પરાગે દિવાલો પર સજાવી શેફાલી જરીવાલાની યાદો, શેર કર્યો ઈમોશનલ વીડિયો
- પરાગ ત્યાગીએ 25 જુલાઈના રોજ ઈન્સ્ટાગ્રામ પર એક વીડિયો શેર કર્યો હતો, જેમાં શેફાલી સાથે વિતાવેલી ખાસ ક્ષણોની ઝલક દેખાઈ હતી
HD ન્યુઝ ડેસ્કઃ ‘કાંટા લગા’ ફેમ અભિનેત્રી શેફાલી જરીવાલાના Shefali Jariwala નિધનના થોડા દિવસો પછી તેના પતિ અને અભિનેતા પરાગ ત્યાગીએ ખૂબ જ ભાવનાત્મક રીતે તેને શ્રદ્ધાંજલિ આપી છે. પરાગે Parag તેના મુંબઈના ઘરની દિવાલોને શેફાલીના ફોટા અને યાદોથી શણગારી છે, જેમાં તેમના પ્રિય પાલતુ કૂતરા સિમ્બા સાથે વિતાવેલી ક્ષણોનો પણ સમાવેશ થાય છે.
ઈન્સ્ટાગ્રામ પોસ્ટમાં છલકાયું પરાગનું દર્દ
પરાગ ત્યાગીએ 25 જુલાઈના રોજ ઈન્સ્ટાગ્રામ પર એક વીડિયો શેર કર્યો હતો, જેમાં શેફાલી સાથે વિતાવેલી ખાસ ક્ષણોની ઝલક દેખાઈ હતી. વીડિયોની સાથે તેણે એક ભાવનાત્મક પોસ્ટ પણ લખી હતી, “કદાચ હું હવે તને મારા હાથમાં પકડી શકતો નથી, પરંતુ હું હંમેશા તને મારા હૃદયમાં, મારી આંખોમાં રાખું છું. દરેક ક્ષણ, દરેક મિનિટ, દરેક દિવસ…”
પરાગે આગળ લખ્યું કે તેમણે આ વીડિયો તેમના મિત્રો માટે બનાવ્યો છે જેઓ તેમના અને સિમ્બાના સ્વાસ્થ્ય વિશે ચિંતિત હતા અને પૂછી રહ્યા હતા કે તેઓ આ દુઃખનો સામનો કેવી રીતે કરી રહ્યા છે.
View this post on Instagram
પરી અમારી ચારે બાજુ છે
પરાગે લખ્યું, તેથી તમારી સાથે અમારા સમયની સુંદર યાદો શેર કરી રહ્યો છું. આ ખાલીપણું સહન કરવાનો અમારો રસ્તો છે. પરી અમારા હૃદયમાં, અમારા શ્વાસમાં, અમારા આત્મામાં, અમારા શરીરના દરેક કણમાં છે. તેને પ્રેમ કરતા રહો, તેના માટે પ્રાર્થના કરતા રહો. ભગવાન તમને બધાને આશીર્વાદ આપે. પરી તરફથી ખૂબ પ્રેમ.
શેફાલી જરીવાલાનું 42 વર્ષની ઉંમરે નિધન
શેફાલી જરીવાલાનું 27 જૂને નિધન થયું હતું. મીડિયા રિપોર્ટ્સ અનુસાર તે દિવસે બપોરે તેણે એન્ટીએજિંગ ઈન્જેક્શન લીધા હતા, જે તે પહેલા પણ લેતી હતી. આ સાથે ઘરે પૂજા થવાને કારણે તેણે ઉપવાસ પણ રાખ્યો હતો. રાત્રે 10 થી 11 વાગ્યાની વચ્ચે તેની તબિયત અચાનક બગડી ગઈ હતી. પરાગ તરત જ શેફાલીને હોસ્પિટલ લઈ ગયો હતો. જ્યાં ડોક્ટરોએ તેને મૃત જાહેર કરી હતી.
આ પણ વાંચોઃ ’72 કલાક ઊંઘ્યા વિના શૂટિંગ કરવું પડતું’, શ્વેતા તિવારીએ એકતા કપૂર માટે શું કહ્યું જાણો
