પાકિસ્તાનમાં ઈસ્લામાબાદ કોર્ટ પાસે સુસાઈડ એટેક, કાર બ્લાસ્ટમાં 12 લોકોના મોત, અનેક ઘાયલ

• કોર્ટ વિસ્તારમાં ભારે ટ્રાફિક અને ભીડ હતી ત્યારે વિસ્ફોટ થયો હતો. આ વિસ્ફોટમાં ઘણા વકીલો અને નાગરિકો ઘાયલ થયા હતા.

HD ન્યુઝ ડેસ્કઃ ઈસ્લામાબાદ હાઈકોર્ટ Islamabad court ની બહાર એક જોરદાર વિસ્ફોટ થયો હતો, જેમાં 12 લોકો માર્યા ગયા હતા અને ઘણા લોકો ઘાયલ થયા હતા. વિસ્ફોટ સમયે કાર કોર્ટ સંકુલના પાર્કિંગ વિસ્તારમાં પાર્ક કરેલી હતી. આ અવાજ દૂર દૂર સુધી સંભળાયો હતો, જેનાથી આસપાસના વિસ્તારમાં હડકંપ મચી ગયો હતો.

સ્થાનિક પોલીસના જણાવ્યા અનુસાર કોર્ટ વિસ્તારમાં ભારે ટ્રાફિક અને ભીડ હતી ત્યારે વિસ્ફોટ થયો હતો. આ વિસ્ફોટમાં ઘણા વકીલો અને નાગરિકો ઘાયલ થયા હતા.

પાકિસ્તાનના સંરક્ષણ પ્રધાન ખ્વાજા આસિફે આ ઘટનાને દેશ માટે ગંભીર પડકાર ગણાવ્યો છે. તેમણે કહ્યું કે અમે યુદ્ધની સ્થિતિમાં છીએ. આ હુમલો અફઘાનિસ્તાન સાથે જોડાયેલા આતંકવાદનો સંદેશ છે, જેને રોકવા માટે પાકિસ્તાન સંપૂર્ણ રીતે સક્ષમ છે. આ માત્ર બોર્ડર કે બલુચિસ્તાનની ઘટના નથી, પરંતુ સમગ્ર પાકિસ્તાન માટે ખતરો છે.

જીઈઓ ન્યૂઝ અનુસાર ઘાયલોને તાત્કાલિક નજીકની હોસ્પિટલોમાં દાખલ કરવામાં આવ્યા હતા, જ્યાં તેમની સારવાર ચાલી રહી છે. પોલીસે આસપાસના વિસ્તારને સીલ કરી દીધો છે અને પ્રાથમિક તપાસ શરૂ કરી છે.

શરૂઆતના અહેવાલો સૂચવે છે કે વિસ્ફોટ સિલિન્ડર વિસ્ફોટને કારણે થયો હતો. પોલીસે જણાવ્યું હતું કે હાલમાં તે સિલિન્ડર વિસ્ફોટ હોવાનું જણાય છે, પરંતુ સંપૂર્ણ તપાસ ચાલી રહી છે. સુરક્ષા દળો અને ફોરેન્સિક ટીમો ઘટનાસ્થળે તૈનાત કરવામાં આવી છે, જે વિસ્ફોટના કારણ અને સંભવિત બેદરકારી કે અન્ય પરિબળોની તપાસ કરી રહી છે.

આ ઘટના બાદ કોર્ટ સંકુલ અને આસપાસના વિસ્તારોમાં સુરક્ષા વધારી દેવામાં આવી છે. કોર્ટની તમામ પ્રવૃત્તિઓ સ્થગિત કરવામાં આવી છે અને પોલીસે જાહેર જનતાને સાવચેતી રાખવાની અપીલ કરી છે.

આ પણ વાંચોઃ દિલ્હી બ્લાસ્ટમાં સામેલ એક પણ વ્યક્તિને છોડવામાં નહીં આવે, ભુતાનથી PM મોદીની પ્રતિક્રિયા