Moscow Drone Attack: રશિયા અને યુક્રેન વચ્ચે ચાલી રહેલા યુદ્ધમાં ફરી એકવાર તણાવ વધી ગયો છે. યુક્રેને રશિયાની રાજધાની મોસ્કોને નિશાન બનાવી મોટો ડ્રોન હુમલો કર્યો હોવાનો દાવો સામે આવ્યો છે. આ હુમલામાં મોસ્કોના અનેક વિસ્તારોમાં વિસ્ફોટ થયા હોવાના અહેવાલ છે. હુમલા બાદ એક મોટી ઓઇલ રિફાઇનરીમાં આગ લાગી હતી અને શહેરના આકાશમાં ધુમાડાના કાળા વાદળો જોવા મળ્યા હતા.
રશિયન અધિકારીઓના જણાવ્યા અનુસાર, આ હુમલો યુક્રેન દ્વારા કરવામાં આવેલા સૌથી મોટા ડ્રોન હુમલાઓમાંનો એક હતો. હુમલાને કારણે મોસ્કોના કેટલાક વિસ્તારોમાં દહેશતનો માહોલ સર્જાયો હતો. સુરક્ષાને ધ્યાનમાં રાખીને મોસ્કોના ચાર મુખ્ય એરપોર્ટ પરથી ફ્લાઇટ્સની અવરજવર થોડા સમય માટે બંધ કરવામાં આવી હતી.
મોસ્કોની ઓઇલ રિફાઇનરી બની હુમલાનું મુખ્ય નિશાન
યુક્રેનના ડ્રોન હુમલામાં મોસ્કોની ગેઝપ્રોમ નેફ્ટ ઓઇલ રિફાઇનરી સૌથી વધુ અસરગ્રસ્ત થઈ હોવાનું જણાવવામાં આવ્યું છે. આ રિફાઇનરી મોસ્કો વિસ્તારમાં ઇંધણ સપ્લાય કરનારા મહત્વના પ્લાન્ટમાંની એક છે.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
હુમલા બાદ રિફાઇનરીમાં ભારે વિસ્ફોટ થયો હતો અને ત્યારબાદ ભીષણ આગ ફાટી નીકળી હતી. આગની જ્વાળાઓ દૂરથી દેખાઈ રહી હતી. રશિયન અધિકારીઓના જણાવ્યા અનુસાર, રિફાઇનરીના કેટલાક મહત્વપૂર્ણ ભાગો જેમ કે સ્ટોરેજ ટેન્ક, ક્રૂડ ઓઇલ પ્રોસેસિંગ યુનિટ અને ડીઝલ હાઇડ્રોટ્રીટિંગ યુનિટને નુકસાન થયું છે. આગના કારણે મોસ્કોના આકાશમાં કાળો ધુમાડો ફેલાઈ ગયો હતો અને આસપાસના વિસ્તારોમાં રહેતા લોકોમાં ભયનો માહોલ જોવા મળ્યો હતો.
રશિયાનો દાવો: 555 યુક્રેની ડ્રોન તોડી પાડવામાં આવ્યા
રશિયાના રક્ષા મંત્રાલયે દાવો કર્યો છે કે તેની એર ડિફેન્સ સિસ્ટમએ રાત દરમિયાન અલગ અલગ વિસ્તારોમાં કુલ 555 યુક્રેની ડ્રોનને નષ્ટ કર્યા છે. રશિયાના જણાવ્યા પ્રમાણે, લગભગ 200 જેટલા ડ્રોન મોસ્કોની નજીક સુધી પહોંચી ગયા હતા, જેને રોકવાનો પ્રયાસ કરવામાં આવ્યો હતો. જોકે કેટલાક ડ્રોન એર ડિફેન્સ સિસ્ટમને ચકમો આપીને મોસ્કો સુધી પહોંચવામાં સફળ રહ્યા હતા.
BREAKING:
Huge explosions at the Moscow Oil Refinery after it’s struck by several Ukrainian long-range drones.
Looks like Moscow has a day or two of “black rain” ahead of it. pic.twitter.com/1dJGDO9lYI
— Visegrád 24 (@visegrad24) June 18, 2026
મોસ્કોના દક્ષિણ-પૂર્વ વિસ્તારમાં આવેલા કેટલાક વિસ્તારોમાં ડ્રોન હુમલાની અસર જોવા મળી હતી. કેટલાક કોમર્શિયલ કોમ્પ્લેક્સ અને રહેણાંક ઇમારતોને નુકસાન પહોંચ્યું હોવાનું જણાવાયું છે.
મોસ્કોના ચાર એરપોર્ટ પર ફ્લાઇટ્સ રોકાઈ
ડ્રોન હુમલા બાદ રશિયાના પરિવહન મંત્રાલયે મોસ્કોના ચાર મોટા એરપોર્ટ પર ફ્લાઇટ ઓપરેશન અસ્થાયી રીતે બંધ કરવાનો નિર્ણય લીધો હતો. સુરક્ષાને ધ્યાનમાં રાખીને શેરેમેત્યેવો, ડોમોદેદોવો અને વનુકોવો સહિતના એરપોર્ટ પર ફ્લાઇટ્સ રોકવામાં આવી હતી. આ નિર્ણયથી મોટી સંખ્યામાં મુસાફરો પ્રભાવિત થયા હતા. અનેક ફ્લાઇટ્સ મોડી પડી હતી અથવા તેમનું શેડ્યૂલ બદલવામાં આવ્યું હતું.
