પાકિસ્તાનનો અફગાનિસ્તાનની પ્રાઈવેટ એરલાઇનના ફ્યૂલ ડિપો પર બોમ્બથી હુમલો, તાલિબાન સરકારનો દાવો

Pakistan Afghanistan Conflict: પાકિસ્તાન અને અફગાનિસ્તાનમાં સંઘર્ષ વધુ તીવ્ર થઈ ગયો છે. અફગાનિસ્તાનમાં તાલિબાનના પ્રવક્તા ઝબીહુલ્લાહ મુજાહિદે જણાવ્યું કે પાકિસ્તાન એર ફોર્સે કંદહાર એરપોર્ટ નજીક ખાનગી એરલાઇન Kam Air ના ઈંધણ ડિપો પર હુમલો કર્યો છે. તેમણે સોશિયલ મીડિયા પ્લેટફોર્મ X પર પોસ્ટ કરીને જણાવ્યું હતું કે કંપની સ્થાનિક એરલાઇન્સ તેમજ સંયુક્ત રાષ્ટ્રના વિમાનોને ઇંધણ પૂરું પાડે છે. મુજાહિદે આરોપ લગાવ્યો છે કે પાકિસ્તાને અગાઉ નેશનલ ટ્રેડર હાજી ખાન ઝાદાહના ઇંધણ ડિપો પર હુમલો કર્યો હતો.
ડુરાંડ લાઇન નજીક હુમલાઓ તીવ્ર બન્યા
આ દરમ્યાન, પાકિસ્તાન આર્મીએ ખોસ્ત પ્રાંતના અલીશર-તેરેઝાઈ પર વિસ્તારમાં, કથિત ડુરાંડ લાઇન નજીક તોપમારા કર્યા. રિપોર્ટ મુજબ, આ ગોળીબારીમાં એક જ પરિવારમાંથી 4 લોકોનાં મૃત્યુ થયા છે, જ્યારે 3 અન્ય ગંભીર રીતે ઘાયલ થયા છે. ફેબ્રુઆરીમાં ડુરાંડ લાઇનની આસપાસ પાકિસ્તાન અને અફગાનિસ્તાન વચ્ચે હુમલાઓ વધુ તીવ્ર થઈ ગયા હતા. એ સમયગાળામાં, પાકિસ્તાને અફગાનિસ્તાનની રાજધાની કાબુલ સહિત અનેક શહેરો પર હવાઈ હુમલા કર્યા હતા. 27 ફેબ્રુઆરીના રોજ પાકિસ્તાને કાબુલ અને અન્ય અફગાન શહેરોને નિશાન બનાવી હવાઈ હુમલા કર્યા હતા.
પાકિસ્તાને કહ્યું “ખુલ્લી લડાઈ”
પાકિસ્તાનના સંરક્ષણ પ્રધાન ખ્વાજા આસિફે તેને “ખુલ્લું યુદ્ધ” ગણાવ્યું. તેમણે તાલિબાન પર વિશ્વના આતંકીઓને આશ્રય આપવા અને ઉગ્રવાદને પ્રોત્સાહન આપવાનો આરોપ લગાવ્યો. દરમિયાન, અફઘાન સંરક્ષણ મંત્રાલયે દાવો કર્યો હતો કે 26 ફેબ્રુઆરીએ ડુરાંડ લાઇન પર જવાબી કાર્યવાહીમાં 55 પાકિસ્તાની સૈનિકો માર્યા ગયા હતા.
આતંકવાદ અંગે પાકિસ્તાને લગાવ્યા આરોપ
2021 માં ડુરાંડ લાઇન પર ચાલી રહેલા વિવાદ અને તાલિબાનના સત્તામાં પાછા ફર્યા પછી પાકિસ્તાન-અફઘાનિસ્તાન સંબંધોમાં તણાવ સતત વધ્યો છે. પાકિસ્તાને આરોપ લગાવ્યો છે કે અફગાનિસ્તાનમાં તહરીક-એ-તાલિબાન પાકિસ્તાન (TTP) જેવા આતંકવાદી ગૃહોને આશ્રય મળી રહ્યો છે.
TTPની રચના 2007 માં થઈ હતી
એ નોંધવું જોઈએ કે TTPની રચના 2007 માં પાકિસ્તાનમાં થઈ હતી. તે અફઘાન તાલિબાનથી અલગ સંગઠન છે, પરંતુ બંને વચ્ચે ઊંડા વૈચારિક અને સામાજિક સંબંધો હોવાનું માનવામાં આવે છે. તાજેતરમાં, પાકિસ્તાનમાં બલુચિસ્તાન લિબરેશન આર્મી અને TTP દ્વારા હુમલાઓમાં નોંધપાત્ર વધારો થયો છે. અફઘાનિસ્તાનની સરહદે આવેલા પાકિસ્તાની પ્રાંતો, ખૈબર પખ્તુનખ્વા અને બલુચિસ્તાન, આ હિંસક ઘટનાઓથી સૌથી વધુ પ્રભાવિત છે.
અમારી WhatsApp ચેનલમાં જોડાવા આ લીંક પર ક્લીક કરો
આ પણ વાંચો: મિડલ ઇસ્ટ યુદ્ધની આડઅસર: વિશ્વના સમુદ્રી નકશા પર સંકટ, પનામા નહેર બની શકે છે બેકઅપ રૂટ












