મોટી ખુશખબર: ટીમ ઈંડિયાના આ વિસ્ફોટક બેટ્સમેનની સર્જરી સફળ રહી, જર્મનીમાં ચાલી રહી છે સારવાર

Suryakumar Yadav: સ્ટાર બેટ્સમેન સૂર્યકુમાર યાદવ ઇંગ્લેન્ડ પ્રવાસ માટે ભારતીય ટીમનો ભાગ નથી અને તે ઘરેલુ ક્રિકેટમાં પણ ભાગ લઈ રહ્યો નથી. તે છેલ્લે મુંબઈ ટી20 લીગમાં રમતા જોવા મળ્યો હતો. હવે તેનું જર્મનીના મ્યુનિકમાં સફળ ઓપરેશન થયું છે. સૂર્યા ભારતીય ટી20I ટીમનો કેપ્ટન છે અને તોફાની બેટીંગ કરી રન બનાવવા માટે જાણીતો છે.

સૂર્યકુમાર યાદવે પોતે માહિતી આપી છે

સૂર્યકુમાર યાદવે સોશિયલ મીડિયા પ્લેટફોર્મ ઇન્સ્ટાગ્રામ પર પોસ્ટ કરી છે કે તેણે પેટના નીચેના ભાગમાં સ્પોર્ટ્સ હર્નિયા માટે સર્જરી કરાવી છે. મને જણાવતા આનંદ થાય છે કે સર્જરી પછી હું સ્વસ્થ થવાના માર્ગ પર છું. હું રિકવર થવા માટે આતુરતાથી રાહ જોઈ રહ્યો છું.

 

View this post on Instagram

 

A post shared by Surya Kumar Yadav (SKY) (@surya_14kumar)

સૂર્યા વિસ્ફોટક બેટિંગમાં નિષ્ણાત છે

સૂર્યકુમાર યાદવ ભારતીય T20 આંતરરાષ્ટ્રીય ટીમના કેપ્ટન છે અને તેની કેપ્ટનશીપ હેઠળ, ભારતીય ટીમ આવતા વર્ષે T20 વર્લ્ડ કપમાં ભાગ લે તેવી અપેક્ષા છે. સૂર્યા વિસ્ફોટક બેટિંગમાં નિષ્ણાત છે, જે વિરોધી બેટ્સમેનોને કોઈ પણ સંજોગોમાં ભુક્કા બોલાવી શકે છે. તે મેદાનના કોઈપણ ખૂણામાં સ્ટ્રોક મારવાની ક્ષમતા ધરાવે છે. તેણે વર્ષ 2021 માં ભારતીય ટીમ માટે T20 આંતરરાષ્ટ્રીય ક્રિકેટમાં ડેબ્યૂ કર્યું હતું. આ પછી, તેણે ભારત માટે 83 T20I મેચોમાં કુલ 2598 રન બનાવ્યા છે, જેમાં તેના બેટમાંથી ચાર સદી અને 21 અડધી સદી આવી છે.

ટેસ્ટ અને ODI માં સફળ રહ્યો નથી

સૂર્યકુમાર યાદવ ટેસ્ટ અને ODI ફોર્મેટમાં પણ ભારત માટે રમ્યો છે. પરંતુ તે T20 આંતરરાષ્ટ્રીય મેચોની તુલનામાં આ બંને ફોર્મેટમાં એટલો સફળ રહ્યો નથી. તેના નામે 37 ODI માં 773 રન છે. આ ઉપરાંત, તે એક ટેસ્ટમાં ફક્ત 8 રન બનાવી શક્યો છે. આ બંને ફોર્મેટમાં તેના નામે એક પણ સદી નથી.

આ પણ વાંચો: ઉત્તરાખંડના રુદ્રપ્રયાગમાં સવાર સવારમાં મોટી દુર્ઘટના થઈ, પેસેન્જર ભરેલી બસ અલકનંદા નદીમાં તણાઈ