આગામી 3 કલાકમાં મેઘતાંડવ, આ 3 જિલ્લામાં રેડ એલર્ટ; 26 જિલ્લાઓમાં ઓરેન્જ એલર્ટ જાહેર

IMD ALERT : અમદાવાદ હવામાન કેન્દ્ર દ્વારા આજે સાંજે 7 થી રાત્રે 10 વાગ્યા સુધીના આગામી 3 કલાક માટે ‘નાઉકાસ્ટ’ (Nowcast) એટલે કે તાત્કાલિક ધોરણે ચેતવણી જારી કરવામાં આવી છે. આ આગાહી અનુસાર, રાજ્યના કેટલાક વિસ્તારોમાં, મુખ્યત્વે ઉત્તર ગુજરાતમાં ભારેથી અતિભારે વરસાદ ખાબકી શકે છે.

રેડ એલર્ટ: આ 3 જિલ્લાના રહીશો ખાસ સાવચેત રહેજો!

જો તમે આજે સાંજના સમયે ઘરની બહાર જવાનું વિચારી રહ્યા હોવ, તો નીકળતાં પહેલાં હવામાન વિભાગ (IMD) દ્વારા જાહેર કરવામાં આવેલી આ તાજી અપડેટ ચોક્કસ જોઈ લેજો. અમદાવાદ હવામાન કેન્દ્ર દ્વારા આજે સાંજે 7 થી રાત્રે 10 વાગ્યા સુધીના આગામી 3 કલાક માટે ‘નાઉકાસ્ટ’ (Nowcast) એટલે કે તાત્કાલિક ધોરણે ચેતવણી જારી કરવામાં આવી છે. આ આગાહી અનુસાર, રાજ્યના કેટલાક ભાગોમાં, મુખ્યત્વે ઉત્તર ગુજરાતમાં મેઘરાજા ભારેથી અતિભારે વરસાદ સાથે વિરાટ રૂપ ધારણ કરી શકે છે.

ઓરેન્જ એલર્ટ: 26 જિલ્લાઓમાં મધ્યમ વરસાદી ઝાપટાંની શક્યતા

રાજ્યના મોટાભાગના વિસ્તારોમાં મેઘરાજાની કૃપા અવિરત ચાલુ રહેશે. હવામાન ખાતા દ્વારા નીચે દર્શાવેલા 26 જિલ્લાઓ માટે ‘ઓરેન્જ એલર્ટ’ જારી કરવામાં આવ્યું છે:

મધ્ય અને દક્ષિણ ગુજરાત: પાટણ, મહેસાણા, ગાંધીનગર, ખેડા, મહીસાગર, પંચમહાલ, દાહોદ, છોટાઉદેપુર, વડોદરા, આણંદ, અમદાવાદ, ભરૂચ, નર્મદા, સુરત, તાપી, નવસારી, ડાંગ, વલસાડ તેમજ દમણ અને દાદરા નગર હવેલી.

અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X

સૌરાષ્ટ્ર: ભાવનગર, બોટાદ, સુરેન્દ્રનગર, મોરબી, રાજકોટ અને અમરેલી.

આ તમામ જિલ્લાઓમાં કલાકના 5 થી 15 mm ની ઝડપે ગાજવીજ સાથે હળવાથી મધ્યમ વરસાદ વરસી શકે છે. જોકે, આ સમયગાળા દરમિયાન પવનની ગતિ 41 કિમી પ્રતિ કલાકથી ઓછી રહેવાનો અંદાજ છે અને વીજળી પડવાની સંભાવના પણ 30 ટકાથી ઓછી દર્શાવવામાં આવી છે.

યલો એલર્ટ: 7 જિલ્લાઓમાં હળવાં ઝાપટાંની સંભાવના

સૌરાષ્ટ્ર અને કચ્છના કેટલાક વિસ્તારોમાં વરસાદની તીવ્રતા પ્રમાણમાં ઓછી જોવા મળશે. હવામાન વિભાગ દ્વારા કચ્છ, જામનગર, જૂનાગઢ, ગીર સોમનાથ, પોરબંદર, દેવભૂમિ દ્વારકા અને દીવ માટે ‘યલો એલર્ટ’ જારી કરવામાં આવ્યું છે. આ વિસ્તારોમાં અમુક સ્થળોએ કલાકના 5 mm થી ઓછો ધીમી ધારે હળવો વરસાદ કે ઝાપટાં પડવાની શક્યતા છે.

નાગરિકોએ કઈ સાવચેતી રાખવી?

ભારે વરસાદ અને તોફાની પવનની આગાહીને પગલે સ્થાનિક તંત્ર દ્વારા નાગરિકોને નીચે મુજબની મહત્વપૂર્ણ સલાહ આપવામાં આવી છે:

ટ્રાફિક અને જળભરાવ: મુસળધાર વરસાદથી નીચાણવાળા ભાગોમાં પાણી ભરાઈ જવાના કારણે વાહનવ્યવહાર ખોરવાઈ શકે છે. આથી, કોઈ પણ પ્રવાસ શરૂ કરતા પહેલાં રસ્તા અને ટ્રાફિકની સ્થિતિ જાણી લેવી હિતાવહ છે.

વૃક્ષો અને વીજળીથી સાવધ રહો: સખત પવનના લીધે ઝાડ, મોટી ડાળીઓ કે હોર્ડિંગ્સ નીચે પડવાનું જોખમ રહેલું છે. ગાજવીજ અને વીજળીના ચમકારા વખતે ખુલ્લામાં કે ઝાડ નીચે ઊભા રહેવાનું ટાળવું.

સુરક્ષિત આશ્રયસ્થાન: નદી કિનારે વસવાટ કરતા લોકો તેમજ અત્યંત જર્જરિત કે કાચા મકાનોમાં રહેતા રહીશોએ તાત્કાલિક સલામત સ્થળે ખસી જવું.

પશુઓની સંભાળ: પશુપાલકો અને ખેડૂતોએ પોતાના માલ-ઢોરને ખુલ્લામાં બાંધવાને બદલે કોઈ મજબૂત શેડ કે સુરક્ષિત જગ્યાએ રાખવા વિનંતી છે.

આ પણ વાંચો:લેપટોપના ચાર્જરમાં આ નાનું ‘સિલિન્ડર’ કેમ હોય છે? મોટાભાગના લોકો નથી જાણતા આ અનોખું કારણ!

આ પણ વાંચો:શ્રીલંકાએ ગૉલ ટેસ્ટમાં ઉતાર્યા 5 સ્પિનરો, 3 વર્ષ બાદ આ ખેલાડીની વાપસી