PM Kisan Yojana: ખેડૂતોના ખાતામાં ક્યારે આવશે 22મો હપ્તો?, ફટાફટ જાણો

PM Kisan Yojana Installment: દેશના કરોડો ખેડૂતો માટે Pradhan Mantri Kisan Samman Nidhi (PM-KISAN) યોજના મહત્વપૂર્ણ સહારો બની રહી છે. આ યોજના હેઠળ નાના અને સીમાંત ખેડૂતોને દર વર્ષે ₹6,000ની આર્થિક મદદ આપવામાં આવે છે. આ રકમ ₹2,000ની ત્રણ સમાન કિસ્તોમાં સીધી જ ખેડૂતોના બેંક ખાતામાં જમા થાય છે. બીજ, ખાતર, દવાઓ, સિંચાઈ અને મજૂરી જેવા ખેતીના ખર્ચમાં આ સહાય ઉપયોગી સાબિત થાય છે.

હાલ ખેડૂતો 22મી કિસ્તની રાહ જોઈ રહ્યા છે અને જાણવા માંગે છે કે રકમ ક્યારે જમા થશે અને તેઓને લાભ મળશે કે નહીં.

22મો હપ્તો ક્યારે આવી શકે?

અત્યાર સુધી યોજનાની 21 હપ્તાઓ જારી કરી ચૂકી છે. 21મો હપ્તો નવેમ્બર 2025માં ખેડૂતોના ખાતામાં જમા થયો હતો. અંદાજ મુજબ 22મો હપ્તો ફેબ્રુઆરી 2026ના અંતિમ અઠવાડિયામાં અથવા માર્ચની શરૂઆતમાં જારી થઈ શકે છે. જોકે સરકારે હજી સત્તાવાર તારીખ જાહેર કરી નથી. ગયા વર્ષોમાં પણ ફેબ્રુઆરી અંતમાં હપ્તો જારી થયો હતો, તેથી આ વખતે પણ તે સમયગાળા આસપાસ જમા થવાની શક્યતા છે.

કોને નહીં મળે હપ્તો?

સરકારે સ્પષ્ટ કર્યું છે કે કેટલીક શરતો પૂર્ણ ન કરવાથી હપ્તો અટકી શકે છે:

• e-KYC પૂર્ણ ન કર્યું હોય

• Farmer ID બનાવેલી ન હોય

• આધાર કાર્ડ બેંક ખાતા સાથે લિંક ન હોય

• બેંક ખાતાની માહિતી ખોટી હોય

• જમીનનો રેકોર્ડ અપડેટ ન હોય

આમાંની કોઈ પણ ખામી હોય તો કિસ્તની રકમ ખાતામાં નહીં આવે.

કેવી રીતે ચેક કરશો સ્ટેટસ?

ખેડૂતો ઘરે બેઠા જ પોતાની કિસ્તનો સ્ટેટસ ચેક કરી શકે છે:

1. સત્તાવાર વેબસાઇટ PM Kisan Portal (pmkisan.gov.in) પર જાઓ.

2. “Know Your Status” અથવા “Beneficiary Status” પર ક્લિક કરો.

3. આધાર નંબર, મોબાઇલ નંબર અથવા રજિસ્ટ્રેશન નંબર દાખલ કરો.

4. કેપ્ચા ભરી “Search” પર ક્લિક કરો.

5. સ્ક્રીન પર અગાઉના  હપ્તાઓની માહિતી, આગામી હપ્તાઓની સ્થિતિ અને e-KYC સ્ટેટસ દેખાશે.

આ પણ વાંચો : ટી20 વર્લ્ડ કપમાંથી ભારત બહાર થઈ જશે? સેમીફાઈનલમાં પહોંચવા માટે આ ગણિત સમજવું પડશે