‘I Am Trapped Bro…’ મિસ પુણે ટ્વિશા શર્માના મોત પહેલાની Insta Chat લીક, મેસેજ જોઈને ફ્રેન્ડને પણ લાગ્યો હતો આંચકો
National news: ‘હું ફસાઈ ગઈ છું, મિત્ર. બસ તુ ના ફસાતી, હું વધારે વાત નહીં કરી શકું. યોગ્ય સમય આવશે ત્યારે હું ફોન કરીશ.’ આત્મહત્યા કરવાના થોડા કલાકો પહેલા એક લાચાર નવપરિણીત મહિલાએ ઇન્સ્ટાગ્રામ પર તેની મિત્ર મીનાક્ષી સાથે આ ચેટ કરી હતી. આ પીડાદાયક અને આઘાતજનક ચેટ કોઈ સામાન્ય છોકરી વિશે નથી, પરંતુ ભૂતપૂર્વ મિસ પુણે અને મોડેલ ટ્વિશા શર્મા વિશે છે, જેમણે દક્ષિણ ભારતીય ફિલ્મોમાં કામ કર્યું છે. ન્યાયિક પરિવાર સાથે સંકળાયેલા આ હાઇ-પ્રોફાઇલ આત્મહત્યા કેસમાં,ચેટ હવે સોશિયલ મીડિયા પર લીક થઈ ગઈ છે, જે ઉત્પીડનના આરોપોને વધુ મજબૂત બનાવે છે.
દરમિયાન આ સમગ્ર કેસમાં આજે (18 મે) એક મહત્ત્વપૂર્ણ દિવસ છે. કોર્ટ આજે મુખ્ય આરોપી અને મૃતકના વકીલ પતિ સમર્થ સિંહની આગોતરા જામીન અરજી પર સુનાવણી કરવાની છે. નોઈડાથી ભોપાલ પહોંચેલા પીડિતાના માતા-પિતા અને ભાઈ આ આગોતરા જામીન અરજીને કોર્ટમાં પડકારવા માટે સંપૂર્ણપણે તૈયાર છે અને તેની સામે અરજી દાખલ કરી રહ્યા છે. લગ્નના પાંચ મહિના પછી જ શંકાસ્પદ સંજોગોમાં ટ્વિશાના મૃત્યુએ મધ્યપ્રદેશ અને દેશમાં કાનૂની ચર્ચા જગાવી છે.
ફ્રેન્ડે કહ્યું,આ લવ યુ સો મચ
સોશિયલ મીડિયા પર લીક થયેલી એક ઇન્સ્ટાગ્રામ ચેટ ટ્વિશા કેટલી માનસિક અને શારીરિક તાણનો અનુભવ કરી રહી હતી, તેનો પુરાવો આપે છે. જ્યારે ટ્વિશાએ તેની મિત્ર મીનાક્ષીને કહ્યું કે તે ફસાઈ ચૂકી છે અને યોગ્ય સમય આવશે ત્યારે ફોન કરશે, ત્યારે તેની ચિંતિત મિત્રએ ભાવનાત્મક રીતે જવાબ આપ્યો, હું તારી ચિંતા કરું છું, ટુકટુક. હું તને ખૂબ પ્રેમ કરું છું. હું તારી સાથે છું.
આ ચેટ સ્પષ્ટપણે દર્શાવે છે કે ડેટિંગ એપ પર 2024માં મળેલા વકીલ સમર્થ સિંહ સાથે ડિસેમ્બર 2025 માં લગ્ન કર્યા પછી ટ્વિશાનું જીવન નર્ક બની ગયું હતું. તે આ નરકમાંથી બહાર નીકળવા માંગતી હતી અને મંગળવાર (12 મે) રાત્રે લગભગ 10 વાગ્યા સુધી ફોન દ્વારા તેના સંબંધીઓ સાથે સંપર્કમાં હતી, કારણ કે તે ભોપાલ છોડીને તેના માતાપિતાના ઘરે પરત ફરવા માંગતી હતી.
મોડલ અને મિસ પુણે હતી ટ્વિશા
33 વર્ષીય ટ્વિશા શર્મા નોઈડાની રહેવાસી હતી. તેણે મિસ પુણેનો ખિતાબ જીત્યો હતો. તેણે ઘણી જાણીતી બ્રાન્ડ્સની જાહેરાતોમાં પણ કામ કર્યું હતું અને કેટલીક દક્ષિણ ભારતીય ફિલ્મોમાં પોતાની અભિનય કુશળતા દર્શાવી હતી. 2024માં તે એક ડેટિંગ એપ દ્વારા ભોપાલના એક હાઈ પ્રોફાઇલ વકીલ સમર્થ સિંહને મળી હતી. થોડા મહિના ડેટિંગ કર્યા પછી, તેઓએ તેમના પ્રેમને લગ્નનું નામ આપવાનું નક્કી કર્યું અને ડિસેમ્બર 2025માં લગ્ન કરી લીધા, પરંતુ ગ્લેમર જગતના આ ચમકતા સ્ટારને ખબર નહોતી કે તેમના લગ્નના પાંચ મહિના પછી જ તેમના જીવનનો આટલો ભયાનક અંત આવશે.
