અંડર-19 એશિયા કપમાં ભારતની જીત, PM મોદીએ પાઠવી શુભેચ્છા
U19 Asia Cup 2026 Final India vs Pakistan Match ભારતીય ક્રિકેટ ટીમે શનિવારે રમાયેલી અંડર-19 એશિયા કપની રોમાંચક ફાઇનલમાં પાકિસ્તાનને એક વિકેટથી હરાવીને ફરી એકવાર ખિતાબ પોતાના નામે કર્યો છે. છેલ્લી બોલ સુધી ચાલેલી આ રોમાંચક મેચમાં ભારતીય ટીમે શાનદાર પ્રદર્શન કરીને નવમી વખત અંડર-19 એશિયા કપની ટ્રોફી જીતી હતી. આ ઐતિહાસિક જીત બાદ વડાપ્રધાન નરેન્દ્ર મોદીએ પણ ટીમ ઈન્ડિયાને અભિનંદન પાઠવ્યા હતા.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
PM મોદીએ સોશિયલ મીડિયા પ્લેટફોર્મ X પર પોસ્ટ કરીને ભારતીય ટીમની જીત પર ખુશી વ્યક્ત કરી હતી. તેમણે લખ્યું હતું કે,
“ભારતીય ક્રિકેટ માટે શાનદાર દિવસ! આજે ઉત્કૃષ્ટ પ્રદર્શન કરીને પુરુષોની અંડર-19 એશિયા કપ 2026 જીતવા બદલ આપણા યુવા ક્રિકેટરો પર ખૂબ ગર્વ છે. તેમની આ સફળતા અન્ય અનેક યુવાનોને પ્રેરણા આપશે. ટીમને ભવિષ્યના પ્રયાસો માટે ખૂબ ખૂબ શુભેચ્છાઓ.”
પાકિસ્તાને ભારતને આપ્યો હતો 338 રનનો મોટો લક્ષ્યાંક
ફાઇનલ મેચમાં પ્રથમ બેટિંગ કરવા ઉતરેલી પાકિસ્તાનની ટીમે 50 ઓવરમાં 9 વિકેટ ગુમાવીને 337 રનનો વિશાળ સ્કોર ઊભો કર્યો હતો. પાકિસ્તાન તરફથી ઓપનિંગ બેટ્સમેન ઉસ્માન ખાને શાનદાર સદી ફટકારી હતી. તેણે 111 બોલમાં 107 રન બનાવ્યા હતા, જેમાં 11 ચોગ્ગા અને 3 છગ્ગાનો સમાવેશ થાય છે. આ ઉપરાંત અબ્દુલ કાદિરે 54 બોલમાં 80 રન અને કેપ્ટન ફરહાન યુસુફે 60 બોલમાં 63 રનની મહત્વપૂર્ણ ઇનિંગ રમી હતી. એક સમયે પાકિસ્તાનનો સ્કોર 4 વિકેટે 299 રન હતો અને ટીમ મજબૂત સ્થિતિમાં દેખાતી હતી. જોકે, ભારતીય બોલરોએ છેલ્લી છ ઓવરમાં શાનદાર વાપસી કરીને પાકિસ્તાનની રનગતિ પર અંકુશ લગાવ્યો હતો.
Outstanding day for Indian cricket!
Immensely proud of our young cricketers for today’s impressive performance and for winning the Men’s U-19 Asia Cup 2026. Their success will inspire several youngsters.
Best wishes to the team for their endeavours ahead.
— Narendra Modi (@narendramodi) November 14, 2026
લક્ષ્ય રાયચંદાની અને આર્યવીર સહેવાગે સંભાળી ભારતીય ઇનિંગ્સ
338 રનના લક્ષ્યાંકનો પીછો કરવા ઉતરેલી ભારતીય ટીમે ઉતાર-ચઢાવ વચ્ચે શાનદાર લડત આપી હતી. ભારતીય કેપ્ટન લક્ષ્ય રાયચંદાનીએ 80 રનની મહત્વપૂર્ણ ઇનિંગ રમી હતી, જ્યારે આર્યવીર સહેવાગે 58 રનનું યોગદાન આપ્યું હતું. બંને ખેલાડીઓની બેટિંગે ભારતની જીતનો પાયો નાખ્યો હતો. ત્યારબાદ મનલ ચૌહાણે 47 રન બનાવ્યા હતા, જ્યારે મોહિત ઉલ્વાએ અણનમ 49 રનની મેચવિનિંગ ઇનિંગ રમી હતી. ભારતીય ટીમે છેલ્લી બોલ પર લક્ષ્ય હાંસલ કરીને એક વિકેટથી શાનદાર જીત નોંધાવી હતી અને નવમી વખત અંડર-19 એશિયા કપનો ખિતાબ પોતાના નામે કર્યો હતો.
આ પણ વાંચો:અમદાવાદવાસીઓ ધ્યાન આપો! સોમવારે 5 વિસ્તારોમાં પાણીનો સપ્લાય બંધ
પાકિસ્તાની બેટ્સમેનોએ કરી હતી જોરદાર બેટિંગ
પાકિસ્તાનની શરૂઆત સારી રહી હતી. હયામ ખાન અને ઉસ્માન ખાને પ્રથમ વિકેટ માટે 8.1 ઓવરમાં 62 રનની ભાગીદારી કરી હતી. હયામ ખાન 21 રન બનાવી આઉટ થયો હતો. ત્યારબાદ ઉસ્માન ખાને અબ્દુલ કાદિર સાથે બીજી વિકેટ માટે 135 રનની મોટી ભાગીદારી કરી હતી. અબ્દુલ કાદિરે 3 ચોગ્ગા અને 8 છગ્ગાની મદદથી 54 બોલમાં 80 રન બનાવ્યા હતા. બીજી તરફ ઉસ્માન ખાને સદી ફટકારીને પાકિસ્તાનને મજબૂત સ્થિતિમાં પહોંચાડ્યું હતું. જોકે, અંતિમ ઓવરોમાં ભારતીય બોલરોએ શાનદાર પ્રદર્શન કરીને મેચમાં વાપસી કરી હતી. અંતે ભારતીય યુવા ટીમે બેટિંગમાં પણ ધીરજ અને સંઘર્ષ બતાવીને ખિતાબ જીતી લીધો હતો.
