શેરબજારનો ઉછાળા સાથે પ્રારંભ, અદાણી ગ્રુપના શેરમાં જોરદાર તેજી દેખાઈ

મુંબઈ, 23 ડિસેમ્બર : વોલ સ્ટ્રીટ અને એશિયન બજારોના સકારાત્મક વલણને પગલે સપ્તાહના પ્રથમ દિવસ સોમવારે ભારતીય શેરબજારો ગ્રીન ઝોનમાં ખુલ્યા હતા. શેરબજારમાં આજે એટલે કે 23મી ડિસેમ્બરે જબરદસ્ત ઉછાળો જોવા મળી રહ્યો છે.

પ્રી-ઓપનિંગ સેશનમાં મુખ્ય બેન્ચમાર્ક સૂચકાંકો સેન્સેક્સ અને નિફ્ટીમાં બમ્પર વધારો જોવા મળ્યો હતો. સવારે 9:34 વાગ્યે, સેન્સેક્સ 650.94 પોઈન્ટ (0.83%)ના વધારા સાથે 78,692.53 પર અને નિફ્ટી 190.60 પોઈન્ટ (0.81%)ના વધારા સાથે 23,778.10 પર ટ્રેડ કરી રહ્યો છે.

સપ્તાહના પ્રથમ ટ્રેડિંગ દિવસે અદાણી ગ્રુપના તમામ શેર લીલા નિશાન પર ખુલ્યા હતા. શરૂઆતના વેપારમાં, અદાણી એન્ટરપ્રાઈઝ, અદાણી એનર્જી, અદાણી ગ્રીન એનર્જી, અદાણી પાવર સહિતના ઘણા શેર 1 ટકાથી વધુના ઉછાળા સાથે ટ્રેડ થઈ રહ્યા હતા. આ સાથે તમામ ક્ષેત્રીય સૂચકાંકોમાં ઉછાળો જોવા મળ્યો છે.

નિફ્ટી બેંક 415.45 પોઈન્ટ અથવા 0.82 ટકા વધીને 51,174.65 પર હતો. નિફ્ટી મિડકેપ 100 ઈન્ડેક્સ 359.70 પોઈન્ટ અથવા 0.63 ટકાના વધારા બાદ 57,266.45 પર ટ્રેડ કરી રહ્યો હતો. નિફ્ટી સ્મોલકેપ 100 ઇન્ડેક્સ 82.95 પોઇન્ટ અથવા 0.44 ટકા વધીને 18,797.25 પર હતો.

સેન્સેક્સ શેરોમાં ટાટા સ્ટીલ, ટેક મહિન્દ્રા, બજાજ ફાઈનાન્સ, એચસીએલ ટેક, એચડીએફસી બેંક, આઈસીઆઈસીઆઈ બેંક અને ભારતી એરટેલ ટોપ ગેઇનર હતા. જ્યારે, Zomato અને NTPC ટોપ લુઝર હતા.

આ પણ વાંચો :- બાળ વિવાહ વિરુદ્ધ આ રાજ્યમાં કાર્યવાહી, એક જ રાતમાં 500 જેટલા લોકોની ધરપકડ