મોહનલાલની ‘દૃશ્યમ 3’નો જબરદસ્ત ક્રેઝ, રિલીઝ પહેલા જ કરોડોની એડવાન્સ બુકિંગ

‘Drishyam 3’ is a huge craze:   Drishyam 3 રિલીઝ પહેલા જ બોક્સ ઓફિસ પર ધમાલ મચાવતી જોવા મળી રહી છે. Mohanlal સ્ટારર અને Jeethu Joseph દ્વારા નિર્દેશિત આ મચ અવેટેડ મલયાલમ ક્રાઇમ થ્રિલરને દેશ અને વિદેશમાં જબરદસ્ત પ્રતિસાદ મળી રહ્યો છે. ફિલ્મની એડવાન્સ બુકિંગે પહેલેથી જ કરોડોની કમાણી કરીને નવા રેકોર્ડ તરફ આગળ વધી રહી છે.

ઇન્ડસ્ટ્રી ટ્રેકર એબી જ્યોર્જના અહેવાલ મુજબ ‘દૃશ્યમ 3’ની વર્લ્ડવાઇડ પ્રી-સેલ્સ 10 કરોડ રૂપિયાથી વધુ પહોંચી ગઈ છે અને સતત વધી રહી છે. સોશિયલ મીડિયા પ્લેટફોર્મ X પર શેર કરવામાં આવેલી માહિતી અનુસાર ફિલ્મનો ક્રેઝ દર્શકોમાં જોરદાર રીતે જોવા મળી રહ્યો છે. હાલના ટ્રેન્ડને જોતા ફિલ્મ મલયાલમ સિનેમાની સૌથી મોટી ઓપનિંગ ફિલ્મોમાં સ્થાન મેળવી શકે છે.

અમારી WhatsApp ચેનલમાં જોડાવા આ લિંક પર ક્લીક કરો

ફિલ્મ ‘દૃશ્યમ’ અને ‘દૃશ્યમ 2’ની ઘટનાઓ બાદ જ્યોર્જકુટ્ટી અને તેના પરિવારની કહાનીને આગળ વધારે છે. મોહનલાલ ફરી એકવાર પોતાના લોકપ્રિય પાત્રમાં જોવા મળશે. ફિલ્મમાંમીના, અન્સીબા હસન, એસ્થર અનિલ, સિદ્દીક, આશા શરથ, મુરલી ગોપી અને વીણા નંદકુમાર જેવા કલાકારો પણ મહત્વપૂર્ણ ભૂમિકામાં જોવા મળશે.

તાજેતરમાં ફિલ્મમેકર્સે ફિલ્મનો એક ખાસ બિહાઇન્ડ-દ-સીન્સ વીડિયો પણ શેર કર્યો હતો, જેમાં થ્રિલરની બનાવટની ઝલક જોવા મળી હતી. મોહનલાલે આ વીડિયો શેર કરતા જણાવ્યું હતું કે ફિલ્મ 21 મે 2026ના રોજ વિશ્વભરમાં રિલીઝ થશે.

બીજી તરફ ફિલ્મના હિન્દી વર્ઝનને લઈને પણ મોટી માહિતી સામે આવી છે. હિન્દી ‘દૃશ્યમ 3’ના નિર્માતાકુમાર મંગત પાઠક અને અભિષેક પાઠક છે. ફિલ્મમાં અજય દેવગણ લીડ રોલમાં જોવા મળશે. અભિષેક પાઠકે ફિલ્મની રિલીઝ ડેટ કન્ફર્મ કરતા જણાવ્યું કે હિન્દી ‘દૃશ્યમ 3’ 2 ઓક્ટોબરે સિનેમાઘરોમાં રિલીઝ થશે.

આ પણ વાંચો : મહિલાએ પ્રેમીની હત્યા કરી ડ્રમમાં ભરી દીધો, પતિ અને ભાઈએ પણ સાથ આપ્યો