Stock Market : શેર માર્કેટ ખુલતાની સાથે જ સેન્સેક્સ, નિફ્ટીમાં ઉછાળો, ટ્રમ્પ સાથે સીધુ કનેક્શન

Stock Market : આજે બુધવારે શેરબજાર તોફાની તેજી સાથે ખુલ્યું છે. ડોનાલ્ડ ટ્રમ્પે મધ્ય પૂર્વના તણાવ ઘટાડવાનું નિવેદન આપ્યા બાદ સેન્સેક્સ અને નિફ્ટી અન્ય વૈશ્વિક શેરબજારો સાથે ઉછળ્યા છે. બોમ્બે સ્ટોક એક્સચેન્જના 30 શેરવાળા સેન્સેક્સ ખુલતા જ 600 પોઈન્ટથી વધુ ઉછળ્યા, જ્યારે નેશનલ સ્ટોક એક્સચેન્જના નિફ્ટી પણ 200 પોઈન્ટથી વધુના વધારા સાથે ખુલ્યા. મજબૂત શરૂઆત વચ્ચે, મહિન્દ્રા એન્ડ મહિન્દ્રાથી લઈને ઈન્ડિગો અને SBI સુધીના શેરોમાં ઉછાળો જોવા મળ્યો.

સેન્સેક્સ-નિફ્ટીનો ઉછાળો

શેરબજારમાં ટ્રેડિંગ શરૂ થતાની સાથે જ BSE સેન્સેક્સ 77,424 પર ખુલ્યો, જે તેના અગાઉના 77,017 ના બંધ થયો હતો. થોડીવારમાં તે 658 પોઈન્ટ વધીને 77,675 પર પહોંચી ગયો. સેન્સેક્સની જેમ, NSE નિફ્ટી 50 માં પણ શરૂઆતના બંધથી ઉછાળો જોવા મળ્યો. ઇન્ડેક્સ 24,171 પર ખુલ્યો, જે તેના અગાઉના બંધ 24,032 થી ઉપર હતો, અને પછી અચાનક 218 પોઈન્ટ વધીને 24,250 પર પહોંચ્યો.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

આ 10 શેરોએ દર્શાવી મજબૂતી

શેરબજારમાં તેજી વચ્ચે શરૂઆતના વેપારમાં સૌથી ઝડપથી વિકસતા શેરો પર એક નજર કરીએ તો, BSE ના લાર્જ-કેપ શેર, ઇન્ડિગો શેર (3%), M&M શેર (2.50%), અને ટેક મહિન્દ્રા શેર (2%), તેજી સાથે ટ્રેડ કરી રહ્યા હતા. કોફોર્જ શેર (10%), યસ બેંક શેર (4%), પર્સિસ્ટન્ટ શેર (2.90%), અને એમફેસિસ શેર (2.50%), બધા મિડ-કેપ કેટેગરીમાં, પણ વધારા સાથે ટ્રેડ કરી રહ્યા હતા.

સ્મોલ-કેપ કેટેગરી પર નજર કરીએ તો, કોહાન્સ શેર (9%), વોકફાર્મા શેર (6%), અને પૂનાવાલા શેર (5.50%) વધારા સાથે ટ્રેડ કરી રહ્યા હતા. આ ઉપરાંત, ટ્રેન્ટ લિમિટેડ, TCS અને SBI સહિત ઘણી મોટી કંપનીઓના શેર પણ વધારા સાથે ટ્રેડ કરી રહ્યા હતા.

પહેલા જ મળ્યા હતા તેજીના સંકેતો

જણાવી દઈએ કે, ભારતીય શેરબજારમાં તેજીના સંકેતો પહેલાથી જ દેખાઈ રહ્યા હતા. તમામ વૈશ્વિક બજારો દોડતા જોવા મળ્યા હતા. મંગળવારે યુએસ શેરબજાર તેજી સાથે બંધ થયું હતું, જ્યારે જાપાન નિક્કી, હોંગકોંગ હેંગ સેંગ અને દક્ષિણ કોરિયા KOSPI સહિત એશિયન શેરબજારોમાં પણ ટ્રેડિંગ શરૂ થતાં જ મજબૂત વધારો જોવા મળ્યો. GIFT નિફ્ટી પણ શરૂઆતના સમયે ગ્રીન ઝોનમાં ટ્રેડ થયો, જે સેન્સેક્સ-નિફ્ટી બજારમાં તેજીનો સંકેત આપે છે.

આ ઉછાળા પાછળ ટ્રમ્પ કનેક્શન

હવે, શેરબજારમાં આ તેજી પાછળના કારણોની ચર્ચા કરીએ. તો તેનું સીધુ કનેક્શન યુએસ પ્રમુખ ડોનાલ્ડ ટ્રમ્પ સાથે જોડાયેલો હોય તેવું લાગે છે. ટ્રમ્પે ‘પ્રોજેક્ટ ફ્રીડમ’, સ્ટ્રેટ ઓફ હોર્મુઝમાં ફસાયેલા જહાજોને ખાલી કરાવવા માટે કામચલાઉ રોક લગાવવાની જાહેરાત કરી છે, અને એવો પણ સંકેત આપ્યો છે કે યુએસ અને ઈરાન ટૂંક સમયમાં કોઈ કરાર પર પહોંચી શકે છે.

આ પણ વાંચો : આજનું હવામાન: દેશના 11 રાજ્યોમાં આંધી તોફાનનું એલર્ટ, 60 KMની સ્પીડથી પવન ફુંકાશે