અચાનક ફોન ડિસ્કનેક્ટ થઈ ગયો અને પછી મૃત્યુના સમાચાર આવ્યા
ટ્વિશાના માતા-પિતા નવનિધિ શર્મા અને રેખા શર્માએ તે ભયાનક રાતની યાદ અપાવતા કહ્યું કે તેના મૃત્યુના થોડા સમય પહેલા, ટ્વિશાએ તેની માતાને ફોન કર્યો. વાતચીત દરમિયાન ટ્વિશા અચાનક ગભરાઈ ગઈ અને તેણે તેની માતાને કહ્યું કે તેનો પતિ સમર્થ, રૂમમાં આવી રહ્યો છે. આ સાથે ફોન અચાનક ડિસ્કનેક્ટ થઈ ગયો.
થોડા સમય પછી લગભગ રાત્રે 10:20 વાગ્યે તેના સાસરિયાઓ તરફથી તેના માતાપિતાને એક ટૂંકો સંદેશ મોકલવામાં આવ્યો, જેમાં કહેવામાં આવ્યું હતું કે ટ્વિશા શ્વાસ લઈ રહી નથી. ટ્વિશાનો મૃતદેહ કટારા હિલ્સ વિસ્તારમાં તેના સાસરિયાના ઘરે ફાંસીથી લટકતો મળી આવ્યો હતો. પરિવારનો આરોપ છે કે તેના મૃત્યુ પછી પુરાવાનો નાશ કરવા અને મૃત્યુ આત્મહત્યા જેવું લાગે તે માટે તેને હોસ્પિટલમાં લઈ જવામાં જાણી જોઈને વિલંબ કરવામાં આવ્યો હતો. હોસ્પિટલ મેનેજમેન્ટે રાત્રે 11 વાગ્યાની આસપાસ પોલીસને ઘટના વિશે જાણ કરી, ત્યારબાદ મૃતદેહને AIIMS ભોપાલની મોર્ચ્યુરીમાં મૂકવામાં આવ્યો હતો.
હાઈપ્રોફાઈલ સાસરી
આ હાઇ-પ્રોફાઇલ કેસમાં મૃતકના સાસુ ગિરિબાલા સિંહ છે, જે નિવૃત્ત ન્યાયાધીશ છે. તેના સસરા અને પતિ પણ પ્રભાવશાળી કાયદાકીય નિષ્ણાતો છે. આ પ્રભાવને કારણે પીડિતાનો પરિવાર શરૂઆતથી જ પુરાવાનો નાશ અને પોલીસ પર પ્રભાવનો ઉપયોગ કરવાની શંકા રાખતો હતો, જે હવે સાચું સાબિત થઈ રહ્યું છે.
પોલીસની બેદરકારી છતી થઈ
આ કેસમાં ભોપાલ પોલીસની એક મોટી ભૂલ પ્રકાશમાં આવી છે. પોસ્ટમોર્ટમ સમયે પોલીસે ફાંસી વાળો બેલ્ટ જેની પર મૃતદેહ લટકતો મળી આવ્યો હતો, તે AIIMS હોસ્પિટલના ડોકટરોને મોકલ્યો જ નહિ. બેલ્ટ ઘણો મોડો પહોંચાડવામાં આવ્યો હતો. આ ઘોર બેદરકારીને કારણે ફોરેન્સિક ડોકટરો ફાંસી આપવાના સાધન અને મૃતકના ગળા પરના નિશાનને વૈજ્ઞાનિક રીતે મેચ કરી શક્યા નહીં. કારણ કે પોસ્ટમોર્ટમ સમયે બેલ્ટ ગેરહાજર હતો. આનાથી મૃત્યુના સમય અને કારણ અંગે સસ્પેન્સ વધુ ઘેરું બન્યું છે.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
મુખ્યમંત્રી નિવાસસ્થાને ધરણા અને જંતર-મંતર પર પ્રદર્શનની તૈયારીઓ
ન્યાયની માંગણી કરતા ટ્વીશાના માતા-પિતા અને તેના આર્મી મેજર ભાઈએ ભોપાલમાં મુખ્યમંત્રી મોહન યાદવના નિવાસસ્થાનની બહાર ધરણા કર્યા હતા. પિતાએ મુખ્યમંત્રીને મળીને પોતાની વ્યથા સંભળાવી હતી. નિષ્પક્ષતા માટે દિકરીના મૃતદેહનું ફરી વખત પોર્સ્ટમોર્ટમ કરાવવાની માંગણી કરી હતી.
