BJP સરકાર હટતા જ વકફ કાયદો રદ કરી દઈશું, મમતા બેનર્જીનું મોટું એલાન; ઈમામો સાથે બેઠક કરી

બંગાળ, 16 એપ્રિલ 2025 :   વકફ કાયદા વિરુદ્ધ શેરીઓથી લઈને સુપ્રીમ કોર્ટ સુધી લડાઈ ચાલી રહી છે. મમતા બેનર્જીના પશ્ચિમ બંગાળમાં સૌથી મોટો સંઘર્ષ જોવા મળી રહ્યો છે. મુખ્યમંત્રી મમતા બેનર્જીએ પણ વકફ એક્ટ સામે મોરચો ખોલ્યો છે. સીએમ મમતા આજે કોલકાતાના નેતાજી ઇન્ડોર સ્ટેડિયમ પહોંચ્યા જ્યાં તેમણે મુસ્લિમ ધાર્મિક નેતાઓ અને ઇમામોને મળ્યા. આ દરમિયાન તેમણે વકફ કાયદા અંગે ઇમામોને સંબોધ્યા. મમતાએ કહ્યું કે બંગાળને બદનામ કરવામાં આવી રહ્યું છે. જ્યાં હિંસા થઈ, ત્યાં કોંગ્રેસની બેઠક છે. તેમણે કહ્યું કે ભારતીય જનતા પાર્ટી સત્તા પરથી હટતાંની સાથે જ વકફ સુધારો કાયદો રદ કરવામાં આવશે.

‘હું બધા ઇમામો અને પુરોહિતોનો આદર કરું છું’
મમતા બેનર્જીએ કહ્યું કે યુપી અને બિહારના વીડિયો બતાવીને બંગાળને બદનામ કરવામાં આવી રહ્યું છે. ખોટા સમાચાર ફેલાવવામાં આવી રહ્યા છે. ભાજપ ખોટા વીડિયો બતાવીને બદનામ કરી રહી છે. મુખ્યમંત્રીએ કહ્યું કે સરહદ સુરક્ષા બીએસએફની જવાબદારી છે. જો તમારે બંગાળ વિશે વાત કરવી હોય તો મારી સામે બોલો. બંગાળને બદનામ કરવા માટે બનાવટી મીડિયા રિપોર્ટ્સ અમે પકડી પાડ્યા છે. હું બધા ઇમામો અને પુરોહિતોનો આદર કરું છું. અમે રવીન્દ્રનાથ ટાગોરની વિચારધારામાં માનીએ છીએ. બંગાળમાં હિંસા ભડકાવવાના ભાજપના કાવતરામાં ન પડો.

ઝડપી, સચોટ અને પ્રમાણિત સમાચાર મેળવવા નીચે જણાવેલા અમારા કોઈપણ વૉટ્સએપ ગ્રુપમાં જોડાઈ શકો છો

વક્ફ કાયદા અંગે મમતા બેનર્જીની મોટી બેઠક
મમતાએ વક્ફ કાયદા અંગે ભવિષ્યની રણનીતિ અંગે ચર્ચા કરવા માટે ઇમામો સાથે બેઠક યોજી હતી, જેમાં ઓલ ઇન્ડિયા મુસ્લિમ પર્સનલ લો બોર્ડના પ્રમુખ સૈફુલ્લાહ રહેમાની, AIMPLBના મહાસચિવ ફઝલુર રહીમ મુજદ્દીદી અને કોલકાતાના મેયર ફિરહાદ હકીમ સહિત ઘણા મુસ્લિમ ધાર્મિક નેતાઓ અને ઇમામો હાજર રહ્યા હતા.

પશ્ચિમ બંગાળમાં વકફ કાયદો લાગુ થવા દેવામાં આવશે નહીં – મુખ્યમંત્રી મમતા
પશ્ચિમ બંગાળમાં વક્ફ કાયદા વિરુદ્ધ મોટા પાયે વિરોધ પ્રદર્શનો થઈ રહ્યા છે. આ અંગે મુસ્લિમ સમુદાયના લોકો રસ્તાઓ પર વિરોધ પ્રદર્શન કરી રહ્યા છે. હકીકતમાં, મુસ્લિમ સમુદાય વક્ફને શરિયાનો ભાગ ગણાવી રહ્યો છે અને તેથી તેમાં કોઈ દખલગીરી સ્વીકારી રહ્યો નથી. ઉલ્લેખનીય છે કે મમતા બેનર્જીની પાર્ટીએ સંસદમાં પણ આ બિલનો વિરોધ કર્યો હતો અને જ્યારે બિલ પસાર થયું અને રાષ્ટ્રપતિની મંજૂરી મળી, ત્યારે મમતા બેનર્જીએ કહ્યું હતું કે તેઓ આ કાયદાને પશ્ચિમ બંગાળમાં લાગુ થવા દેશે નહીં. મમતા બેનર્જીની પાર્ટીના સાંસદ મહુઆ મોઇત્રા નવા કાયદા સામે સુપ્રીમ કોર્ટ પહોંચી ગયા છે.

આ પણ વાંચો : કેસરી 2 જોઈને ભાવુક થયા દિલ્હીના CM રેખા ગુપ્તા, અક્ષય-માધવનના વખાણ કર્યા