શાહરૂખ-રાણી મુખર્જીને નેશનલ એવોર્ડ, મોહનલાલને દાદાસાહેબ ફાળકે એવોર્ડ

71st National Film Awards: જેની બધા રાહ જોઈ રહ્યા હતા તે ક્ષણ આખરે આવી ગઈ છે. શાહરૂખ ખાનને તેમની બ્લોકબસ્ટર ફિલ્મ “જવાન” માટે રાષ્ટ્રીય ફિલ્મ પુરસ્કાર મળવાનો છે. આ સમાચારથી તેમના ચાહકો અને સમગ્ર ફિલ્મ ઉદ્યોગમાં ખુશીની લહેર ફેલાઈ ગઈ છે. કિંગ ખાનને એવોર્ડ મળવાની રાહ હવે પૂરી થઈ ગઈ છે.

ફિલ્મ “જવાન” એ બોક્સ ઓફિસ પર અનેક રેકોર્ડ તોડી નાખ્યા અને વિશ્વભરમાં અસાધારણ કમાણી કરી હતી. શાહરૂખ ખાને આ ફિલ્મમાં ડબલ રોલ ભજવીને દર્શકોના દિલ જીતી લીધા હતા. તેમના શાનદાર અભિનય, એક્શને સાબિત કર્યું કે તેઓ માત્ર રોમાન્સ કિંગ નથી પરંતુ દરેક સુપરસ્ટાર છે.

સુપરસ્ટાર મોહનલાલને ભારતીય સિનેમામાં સર્વોચ્ચ સન્માન દાદાસાહેબ ફાળકે પુરસ્કારથી નવાજવામાં આવ્યા છે. આ પુરસ્કાર ભારતીય સિનેમામાં જીવનભરના યોગદાનને માન્યતા આપે છે.

મોહનલાલ મલયાલમ સિનેમાના મહાન અભિનેતાઓમાંના એક છે. તેમણે ચાર દાયકામાં 400થી વધુ ફિલ્મોમાં અભિનય કર્યો છે. તેમની અભિનય કેટેગરી કોમેડીથી લઈને થ્રિલર અને ગંભીર ભૂમિકાઓ સુધી ફેલાયેલી છે. તેમણે માત્ર મલયાલમ ફિલ્મોમાં જ નહીં, પરંતુ તમિલ, તેલુગુ અને હિન્દી ફિલ્મોમાં પણ પોતાની અભિનય કુશળતા દર્શાવી છે.

શાહરુખને એવોર્ડ મળ્યો

શાહરુખને રાષ્ટ્રપતિ દ્રૌપદી મુર્મુ દ્વારા ફિલ્મ જવાન માટે સન્માનિત કરવામાં આવ્યા હતા. તેમના ચહેરા પર ખુશી સ્પષ્ટ દેખાઈ રહી હતી. સ્ટેજ પર પહોંચતાની સાથે જ હાજર બધાએ ઉત્સાહભેર સ્વાગત કર્યું હતું.

રાનીને શ્રેષ્ઠ અભિનેત્રીનો નેશનલ એવોર્ડ મળ્યો

રાની મુખર્જીને શ્રેષ્ઠ અભિનેત્રીનો 71મો નેશનલ એવોર્ડ એનાયત કરવામાં આવ્યો હતો. રાષ્ટ્રપતિ દ્રૌપદી મુર્મુએ આ સન્માન આપ્યું હતું. “શ્રીમતી ચેટર્જી વર્સિસ નોર્વે” માં તેમની શક્તિશાળી ભૂમિકા માટે રાનીનું સન્માન કરવામાં આવ્યું હતું.

રાની અને શાહરૂખ ખાન ઉપરાંત, અભિનેતા વિક્રાંત મેસીને પણ શ્રેષ્ઠ અભિનેતાનો પુરસ્કાર એનાયત કરવામાં આવ્યો. તેમણે “12મી ફેઇલ” માટે અથાક મહેનત કરી અને તેનું ફળ મળ્યું હતું. આ જ ફિલ્મ માટે વિધુ વિનોદ ચોપરાને પણ સન્માનિત કરવામાં આવ્યા. કલાકારોને તેમના પુરસ્કારો મળતા જોઈને બધા રોમાંચિત થયા અને આખું વિજ્ઞાન ભવન તાળીઓના ગડગડાટથી ગુંજી ઉઠ્યું હતું.

વિક્રાંત મેસીને સન્માન મળ્યું

શાહરૂખ ખાન અને રાની મુખર્જી કાર્યક્રમમાં સાથે બેઠા જોવા મળ્યા હતા. શાહરૂખ ખાન બ્લૂક લુકમાં હતો, જ્યારે રાની મુખર્જી સાડીમાં જોવા મળી હતી. શાહરૂખ ખાનને “જવાન” માટે અને રાનીને “શ્રીમતી ચેટર્જી વર્સિસ નોર્વે” માટે સન્માનિત કરવામાં આવ્યા હતા. વિક્રાંત મેસ્સીને ફિલ્મ 12મી ફેઇલ માટે પસંદ કરવામાં આવ્યા છે.

જાનકી બોડીવાલાને ગુજરાતી ફિલ્મ વશ માટે રાષ્ટ્રીય પુરસ્કાર એનાયત કરવામાં આવ્યો હતો. તેણીએ તેની હિન્દી રિમેક શૈતાનમાં અજય દેવગનની પુત્રીની ભૂમિકા પણ ભજવી હતી.