Nirjala Ekadashi 2026: આજે તુલસી પાસે દીવો પ્રગટાવતી વખતે આ વસ્તુ નાખો, પૈસાની તંગી દૂર થશે
Nirjala Ekadashi 2026: હિંદુ ધર્મમાં નિર્જળા એકાદશીનું વિશેષ મહત્ત્વ માનવામાં આવે છે. વર્ષ 2026માં નિર્જળા એકાદશી 25 જૂને મનાવવામાં આવશે. આ વ્રત ભગવાન વિષ્ણુને સમર્પિત છે અને માન્યતા છે કે આ દિવસે ભક્તિ અને નિયમપૂર્વક કરવામાં આવેલી પૂજાનું વિશેષ ફળ મળે છે.
નિર્જળા એકાદશીના દિવસે ભગવાન વિષ્ણુની પૂજામાં તુલસીનું પણ ખાસ મહત્ત્વ હોય છે. ધાર્મિક માન્યતાઓ અનુસાર તુલસી માતાની પૂજા કરવાથી ઘરમાં સુખ-સમૃદ્ધિ અને સકારાત્મક ઉર્જાનો વાસ થાય છે.
તુલસી પાસે દીવો પ્રગટાવવાનો ખાસ ઉપાય
જ્યોતિષ અને ધાર્મિક માન્યતાઓ અનુસાર નિર્જળા એકાદશીની સાંજે તુલસીના છોડ પાસે શુદ્ધ ઘીનો દીવો પ્રગટાવવો શુભ માનવામાં આવે છે. માન્યતા છે કે દીવો પ્રગટાવતી વખતે તેમાં એક ચપટી હળદર નાખવાથી ભગવાન વિષ્ણુ અને ગુરુ ગ્રહની કૃપા મેળવવામાં મદદ મળે છે. દીવો પ્રગટાવ્યા બાદ તુલસી માતા સમક્ષ પરિવારની સુખ-શાંતિ, સમૃદ્ધિ અને આર્થિક પ્રગતિ માટે પ્રાર્થના કરવી જોઈએ.
આ મંત્રનો કરો જાપ
તુલસી પાસે દીવો પ્રગટાવ્યા બાદ તેની 11 અથવા 21 વખત પરિક્રમા કરવાની પરંપરા છે. આ દરમિયાન ભગવાન વિષ્ણુના મંત્રનો જાપ કરવો શુભ માનવામાં આવે છે. ૐ નમો ભગવતે વાસુદેવાય મંત્રનો જાપ કરો. માન્યતા અનુસાર આ મંત્રનો 108 વખત જાપ કરવાથી જીવનમાં આવતી અડચણો દૂર થવાની અને ઘરમાં શાંતિ વધવાની માન્યતા છે. શ્રદ્ધા અને વિશ્વાસ સાથે કરાયેલા આ એક નાનકડા ઉપાયથી ભગવાન વિષ્ણુ અને માતા તુલસીની વિશેષ કૃપા મળે છે.
નિર્જળા એકાદશીના દિવસે તુલસીને જળ ન ચઢાવો
ધાર્મિક પરંપરા અનુસાર એકાદશીનો દિવસ ભગવાન વિષ્ણુની આરાધના માટે ખાસ માનવામાં આવે છે. કેટલીક માન્યતાઓમાં આ દિવસે તુલસીમાં પાણી અર્પણ કરવાનું ટાળવાની સલાહ આપવામાં આવે છે. આ દિવસે તુલસી પાસે દીવો પ્રગટાવી, મંત્ર જાપ અને પ્રાર્થના કરવી વધુ શુભ માનવામાં આવે છે. આ દરમિયાન ભગવાન વિષ્ણુને યાદ કરીને તમારી મનોકામના કહેવી જોઈએ.
