શેરબજાર પ્રથમ દિવસે જ ગગડ્યું: સેન્સેક્સ અને નિફ્ટીમાં ઘટાડો

નવી દિલ્હી, 30 જૂન, 2025: ભારતીય શેરબજારમાં 4 દિવસની વૃદ્ધિ પછી, આજે બજારમાં ઘટાડો જોવા મળી રહ્યો છે. સોમવારે, 30 શેરો વાળા BSE સેન્સેક્સ 452.44 પોઈન્ટ ઘટીને 83,606.46 પર બંધ થયા. NSE નિફ્ટી 120.75 પોઈન્ટ ઘટીને 25,517.05 પર બંધ થયા.

શેરબજારમાં છેલ્લા ચાર દિવસથી ચાલી રહેલી તેજી અટકી ગઈ. અઠવાડિયાના પહેલા ટ્રેડિંગ દિવસે સોમવારે બજાર લાલ નિશાનમાં બંધ થયું. ૩૦ શેર ધરાવતો બીએસઈ સેન્સેક્સ ૪૫૨.૪૪ પોઈન્ટ અથવા ૦.૫૪ ટકા ઘટીને ૮૩,૬૦૬.૪૬ પોઈન્ટ પર બંધ થયો. તે જ સમયે, એનએસઈ નિફ્ટી ૧૨૦.૭૫ પોઈન્ટ અથવા ૦.૪૭ ટકા ઘટીને ૨૫,૫૧૭.૦૫ પોઈન્ટ પર બંધ થયો.

સેન્સેક્સના શેરોમાં મહિન્દ્રા એન્ડ મહિન્દ્રા, કોટક બેંક, ભારતી એરટેલ, એનટીપીસી, રિલાયન્સ, ઇન્ફોસિસ, એચડીએફસી બેંક, આઈસીઆઈસીઆઈ બેંકમાં ઘટાડો જોવા મળ્યો હતો. જયારે સ્ટેટ બેંક, એટરનલ, ટ્રેન્ટ, એલ એન્ડ ટી, ટેક મહિન્દ્રા, ટીસીએસ, એક્સિસ બેંક, ટાઇટન વગેરેમાં સામાન્ય વધારો જોવા મળ્યો હતો.