ધારાસભ્યને વાસી દાળ પીરસતા હોબાળો થયો, નેતાજીએ કેન્ટીનના માલિકને ધોઈ નાખ્યો
મુંબઈ, 09 જૂલાઈ 2025: ઘણીવાર, હોટલ, કેન્ટીન વગેરેમાં ખરાબ ફુડ પીરસવામાં આવતું હોવાની ફરિયાદો સામાન્ય લોકો તરફથી આવે છે. ઘણા લોકો સોશિયલ મીડિયા પર ખરાબ ફુડના વીડિયો શેર કરીને પોતાનો અવાજ ઉઠાવે છે. જોકે, ફક્ત સામાન્ય લોકો જ નહીં પરંતુ રાજકારણીઓને પણ ખરાબ ફુડની સમસ્યાનો સામનો કરવો પડે છે. તાજેતરનો કિસ્સો મહારાષ્ટ્રથી સામે આવ્યો છે જ્યાં શિવસેના શિંદે જૂથના ધારાસભ્ય સંજય ગાયકવાડે ખરાબ ખોરાક પીરસવાનો આરોપ લગાવીને કેન્ટીન માલિકને માર માર્યો છે. ચાલો જાણીએ સમગ્ર મામલો.
શું છે આખો મામલો?
હકીકતમાં જોઈએ તો, મહારાષ્ટ્રમાં બનેલી આ આખી ઘટના આકાશવાણી એમએલએ હોસ્ટેલમાં બની હતી. બહાર આવેલી માહિતી મુજબ, શિવસેના શિંદે જૂથના ધારાસભ્ય સંજય ગાયકવાડે આકાશવાણી એમએલએ છાત્રાલયમાં કેન્ટીન સંચાલકને માર માર્યો હતો. ધારાસભ્ય સંજય ગાયકવાડે ભોજનનો ઓર્ડર આપ્યો હતો. એવો આરોપ છે કે તેમને આપવામાં આવેલું ભોજન ખૂબ જ ખરાબ હતું.
ખોરાકમાં શું ખોટું હતું?
આરોપ મુજબ, શિવસેના શિંદે જૂથના ધારાસભ્ય સંજય ગાયકવાડને આપવામાં આવેલી દાળમાંથી દુર્ગંધ આવતી હતી. આ ઘટનાથી સંજય ગાયકવાડ ખૂબ ગુસ્સે થયા અને દાળ ભરેલી ડીસ લઈને કેન્ટીનમાં પહોંચ્યા. અહીં ધારાસભ્યએ કેન્ટીન સંચાલકને ખૂબ માર માર્યો. આ સમગ્ર ઘટનાનો વીડિયો પણ વાયરલ થઈ રહ્યો છે જેમાં ધારાસભ્ય કેન્ટીન સંચાલકને ખરાબ રીતે માર મારતા જોવા મળી રહ્યા છે.
આ પણ વાંચો: વીજાપુરમાં 90 ખેડૂતો સાથે પિતા-પુત્રે 9 કરોડનું ફુલેકું ફેરવી ઓસ્ટ્રેલિયા ભાગી ગયા
