એશિયા કપમાં ઉતરતા પહેલા ટ્રાઈ સિરીઝમાં ભાગ લેશે પાકિસ્તાન, જાણો કઈ રીતે લાઈવ જોઈ શકશો આ મેચ

નવી દિલ્હી, 29 ઓગસ્ટ 2025: એશિયા કપ 2025થી પહેલા પાકિસ્તાની ટીમ યૂએઈની ધરતી પર થનારી ટ્રાઈ સિરીઝમાં ભાગ લેશે. આ ટ્રાઈ સિરીઝમાં પાકિસ્તાન, અફઘાનિસ્તાન અને યૂએઈની ટીમો ભાગ લેશે. એશિયા કપ પહેલા પાકિસ્તાની ટીમ આ ટૂર્નામેન્ટમાં સારુ કામ કરીને પરિણામ પ્રાપ્ત કરવાની કોશિશ કરશે.

યૂરોસ્પોર્ટ્સ ચેનલ પર આવશે લાઈવ પ્રસારણ

ટ્રાઈ સિરીઝની મેચોનું લાઈવ સ્ટ્રીમિંગ ભારતમાં ફેનકોડ એપ પર આવશે. બસ તેના માટે ફેન્સને પોતાના ફોનમાં ફેનકોડ એપ ડાઉનલોડ કરવાની હશે. તો વળી આ મેચોનું લાઈવ પ્રસારણ યૂરોસ્પોર્ટ્સ ચેનલ પર કરવામાં આવશે. ટ્રાઈ સિરીઝની તમામ મેચો શારઝાહના ક્રિકેટ સ્ટેડિયમમાં રમાશે. તમામ મેચોની શરુઆત ભારતીય સમયાનુસાર 8.30 વાગ્યાથી થશે. તેનો તેનો ટોસ અડધો કલાક પહેલા થશે.

અફઘાનિસ્તાન સામે યોજાશે પાકિસ્તાનની પહેલી મેચ

ટ્રાઈ સિરીઝમાં પાકિસ્તાની ટીમ પોતાની પહેલી મેચ 29 ઓગસ્ટના રોજ અફઘાનિસ્તાન વિરુદ્ધ રમશે. પાકિસ્તાની ટીમની કમાન સલમાન અલી આગાના હાથમાં હશે. તો વળી અફઘાનિસ્તાની ટીમના કપ્તાન રાશિદ ખાન છે. ત્યાર બાદ પાકિસ્તાની ટીમ યૂએઈ વિરુદ્ધ 30 ઓગસ્ટના રોજ મેચ રમશે. પછી 2 સપ્ટેમ્બરના રોજ અફઘાનિસ્તાન વિરુદ્ધ અને ચાર સપ્ટેમ્બરે યૂએઈ વિરુદ્ધ મેચ રમશે.

ટી20માં આવો છે બંને ટીમનો રેકોર્ડ

પાકિસ્તાન અને અફઘાનિસ્તાનની વચ્ચે હજુ સુધી ટી20 ક્રિકેટમાં કુલ 7 મેચ રમાઈ છે, જેમાં 4માં પાકિસ્તાને જીત નોંધાવી છે અને ત્રણ મેચમાં અફઘાનિસ્તાને બાજી મારી છે. આવા સમયે પાકિસ્તાન મજબૂત સ્થિતિમાં છે.

ટ્રાય સિરીઝ માટે પાકિસ્તાની ટીમ

સલમાન અલી આગા (કપ્તાન), અબરાર અહમદ, ફહીમ અશરફ, ફખર જમા, હારિસ રઉફ, હસન અલી, હસન નવાઝ, હુસૈન તલત, ખુશદિલ શાહ, મોહમ્મદ હારિસ, મોહમ્મદ નવાઝ, મોહમ્મદ વસીમ જૂનિયર, સાહિબજાદા ફરહાન, સઈમ અયૂબ, સલમાન મિર્ઝા, શાહીન શાહ અફરીદી અને સુફયાન મોકિમ

આ પણ વાંચો: ભારત સરકારનો મોટો નિર્ણય: RBIના પૂર્વ ગવર્નર ઉર્જિત પટેલને બનાવ્યા IMFના એક્ઝિક્યૂટિવ ડિરેક્ટર