એક અઠવાડિયામાં બીજી વખત રિફાઇનરી પર હુમલો
રશિયન અધિકારીઓના જણાવ્યા પ્રમાણે, મોસ્કોની આ ઓઇલ રિફાઇનરી પર એક અઠવાડિયામાં આ બીજો હુમલો છે. આ પહેલાં 16 જૂને પણ હુમલો થયો હતો, જ્યારે ફરી 18 જૂને ડ્રોન દ્વારા હુમલો કરવામાં આવ્યો હોવાનું જણાવવામાં આવ્યું છે. રશિયા માટે આ હુમલો મહત્વપૂર્ણ માનવામાં આવે છે કારણ કે મોસ્કો જેવા સુરક્ષિત માનવામાં આવતા વિસ્તારમાં ડ્રોન પહોંચવામાં સફળ રહ્યા છે.
Last night, our long-range sanctions once again reached the Moscow region – for the second time this week, the Moscow oil refinery was hit. Targets were also struck in the Rostov region and in temporarily occupied territories of Ukraine. This is a fully justified response to… pic.twitter.com/NhFl4FlT9L
— Volodymyr Zelenskyy / Володимир Зеленський (@ZelenskyyUa) June 18, 2026
ઝેલેન્સ્કીએ હુમલાને ગણાવ્યો રશિયન હુમલાનો જવાબ
યુક્રેનના રાષ્ટ્રપતિ વોલોડિમિર ઝેલેન્સ્કીએ આ હુમલાને રશિયન હુમલાઓનો યોગ્ય જવાબ ગણાવ્યો છે. ઝેલેન્સ્કીએ કહ્યું કે યુક્રેન હવે લાંબા અંતરના હુમલા કરવાની ક્ષમતા ધરાવે છે અને તેના હુમલા મોસ્કો વિસ્તાર સુધી પહોંચી રહ્યા છે. યુક્રેનનું કહેવું છે કે આ હુમલા સૈન્ય અને વ્યૂહાત્મક સ્થળોને નિશાન બનાવીને કરવામાં આવી રહ્યા છે.
રશિયાએ કહ્યું – આ આતંકવાદી હુમલો છે
રશિયાએ યુક્રેનના આ હુમલાને આતંકવાદી કાર્યવાહી ગણાવી છે. રશિયન અધિકારીઓના જણાવ્યા પ્રમાણે, અત્યાર સુધી કોઈ મોટી નાગરિક જાનહાનિની પુષ્ટિ થઈ નથી. જોકે કેટલાક વિસ્તારોમાં ડ્રોનના કાટમાળ પડવાથી નુકસાન થયું છે.
ઝેલેન્સ્કીની ટ્રમ્પ અને મેક્રોન સાથે વાતચીત બાદ હુમલો
આ હુમલો એવા સમયે થયો છે જ્યારે યુક્રેનના રાષ્ટ્રપતિ ઝેલેન્સ્કીએ અમેરિકાના રાષ્ટ્રપતિ ડોનાલ્ડ ટ્રમ્પ અને ફ્રાન્સના રાષ્ટ્રપતિ ઇમેન્યુઅલ મેક્રોન સાથે મહત્વપૂર્ણ વાતચીત કરી હતી. ઝેલેન્સ્કીએ જણાવ્યું હતું કે યુક્રેનને G7 દેશો પાસેથી વધુ સહાય મળવાનું આશ્વાસન મળ્યું છે. મેક્રોને પણ કહ્યું હતું કે યુક્રેનને પોતાની સુરક્ષા અને જવાબી કાર્યવાહી માટે સહાય ચાલુ રાખવામાં આવશે.
પુતિન હુમલા સમયે મોસ્કોમાં નહોતા
હુમલા સમયે રશિયાના રાષ્ટ્રપતિ વ્લાદિમિર પુતિન મોસ્કોમાં હાજર નહોતા. તેઓ મોસ્કોથી લગભગ 700 કિલોમીટર દૂર આવેલા કઝાન શહેરમાં હતા. કઝાનમાં તેઓ ASEAN દેશોના નેતાઓ સાથે બેઠક કરી રહ્યા હતા. આ બેઠકમાં રશિયા વેપાર અને આંતરરાષ્ટ્રીય સંબંધોને મજબૂત કરવાની કોશિશ કરી રહ્યું છે.
યુક્રેનના ડ્રોન હુમલાથી રશિયાની સુરક્ષા વ્યવસ્થા પર સવાલ
મોસ્કો જેવા મહત્વપૂર્ણ શહેર સુધી યુક્રેનના ડ્રોન પહોંચતા રશિયાની એર ડિફેન્સ સિસ્ટમ પર સવાલો ઊભા થયા છે. આ હુમલો બતાવે છે કે રશિયા-યુક્રેન યુદ્ધ હવે માત્ર સરહદી વિસ્તારો સુધી મર્યાદિત નથી રહ્યું, પરંતુ બંને દેશો એકબીજાના આંતરિક વિસ્તારોને પણ નિશાન બનાવી રહ્યા છે. મોસ્કો પરનો આ હુમલો યુદ્ધની દિશામાં એક મહત્વપૂર્ણ ઘટનાક્રમ તરીકે જોવામાં આવી રહ્યો છે.
