આજે રાજ્યમાં NEETની પરીક્ષા, 80 હજારથી વધુ વિદ્યાર્થીઓ આપશે એક્ઝામ

HD ન્યુઝ ડેસ્કઃ 4 મે 2025: આજે ગુજરાત સહિત દેશભરમાં UG મેડિકલ અને ડેન્ટલ માટેની NEETની પરીક્ષા યોજાશે. આજે એટલે કે રવિવારે NEETની પરીક્ષા બપોરે 2 વાગ્યાથી 5 વાગ્યા સુધી યોજાશે. જ્યારે સૌપ્રથમવાર સરકારી સંસ્થાઓમાં NEETનું આયોજન કરાયું છે, ત્યારે સમગ્ર પ્રક્રિયા માટે ખાસ તકેદારી રાખવામાં આવી છે. નોંધનિય છે કે, નેશનલ ટેસ્ટિંગ એજન્સી દ્વારા NEETની પરીક્ષા લેવામાં આવશે. મહત્વનું છે કે, આ વર્ષે પરીક્ષા આપનાર વિદ્યાર્થીઓની સંખ્યામાં 1 લાખનો ઘટાડો થયો છે.

દેશમાંથી 23 લાખ વિદ્યાર્થીઓએ પરીક્ષા માટે રજિસ્ટ્રેશન કરાવ્યું છે. જેમાં ખાસ કરીને ગુજરાતના 80 હજારથી વધુ વિદ્યાર્થીઓ NEETની પરીક્ષા આપશે. દેશભરમાંથી અંદાજે 22 લાખ વિદ્યાર્થીઓ આ પરીક્ષા આપશે, જે MBBSની 780 કોલેજોની 1 લાખ18 હજાર 190 સીટો, BDSની 323 કોલેજોની 27 હજાર 618 સીટો અને અન્ય અભ્યાસક્રમોની કુલ 2.5 લાખ સીટો માટે લેવાશે. ઉમેદવારોએ પરીક્ષા કેન્દ્રમાં સવારે 11:00થી બપોરે 1:30 વાગ્યા સુધી પ્રવેશ મેળવવો ફરજિયાત છે.

પરીક્ષામાં કોઈપણ ગેરરીતી ન સર્જાય તે માટે ખાસ તકેદારી રાખવામાં આવી છે. વિદ્યાર્થીઓને પરીક્ષાના બે કલાક પહેલા એન્ટ્રી આપવામાં આવશે. એન્ટ્રી ગેટ પર વિદ્યાર્થીઓને મેટલ-ડિટેક્ટરથી ચેક કરાશે. આ સાથે વિદ્યાર્થીઓ વર્ગખંડમાં પ્રવેશે તે પહેલા તેમનું ફિઝિકલ ચેકિંગ થશે. મહત્વનું છે કે, પરીક્ષામાં પેપર મોકલવાનું કામ ભારતીય પોસ્ટ વિભાગને સોંપાયું છે.

આ પણ વાંચો..ગુજરાતમાં માવઠાના એંધાણ: અમદાવાદમાં વહેલી સવારથી વરસાદી માહોલ, હવામાનમાં ઠંડક ફેલાઈ