેલવેની ટીમ તરફથી રમી રહ્યો છે. આવી સ્થિતિમાં તેના શાનદાર પ્રદર્શનને જોતા તેને IPL 2023માં રમવાની સુવર્ણ તક મળી છે.

upendra Yadav IPL 2023

ઉપેન્દ્ર સિંહ યાદવને સનરાઇઝર્સ હૈદરાબાદે 25 લાખમાં ખરીદ્યો 

IPL 2023ની હરાજીમાં સૌથી વધુ પૈસા સનરાઈઝર્સ હૈદરાબાદ (SRH) પાસે હતા. તેણે 13.25 કરોડ રૂપિયાની ઊંચી બોલી લગાવીને હેરી બ્રુકને પોતાની સાથે જોડ્યો. આ સાથે તેણે કાનપુરના 26 વર્ષીય ઉપેન્દ્ર સિંહ યાદવને પોતાની ટીમમાં સામેલ કર્યો. ઉપેન્દ્ર સિંહ યાદવની મૂળ કિંમત 20 લાખ રૂપિયા હતી જ્યારે સનરાઈઝર્સ હૈદરાબાદે તેને 25 લાખ રૂપિયામાં ખરીદ્યો હતો. અત્યાર સુધી કાનપુર શહેરના માત્ર કુલદીપ યાદવ અને અંકિત રાજપૂત જ IPL રમતા જોવા મળ્યા છે, પરંતુ ઉપેન્દ્રને IPL 2023માં તક મળી છે.

આ પણ વાંચો : IPLના આ પાંચ મોટા ખેલાડીઓ જે અન શોલ્ડ રહ્યા, જાણો શું હતુ કારણ

ઉપેન્દ્ર સિંહ યાદવ રેલવે ટીમ તરફથી રમે છે

ઉપેન્દ્ર સિંહ યાદવ લાંબા સમયથી યુપીની ટીમનો ભાગ છે. હાલમાં તે રેલ્વે ટીમ તરફથી રમી રહ્યો છે. ઉપેન્દ્ર અગાઉ બાંગ્લાદેશ, ન્યુઝીલેન્ડ અને સાઉથ આફ્રિકા સામે ભારત A ટીમ માટે પણ રમી ચૂક્યો છે. રણજી ટ્રોફી સીઝન 2019-20માં, તેણે યુપી તરફથી રમતી વખતે બેવડી સદી ફટકારી હતી. તેણે 203 રનની અણનમ ઇનિંગ રમી હતી. ઉપેન્દ્રએ અત્યાર સુધી 27 ફર્સ્ટ ક્લાસ મેચમાં 1139 રન અને 24 લિસ્ટ A મેચમાં 719 રન બનાવ્યા છે.

Back to top button