વરસાદનો કોપ: રાજસ્થાનના ઝાલાવાડમાં સરકારી શાળાની છત પડી, 50 દટાયા, 4 બાળકે જીવ ખોયો
- 17થી વધુ બાળકને ઇજા, વરસાદના લીધે જર્જરિત છત પડી હોવાની ભીતિ
- ભૂતપૂર્વ મુખ્યમંત્રીએ X ઉપર દુ:ખ વ્યક્ત કર્યુંલ જુઓ X
એચડી ન્યૂઝ ડેસ્ક, 25 જુલાઇ 2025: Incident રાજસ્થાનના ઝાલાવાડમાં દુ:ખદ ઘટના બની છે. અહીંની એક સરકારી શાળાની છત ધરાશાયી થતાં તેમાં ઘણા વિદ્યાર્થીઓ દટાઈ ગયા. કાટમાળ નીચે દટાઈ જવાથી 4 વિદ્યાર્થીઓએ જીવ ખોયો હોવાનું પ્રાથમિક અહેવાલોમાં બહાર આવ્યું છે. 17 વિદ્યાર્થીઓ ઘાયલ થયા હોવાના અહેવાલ છે. મૃતકો અને ઘાયલોની સંખ્યા વધુ વધી શકે છે. હાલમાં, તમામ ઉચ્ચ પોલીસ અધિકારીઓ ઘટનાસ્થળે છે.
જેસીબીથી કાટમાળ કાઢવાનું શરૂ, તપાસના આદેશ
JCB વડે કાટમાળ કાઢવામાં આવી રહ્યો છે. ઘાયલ બાળકોને મનોહર થાણા CSC લાવવામાં આવી રહ્યા છે. રાજસ્થાનના શિક્ષણ મંત્રી મદન દિલાવરે કલેકટર સાથે વાત કરી છે અને આ મામલાની તપાસના આદેશ આપ્યા છે. કહેવામાં આવી રહ્યું છે કે ભારે વરસાદને કારણે મનોહરથાણા વિસ્તારના પીપલોડી ગામમાં સરકારી ઉચ્ચ પ્રાથમિક શાળાની જૂની ઇમારતની છત અચાનક તૂટી પડી છે. છત તૂટી પડવાથી શાળામાં અભ્યાસ કરતા ઘણા વિદ્યાર્થીઓ કાટમાળ નીચે દટાઈ ગયા.
વર્ગમાં 50થી વધુ વિદ્યાર્થીની શક્યતા: ચીસો પાડતાં ખબર પડી
સ્થાનિક ગ્રામજનોના જણાવ્યા અનુસાર, ઘટના સમયે વર્ગખંડમાં પચાસથી વધુ વિદ્યાર્થીઓ હાજર હતા. છત તૂટી પડતાં જ જોરદાર અવાજ સંભળાયો અને ચીસો પડી. તાત્કાલિક ગ્રામજનો અને શિક્ષકોએ કાટમાળ હટાવવાનું શરૂ કર્યું. ઘટનાસ્થળે હાજર લોકોએ ઘાયલોને ખાનગી વાહનોમાં મનોહરથાણાની CHC હોસ્પિટલમાં લઈ ગયા. રાહત અને બચાવ કાર્ય ચાલુ છે અને ઘણા બાળકોની હાલત ગંભીર હોવાનું કહેવાય છે. વહીવટીતંત્રે ઘાયલ વિદ્યાર્થીઓને સારી સારવાર આપવાના નિર્દેશો આપ્યા છે, જ્યારે શાળાના મકાનની જર્જરિત સ્થિતિ પર પ્રશ્નો ઉભા થઈ રહ્યા છે.
Former Rajasthan CM Ashok Gehlot tweets, "In Manoharthana, Jhalawar, reports are coming in of a government school building collapsing, causing casualties among several children and teachers. I pray to God for minimal loss of life and a speedy recovery for the injured." https://t.co/icLOYu0CqP pic.twitter.com/1xDYqNP3J0
— ANI (@ANI) July 25, 2025
ભૂતપૂર્વ મુખ્યમંત્રીએ દુ:ખ વ્યકત કર્યું
આ દરમિયાન, ભૂતપૂર્વ મુખ્યમંત્રી અશોક ગેહલોતની એક પોસ્ટ પણ સામે આવી છે. તેમણે અકસ્માત પર દુઃખ વ્યક્ત કર્યું. તેમણે X પર લખ્યું – ઝાલાવાડના મનોહરથાણામાં સરકારી શાળાની ઇમારત ધરાશાયી થવાથી ઘણા બાળકો અને શિક્ષકો ઘાયલ થયાના અહેવાલો છે. હું ભગવાનને પ્રાર્થના કરું છું કે હવે કોઇ જીવ ન ગુમાવે અને ઘાયલોને ઝડપથી સ્વસ્થ કરે.
આ પણ વાંચો:VIDEO: સરહદી તીર્થધામ નારાયણ સરોવર ખાતે સ્વામિ. મંદિર, વિશ્રાંતિ ભુવનનું 10મી ઓગસ્ટે લોકાર્પણ
